အင်္ဂလန်ရဲ့ ယူရို ၂၀၂၄ သူရဲကောင်းဖြစ်တဲ့ အိုလီဝက်ကင်းစ်ဟာ အာဆင်နယ်အတွက် ပြီးပြည့်စုံတဲ့ နွေရာသီ ခေါ်ယူမှု ဖြစ်နိုင်တယ်လို့ ဂါးလက်စ်က ယုံကြည်နေပါတယ်။

ယူရို ၂၀၂၄ ရှိ ဝက်ကင်းစ်ရဲ့ခြေစွမ်းက အံ့ဩလောက်စရာတော့ မရှိပါဘူး။ အသက် ၂၈ နှစ်အရွယ် တိုက်စစ်မှူးဟာ နယ်သာလန်ကို ၂-၁ ဂိုးဖြင့် အနိုင်ရရှိခဲ့တဲ့ပွဲတွင် နောက်ကျဂိုးသွင်းယူကာ အင်္ဂလန်ပရိသတ်များရဲ့ နှလုံးသားကို ဆွဲဆောင်ခဲ့ပြီး ခြင်္သေ့သုံးကောင်ကို စပိန်နှင့် ရင်ဆိုင်ရမယ့် ၂ကြိမ်ဆက်တိုက်ဥရောပချန်ပီယံရှစ်ဗိုလ်လုပွဲသို့ တွန်းပို့နိုင်ခဲ့ပါတယ်။

ဝက်ကင်းစ်ရဲ့ ပြည်တွင်းရှိကစားပုံကလည်း ထပ်တူထပ်မျှ စွဲမက်ဖွယ်ကောင်းနေပါတယ်။ ပရီးမီးယားလိဂ် ၁၉ ဂိုး သွင်းယူကာ ဂိုးဖန်တီးမှု ၃ ကြိမ် လုပ်ထားကာ ၁၉၈၂-၈၃ ရာသီနောက်ပိုင်း ပထမဆုံးအကြိမ်အဖြစ် အက်စတွန်ဗီလာကို ချန်ပီယံလိဂ်ဝင်ခွင့် ရရှိစေခဲ့ပါတယ်။ ဝက်ကင်းစ်ရဲ့တန်ဖိုးကို အသိအမှတ်ပြုခြင်းဖြင့် အက်စတွန်ဗီလာဟာ ပြီးခဲ့တဲ့ရာသီအစောပိုင်းတွင် ၅ နှစ်စာချုပ်သစ်ဖြင့် သူ့ရဲ့အနာဂတ်ကို အာမခံခဲ့ပါတယ်။

ယခုအပြောင်းအရွှေ့ဟာ ကြယ်ပွင့်များရဲ့စွမ်းဆောင်မှုကို ဆုချရုံသာမက သူ့ရဲ့စျေးကွက်တန်ဖိုးကိုလည်း အကာအကွယ်ပေးခဲ့ပြီး ယခုအခါ ပြောင်းရွှေ့ကြေးဟာ ခန့်မှန်းခြေအားဖြင့် ယူရိုသန်း ၁၀၀ (ပေါင် ၈၅.၇ သန်း) ဖြစ်စေခဲ့ပါတယ်။ ဂါးလက်စ်ကတော့ ဝက်ကင်းစ်အားခေါ်ယူရန် အာဆင်နယ်ကို တွန်အားပေးထားပါတယ်။

"အာဆင်နယ်အတွက်ကတော့ အက်စ်တွန်ဗီလာရဲ့ အိုလီဝက်ကင်းစ်ကို ကြိုက်ပါတယ်" "သူဟာ တိုက်စစ်မှူးတစ်ယောက်အနေနဲ့ လိုအပ်နေတဲ့ အရှိန်အဟုန်နဲ့ သူ့ရဲ့နောက်မှာ အိုဒီဂတ်လို ကစားသမားတစ်ယောက်နဲ့ ရှိနေရင် ပိုကောင်းသွားပါလိမ့်မယ်။ ပံ့ပိုးမှုအားလုံးကို တွေးကြည့်ရင် သူလိုမျိုး ကစားသမားတွေကို ခုခံကာကွယ်ဖို့ဆိုတာက အရမ်းခက်ခဲနေလို့ပါပဲဖြစ်ကာ အိုဒီဂတ်နဲ့ တွဲကစားရင် ကစားကွက်ပိုကောင်းလာမှာပါ။ ကျွန်တော်သာ အာဆင်နယ်မှာ ရှိနေရင် သူ့ကို ရွေးချယ်မှာပါ" လို့ Lord Ping နှင့် အင်တာဗျူးတွင် ဂါးလက်စ်က မှတ်ချက်ပြုခဲ့ပါတယ်။

ဝက်ကင်းစ်နှင့် အာဆင်နယ်တို့ရဲ့ဆက်ဆံရေးသည်နက်ရှိုင်းပါတယ်။ တိုက်စစ်မှူးဟာ ကလပ်ကို အားပေးတဲ့ ပရိသတ်သူတစ်ဦးအဖြစ် ကြီးပြင်းလာခဲ့ပြီး သူ့မိသားစုရဲ့ ခံစားချက်တွေကို မျှဝေခဲ့ပါတယ်။ ပြီးခဲ့တဲ့ရာသီက အမ်းမရိတ်စ်တွင် အာဆင်နယ်ကို ၂-၀ ဂိုးဖြင့် အနိုင်ရရှိခဲ့တဲ့ပွဲက သူ့ရဲ့ဂိုးကတော့ ခါးသီးဖွယ်ဖြစ်ခဲ့ပြီး ၂၀၀၄ ခုနှစ်နောက်ပိုင်း ပထမဆုံးအဖြစ် ပရီးမီးယားလိဂ်ချန်ပီယံဆုဖလားကို သိမ်းပိုက်ရန် ဂန်းနားတို့ရဲ့မျှော်လင့်ချက်ကို ဆိုးရွားစွာချိုးဖျက်သွားသလိုဖြစ်ခဲ့ပါတယ်။ အာဆင်နယ်ပရိသတ်တွေဖြစ်တဲ့ သူ့ရဲ့အဘိုးနှင့် ဦးလေးတို့ကတော့ ဝက်ကင်းစ်ရဲ့ ဂိုးကိုတော့ လုံးဝကျေနပ်မှာတော့ မဟုတ်ပါဘူး။

အက်စတွန်ဗီလာဟာ ၎င်းတို့ရဲ့ကြယ်ပွင့်ကစားသမားနှင့် လမ်းခွဲရန် ရည်ရွယ်ချက်မရှိသော်လည်း အထူးသဖြင့် အာဆင်နယ်က များပြားတဲ့ကမ်းလှမ်းမှုတစ်ခုပြုလုပ်ပါက အပြောင်းအရွှေ့ဖြစ်နိုင်ချေကို ပယ်ချမှာမဟုတ်ပါဘူး။ ယခုအခါ ဝက်ကင်းစ်ဟာ ထိပ်တန်းအသင်းတစ်ခုအတွက် တိုက်စစ်ရွေးချယ်မှုများကို အားကောင်းလာစေမယ့်အံ့အားသင့်ဖွယ်ကောင်းတဲ့ အလားအလာကို ကိုယ်စားပြုနေပြီး အင်္ဂလန်နှင့် သူ့ရဲ့မကြာသေးမီက အောင်မြင်မှုများဟာ ပြောင်းရွှေ့ကြေးကို ပိုမိုမြှင့်တင်ပေးခဲ့သလိုဖြစ်နေပါတယ်။