အာတီတာက စနေနေ့ ခရစ္စတယ်ပဲလေ့စ်နှင့် ကစားရတဲ့အခါ အာဆင်နယ်ဟာ ပရီးမီးယားလိဂ်တွင် အသင်းရဲ့ ဂိုးသွင်း အဆင်မပြေမှုတွေကို ကျော်ဖြတ်နိုင်မယ်လို့ ယုံကြည်နေပါတယ်။ ဂန်နာတွေဟာ ယခုရက်သတ္တပတ်မှာ ကစားခဲ့တဲ့ ကာရာဘောင်ဖလားကွာတားဖိုင်နယ်တွင် ဂျီးဆပ်ရဲ့ ဒုတိယပိုင်းတွင် ဟက်ထရစ်ဖြင့် ပဲလေ့စ်ကို ၃-၂ ဖြင့် အနိုင်ယူ နိုင်ခဲ့ပါတယ်။

ယခုအခါ ပြိုင်ပွဲစုံ နောက်ဆုံး ၉ ပွဲတွင် ရှုံးပွဲမရှိခဲ့ဘဲ အမှတ်ပေးဇယားရဲ့ အဆင့် ၂ နေရာသို့ ပြန်လည်ရောက်လာကာ အနိုင်ရရှိရန် ကြိုးစားလုပ်ဆောင်လျက်ရှိပါတယ်။ အဲဗာတန်နဲ့ ဂိုးမရှိသရေကျခဲ့တဲ့ပွဲမှာ လွှမ်းမိုးကစားနိုင်ခဲ့သော်လည်း အနိုင်မရရှိခဲ့ပြီးနောက် အာတီတာက အသင်းမှာပြဿနာရှိနေကြောင်း ဝန်ခံခဲ့ပေမယ့် ပရီးမီးယားလိဂ်မှာ အာဆင်နယ်က ဂိုးသွင်းယူနိုင်ခဲ့ရင် အနိုင်ရရှိနိုင်တယ်လို့ မျှော်လင့်လို့ရနေတာပါ။

"စိတ်ပျက်စရာအပိုင်းကတော့ အသင်းက မယုံနိုင်လောက်စရာဖြစ်ခဲ့ပြီး ၃ မှတ်အတွက် ရရှိခဲ့တာပါပဲ"
“လိဂ်က တခြားပွဲတွေကို ပြန်ကြည့်ရင် ကျွန်တော်တို့ရဲ့ အနားသတ်တွေဟာ အဲဒီနေ့အနိုင်ရတဲ့ တခြားအသင်းတွေထက် ဆယ်ဆ ပိုကြီးပေမယ့် ဒါက ဘောလုံးပါပဲ"
"နောက်ဆုံးတော့ ကျွန်တော်တို့ လုပ်ရမှာက ဂိုးရရှိအောင်ပါ။ အသင်းက လုပ်ဆောင်နေတဲ့ အရာတွေနဲ့ အသင်းက ပွဲကို စိုးမိုးထားပုံ ရှိပါတယ် ပြောစရာက အရမ်းနည်းပါတယ်" လို့ အာတီတာက ပြောပါတယ်။

တစ်ချိန်တည်းတွင်ပင် ပဲလေ့စ်ဟာ ပြီးခဲ့တဲ့ ရက်သတ္တပတ်က ဘရိုက်တန်ကို ၃-၁ ဂိုးဖြင့် အနိုင်ရရှိခဲ့တာကြောင့် ပရီးမီးယားလိဂ်တွင် ရှုံးပွဲမရှိစံချိန်ကို ၅ ပွဲအထိ တိုးမြှင့်ထားနိုင်ပြီး တန်းဆင်းဇုန်နှင့် ၄ မှတ်အထိ ဖြတ်တောက်နိုင်ခဲ့ပါတယ်။ အန်ကီတီယာက ဘရိုက်တန်၊ အာဆင်နယ်တို့တွင်ကစားခဲ့တဲ့ပွဲမှာ အရန်ခုံတန်းမှ လူးစားဝင်ကစားခဲ့ပြီး ခြေစွမ်းပြနိုင်ခဲ့ကာ ပဲလေ့စ်အတွက် သူ့ရဲ့ပထမဆုံး ပရီးမီးယားလိဂ်ဂိုးကို မကြာမီတွင် တွေ့ရလိမ့်မယ်လို့ အိုလီဗာဂလက်စ်နာက ယုံကြည်နေပါတယ်။

"အန်ကီတီယာက အရမ်း ရည်မှန်းချက်ကြီးပါတယ် ကြိုးကြိုးစားစား အလုပ်လုပ်နေတာပါ" 
"ဒါဆို သူ့ရဲ့အခွင့်အရေးကို စောင့်နေတာပါပဲ။ သူက ဘရိုက်တန်နှင့်ပွဲမှာ ကာမာဒါနဲ့တွဲပြီး အပြုသဘောဆောင်တဲ့ သက်ရောက်မှုတွေရှိခဲ့တယ်။ ဒုတိယပိုင်းအစမှာ ကျွန်တော်တို့ ပြင်းပြင်းထန်ထန် ရုန်းကန်ခဲ့ရပါတယ်"
"သူက ဂိုးသွင်းချင်တယ်၊ ဒါကို နေ့တိုင်း လေ့ကျင့်နေတာ မြင်ပါတယ်။ ဒါပေမယ့် ကစားသမား တစ်ယောက်က အလုပ်ကို ကြိုးကြိုးစားစား လုပ်တယ်ဆိုရင် သူက ဆုလဒ်တွေရလာလိမ့်မယ်" လို့ ဂလက်စ်နာက ဆိုပါတယ်။
စောင့်ကြည့်ရမယ့် ကစားသမားများ

ခရစ္စတယ်ပဲလေ့စ် – အန်ကီတီယာ

ကာရောဘောင်ဖလားမှာ ဂိုးသွင်းယူနိုင်ခဲ့ပေမယ့် ဒီရာသီအစောပိုင်းက အာဆင်နယ်ကနေ ပဲလေ့စ်ကို ပြောင်းရွှေ့လာခဲ့တဲ့ အန်ကီတီယာဟာ ပရီးမီးယားလိဂ် ၁၁ ပွဲမှာ ဂိုးမသွင်းနိုင်သေးပါဘူး။

အရင်က အာဆင်နယ်အတွက် ကစားခဲ့ပြီး ဂန်နာတွေနဲ့ ပြန်လည်ယှဉ်ပြိုင်ရတဲ့ပွဲမှာ ဂိုးသွင်းနိုင်ခဲ့တဲ့ ကစားသမား ၄ ဦးသာရှိနေပါတယ်။ ကီဗင်ကမ်းဘဲလ် (နော်တင်ဟမ်ဖောရက်စ်၊ ၁၉၉၅)၊ အနယ်လ်ကာ (ဘော်လ်တန်၊ ၂၀၀၆)၊ ဘန်တလေ (တော့တင်ဟမ်၊ ၂၀၀၈) နှင့် မာဗ်ရိုပန်နိုစ် (ဝက်စ်ဟမ်း၊ ၂၀၂၃)။

အာဆင်နယ် – ဂါဘရီရယ် မာတင်နယ်လီ

ဂါဘရီရယ် မာတီနယ်လီဟာ ခရစ္စတယ်ပဲလေ့စ်နဲ့ကစားခဲ့တဲ့ပွဲတွေမှာ ပရီးမီးယားလိဂ်သွင်းဂိုး ၅ဂိုး သွင်းထားပြီး အခြားသူတွေထက် ပိုများနေပါတယ်။
အဲ့ဒီထဲက ၃ဂိုးကတော့ အရန်ခုံမှဝင်ရောက်ကာ သွင်းယူခဲ့ခြင်းဖြစ်ပြီး မည်သည့်အာဆင်နယ်ကစားသမားကမှ အရန်ခုံကနေ ဝင်ရောက်ကစားပြီး ဂိုးသွင်းနိုင်ခဲ့ခြင်းမရှိပါဘူး။

ပွဲကြိုခန့်မှန်းချက်- အာဆင်နယ် အနိုင်

အာဆင်နယ်ဟာ ပဲလေ့စ်နှင့် ယှဉ်ပြိုင်ခဲ့တဲ့ နောက်ဆုံးအဝေးကွင်း ၁၉ ပွဲတွင် ၂ ပွဲသာ ရှုံးနိမ့်ခဲ့ပြီး နှစ်ပွဲစလုံးမှာ ပရီးမီးယားလိဂ်တွင်ဖြစ်ပြီး ဧပြီလ ၂၀၁၇ နှင့် ဧပြီလ ၂၀၂၂ တွင် ရှုံးနိမ့်ခဲ့တာဖြစ်ပါတယ်။

အာဆင်နယ်ဟာ ၂၀၂၄ ခုနှစ် ပရီးမီးယားလိဂ် လန်ဒန်ဒါဘီ ၉ ပွဲစလုံးတွင် ၇ ပွဲနိုင် ၂ ပွဲသရေဖြင့် ရှုံးပွဲမရှိသေးပါဘူး။ ပြက္ခဒိန်တစ်နှစ်တွင် ထိုကဲ့သို့သောပွဲများတွင် ရှုံးပွဲမရှိတဲ့နောက်ဆုံးအသင်းမှာ ၂၀၀၅ ခုနှစ်တွင် ချဲလ်ဆီး (၉ပွဲနိုင် ၁ပွဲ သရေ) ၊ ၂၀၀၄ ခုနှစ်တွင် အာဆင်နယ်(၇ ပွဲနိုင် ၃ပွဲသရေ) ဖြစ်ပါတယ်။