ရီးရဲလ်ဂိုးသမား ကော်တိုရစ်တစ်ယောက် နိုင်ငံအသင်းနဲ့ ၂ နှစ်လောက်အဆက်အသွယ်ပြတ်နေရာကနေ အခုချိန်မှာတော့ ပြန်လည်ပါဝင်လာခဲ့ပြီဖြစ်ပါတယ်။ ၂၀၂၃ ဇွန်လကတည်းက ကော်တိုရစ်အနေနဲ့ နိုင်ငံအသင်းလူစာရင်းမှာ မပါဝင်တော့တာဖြစ်ပါတယ်။ ယခင်နည်းပြ တီဒက်စ်ကိုကြောင့် ကော်တိုရစ်ဟာ နိုင်ငံအသင်းကိုကိုယ်စားပြုဖို့ ငြင်းဆန်ခဲ့ပါတယ်။

ဒါပေမယ့်လည်း အခုချိန်မှာတော့ တီဒက်စ်ကိုအထုတ်ခံခဲ့ပြီဖြစ်တာကြောင့် နည်းပြသစ် ဂါစီယာလက်အောက်မှာ ပထမဆုံးအကြိမ်ပြန်လည်ပါဝင်လာခဲ့ပါတယ်။ ဘယ်လ်ဂျီယံဟာ လာမယ့်အပတ်မှာ ယူကရိန်းနဲ့ရင်ဆိုင်ရမှာဖြစ်ပြီး ကော်တိုရစ်အနေနဲ့ ပွဲထွက်ပါဝင်လာဖွယ်ရှိနေပါတယ်။ ပထမအကျော့ကို လာမယ့်ကြာသပတေးနေ့မှာကန်မှာဖြစ်ပြီး အဲ့နောက် ၃ ရက်အကြာမှာ ဒုတိယအကျော့ကန်ရမှာဖြစ်ပါတယ်။

အသင်းထံပြန်မလာခင် ကော်တိုရစ်တစ်ယောက် အသင်းဖော်တွေကို တောင်းပန်နိုင်လားဆိုတဲ့မေးခွန်းအပေါ် ဂါစီယာက “ကျွန်တော်တို့ ကွက်လပ်အနေအထားနဲ့ စတင်ရမှာပါ။ ကစားသမားတွေက တနင်္လာနေ့မတိုင်ခင်အထိ မြင်ရဖို့မရှိပါဘူး။ ဒါပေမယ့် ဘာတွေဖြစ်လာမလဲဆိုတာကို ခေါင်းဆောင်တွေနဲ့စကားပြောရပါမယ်။ အဲ့တာပြီးရင် ကျွန်တော်တို့ ပြီးခဲ့တဲ့နှစ်တွေက ဖြစ်ပျက်ခဲ့တာတွေကို ပြန်ပြောမှာမဟုတ်ပါဘူး”လို့ ဂါစီယာက ပြောကြားခဲ့ပါတယ်။
ဂါစီယာကတော့ အသင်းခေါင်းဆောင်နေရာအတွက် ကော်တိုရစ် ၊ ဒီဘရိုင်း ၊ လူကာကူတို့ကို လျာထားတာဖြစ်ပါတယ်။