ဆန်းဒါးလန်းနည်းပြ ရက်ဂျစ်လီဘရစ်က အယ်လ်ခမာကို ၁-၀ဂိုးနဲ့ သမိုင်းဝင် နိုင်ပွဲရရှိခဲ့ပြီးနောက် အသင်းရဲ့ အရည်အသွေးနဲ့ စိတ်ဓာတ်ပိုင်းကို ချီးကျူးပြောကြားခဲ့ပါတယ်။

Stadium of Light ကွင်းမှာ ကစားခဲ့တဲ့ပွဲစဉ် ဒုတိယပိုင်းအတွင်း ဆန်းဒါးလန်းက အန်ဇိုလီဖီး ပင်နယ်တီကနေ သွင်းယူခဲ့တဲ့ တစ်လုံးတည်းသောဂိုးနဲ့ အနိုင်ရရှိခဲ့တာဖြစ်ပြီး ဒီမှတ်တမ်းက ၅၃ နှစ်အတွင်း ပထမဆုံးအကြိမ် ဥရောပပွဲ အနိုင်ရလဒ် ဖြစ်ခဲ့ပါတယ်။

လီဘရစ်က"ကျွန်တော်တို့ အနိုင်ရဖို့အတွက် ဒီကို လာခဲ့ကြတာပါ၊ ဘယ်လိုနည်းလမ်းနဲ့ပဲ အနိုင်ရယူသည်ဖြစ်စေ အဲဒါက အရေးကြီးပါတယ်။

ပထမပိုင်းမှာ ကျွန်တော်တို့ အနိုင်ရလဒ်နဲ့ ထိုက်တန်ခဲ့တယ်လို့ ထင်ပါတယ်။ အဲဒီအချိန်မှာ ဂိုးမသွင်းနိုင်ခဲ့ဘူး၊ ကောင်းမွန်တဲ့ အရှိန်အဟုန်ကို တည်ဆောက်ထားပြီးမှ ဂိုးမရခဲ့တာက စိတ်မကောင်းစရာပါပဲ"

ပြိုင်ဘက်က တန်ပြန်တိုက်စစ်နဲ့ ကစားခဲ့သလို တကယ်ကောင်းတဲ့ အသင်းတစ်သင်းပါ၊ ကျွန်တော်တို့အတွက် ဘောလုံးကို ထိန်းချုပ်ထားဖို့ ခက်ခဲခဲ့ပါတယ်။ ပထမပိုင်းက ကောင်းမွန်ခဲ့ပြီး ကျွန်တော်တို့ရဲ့ အစီအစဉ်တွေနဲ့ ပွဲကို စိုးမိုးထားနိုင်ခဲ့ပါတယ်။ ကျွန်တော်တို့ အထက်ပိုင်းကနေ ဖိအားပေးခဲ့ပြီး သူတို့က ကျွန်တော်တို့ရဲ့ ဂိုးသမားကို ဘောလုံးကိုင်ခွင့်ပေးခဲ့ပါတယ်။

ဒါက ပုံမှန်နဲ့မတူဘဲ ကွဲပြားနေခဲ့ပေမဲ့ ကျွန်တော်တို့ မတူညီတဲ့ ဖြေရှင်းနည်းတွေကို ရှာတွေ့ခဲ့ပါတယ်။

ကျွန်တော်တို့ရဲ့ ကစားသမားအင်အား အရည်အသွေးနဲ့ အသင်းရဲ့ စိတ်ဓာတ်ပိုင်းဆိုင်ရာကို ကျွန်တော်တို့ ခံစားသိရှိနိုင်ပါတယ်။ ဒါက အတွေ့အကြုံတွေနဲ့ သက်ဆိုင်ပြီး ဒီပွဲက ခက်ခဲခဲ့ပါတယ်၊ ဒါပေမဲ့ ပရီးမီးယားလိဂ်မှာလည်း ဒီလို အပြင်းအထန် ကြိုးစားအားထုတ်မှုတွေ လိုအပ်တာပါပဲ။ ဒါက ခက်ခဲတဲ့ သီတင်းပတ်တစ်ခု ဖြစ်ပေမဲ့ ဒါက ကျွန်တော်တို့ အမှန်တကယ် လုပ်ဆောင်ချင်တဲ့ အရာပါပဲ"လို့ ပြောခဲ့ပါတယ်။