စပိန်ကလာတဲ့သတင်းတွေအရ ဘာစီလိုနာစတား ယာမယ်လ်တစ်ယောက် ချစ်သူကောင်မလေး အဲလက်စ်ကို အခြားကောင်လေးတစ်ယောက်နဲ့အတူတူ တွေ့ခဲ့ရပြီးနောက် unfollow လုပ်ခဲ့တယ်လို့ သိရပါတယ်။ ယာမယ်လ်ရဲ့ချစ်သူ အဲလက်စ်ဟာ တစ်တော့စတားတစ်ဦးဖြစ်ပြီး အင်စတာဂရမ် Live မှာ နောက်ထပ်ကောင်လေးတစ်ယောက်နဲ့အတူတူထိုင်နေတာကို မြင်တွေ့ခဲ့ပြီးနောက် အခုလိုအခြေအနေဖြစ်လာခဲ့တာဖြစ်ပါတယ်။

ယူရိုဖလားကို စပိန်အသင်းနဲ့အတူ ရယူနိုင်ခဲ့ပြီးနောက် ယာမယ်လ်ဟာ  ချန်ပီယံဆုအပြင် ပြိုင်ပွဲတစ်လျှောက်အကောင်းဆုံး ကစားသမားဆုကိုပါ အိမ်ကို ယူဆောင်လာခဲ့ပါတယ်။ သူတို့စုံတွဲဟာ အသင်းဖော်တွေ၊ သူငယ်ချင်းတွေ၊ မိသားစုတွေနဲ့အတူ ဘာလင်မှာရှိတဲ့ကွင်းထဲမှာ အောင်ပွဲခံခဲ့တာဖြစ်ပါတယ်။

အဲလက်စ်ဟာ တစ်တော့မှာ Follower ၁.၇ သန်းအထိ ရှိနေတာဖြစ်ပြီး စပိန်အသင်းရဲ့အုပ်စုပွဲစဉ်တွေကို တက်ရောက်အားပေးခဲ့သလို ယာမယ်လ်ရဲ့မိသားစုဝင်တွေနဲ့အတူတူ ထိုင်ခဲ့သေးတာဖြစ်ပါတယ်။ သတင်းတွေအရ သူတို့အတွဲဟာ မီလန်နဲ့ ဂရိကို အားလပ်ရက်ခရီးထွက်ခဲ့တယ်လို့ သိရပါတယ်။ ဒါပေမယ့် အခုလိုဗီဒီယိုထွက်ပေါ်လာချိန်မှာတော့ ယာမယ်လ်နဲ့ အဲလက်စ်တို့ဟာ အချင်းချင်း unfollow လုပ်ခဲ့တယ်လို့ သိရပါတယ်။

အဲလက်စ်ကို အခြားကောင်လေးတစ်ယောက်နဲ့တွေ့ရှိခဲ့တာကြောင့် သူမဟာ ဖောက်ပြန်နေတယ်လို့ စွပ်စွဲနေကြပါတယ်။ ဘာစီလိုနာစတားနဲ့ အဲလက်စ်တို့ဟာ ယူရိုဖလားအောင်ပွဲခံတုန်းက အတူတူပြုံးရွှင်နေခဲ့ကြတာဖြစ်ပါတယ်။ နောက်တစ်ပုံမှာဆိုရင် ယာမယ်လ်က အဲလက်စ်နဲ့ selfie ရိုက်ခဲ့သေးတာဖြစ်ပါတယ်။

ယူရိုပြိုင်ပွဲအတွင်းမှာ ယာမယ်လ်ဟာ စွမ်းဆောင်ရည်ကောင်းတွေပြသထားနိုင်ခဲ့ပြီး ပြင်သစ်နဲ့ ဆီမီးဖိုင်နယ်ပွဲမှာလည်း ပြိုင်ပွဲသမိုင်းတစ်လျှောက်အသက်အငယ်ဆုံး ဂိုးသွင်းရှင်ဖြစ်လာခဲ့ပါတယ်။ လက်ရှိမှာတော့ ယာမယ်လ်အနေနဲ့ အနားယူပြီးနောက် ဘာစီလိုနာကိုပြန်လာခဲ့ပြီဖြစ်ပါတယ်။

ယာမယ်လ်ရဲ့ဖခင်ကတော့ သားဖြစ်သူကို ဘာစီလိုနာရဲ့ဂန္ထဝင် မက်ဆီနဲ့ ခိုင်းနှိုင်းနေပါတယ်။