အာဆင်နယ်တိုက်စစ်မှူး အန်ကီတီယာတစ်ယောက် အသင်းကနေထွက်ခွာဖို့ အဆင်သင့်ဖြစ်နေပြီလို့ သိရပါတယ်။ အင်္ဂလန်သားကို ဒီဇာဘီရဲ့မာဆေးလ်အသင်းက စိတ်ဝင်စားနေပြီး လက်ရှိမှာ မာဆေးလ်က မေဆင်ကို ခေါ်ယူထားပါတယ်။ ဒါ့အပြင် ဟိုဂျက်ကိုလည်း ခေါ်ယူနိုင်ဖို့ နီးစပ်နေကာ အန်ကီတီယာကိုလည်း မျက်စိကျနေပါတယ်။

မာကာတိုသတင်းဌာနရဲ့အဆိုအရ အူဘာမီယန်းထွက်ခွာမှာဖြစ်တာကြောင့် အန်ကီတီယာနဲ့အစားထိုးဖို့ ပြင်ဆင်နေတယ်လို့ ဆိုပါတယ်။ အန်ကီတီယာရဲ့စာချုပ်သက်တမ်းက ၂၀၂၇ ခုနှစ်မှာ ကုန်ဆုံးမှာဖြစ်ပြီး ကစားသမားကလည်း အသင်းကနေ ထွက်ခွာချင်နေပါတယ်။

သတင်းတွေအရ မာဆေးလ်အသင်းဟာ ဝုဗ်စတား ဟွမ်ဟီချမ်းကိုလည်း စိတ်ဝင်စားနေတယ်လို့ သိရပါတယ်။ အသက် ၂၅ နှစ်သားဟာ အာဆင်နယ်အသင်းမှာ စွမ်းဆောင်ရည်ကောင်းတစ်ချို့ပြသထားနိုင်ပြီး မာဆေးလ်က သူတို့လိုချင်တဲ့တိုက်စစ်မှူးမျိုးလို့ ယုံကြည်နေပါတယ်။

အန်ကီတီယာတစ်ယောက် အာဆင်နယ်အသင်းရဲ့ရာသီကြိုခရီးစဉ်မှာတော့ ပါဝင်လာဖွယ်ရှိနေပြီး လာမယ့်ရာသီသစ်မစခင်မှာ သူ့အနာဂတ်ကို ဆုံးဖြတ်ဖွယ်ရှိနေပါတယ်။