ကမ္ဘာ့ဖလားရှုံးထွက်ပွဲစဉ်မတိုင်ခင် မိုဆာလက်မှာ ဒဏ်ရာပြဿနာရှိနေတယ်လို့ အီဂျစ်အသင်း အတည်ပြု
အီဂျစ်ဘောလုံးအဖွဲ့ချုပ်က အသင်းခေါင်းဆောင်မိုဆာလက်ရဲ့ပေါင်နောက်ကြွက်သားမှာ ဒဏ်ရာရရှိနေတယ်လို့ တနင်္ဂနွေနေ့မှာ ထုတ်ပြန်ခဲ့ပေမဲ့ ဒီဒဏ်ရာကြောင့် ဩစတြေးလျနဲ့ကစားရမယ့် ၂၀၂၆ ကမ္ဘာ့ဖလား ၃၂ သင်းအဆင့်ပွဲစဉ်ကို ပါဝင်ကစားနိုင်ဖို့ ရှိ၊မရှိ အသေးစိတ်မဖော်ပြခဲ့ပါဘူး။
"အီဂျစ်အမျိုးသားဘောလုံးအသင်းရဲ့ဆရာဝန်ဖြစ်သူ ဒေါက်တာ မိုဟာမက်အာဘူအယ်လ်-အီလာရဲ့ သတင်းပေးမှုအရ အသင်းခေါင်းဆောင်မိုဟာမက်ဆာလက်ကို စစ်ဆေးမှုတွေ ပြုလုပ်ခဲ့ပြီး ပေါင်နောက်ကြွက်သားဒဏ်ရာရရှိခဲ့တယ်လို့ အတည်ပြုခဲ့ပါတယ်။ အီရန်နဲ့ပွဲစဉ်အတွင်း သူခံစားခဲ့ရတဲ့ နာကျင်မှုတွေကြောင့် ဒီဒဏ်ရာ ပေါ်ပေါက်လာခဲ့ပြီး အဲဒီပွဲစဉ်မှာ သူ့ကို မဖြစ်မနေ လူစားလဲခဲ့ရပါတယ်။ ကစားသမားကိုယ်တိုင်တော့ လက်ရှိမှာ ပြန်လည်ကြံ့ခိုင်ရေးအစီအစဉ်တွေကို စတင်လုပ်ဆောင်နေပါပြီ" လို့ အီဂျစ်အဖွဲ့ချုပ်က လူမှုကွန်ရက်မှတဆင့် ထုတ်ပြန်ခဲ့ပါတယ်။
မိုဆာလက်က အီဂျစ်အသင်းရဲ့အုပ်စုပွဲစဉ်သုံးခုလုံးကို ပွဲထွက်ပါဝင်ကစားခဲ့ပြီး နယူးဇီလန်နဲ့ပွဲစဉ်မှာ သွင်းဂိုးအပြင် ဂိုးဖန်တီးမှုနှစ်ကြိမ် ပြုလုပ်ခဲ့သလို နယူးဇီလန်နဲ့ပွဲစဉ်မှာ ဂိုးဖန်တီးမှုတစ်ကြိမ်၊ ဘယ်လ်ဂျီယံနဲ့ပွဲစဉ်မှာ ဂိုးဖန်တီးမှုတစ်ကြိမ် ပြုလုပ်ခဲ့ပါတယ်။
