အိမ်ရှင်တွေဟာ ပထမပိုင်း ပြီးဆုံးချိန်မှာ ဝီလ် စမောလ်ဘုန်းရဲ့ ဂိုးကြောင့် ၁-၀ ဂိုးနဲ့ ရှုံးနိမ့်နေခဲ့ပေမယ့် ဒုတိယပိုင်းမှာ နူနက်ဇ်ရဲ့ ချေပဂိုးနဲ့ ပြန်လည် တုံ့ပြန်နိုင်ခဲ့ပြီး မိုဟာမက်ဆာလက်ရဲ့ ပင်နယ်တီ ၂ ကြိမ်နဲ့ အနိုင်ရခဲ့ပါတယ်။ စလော့ဟာ ဒီပွဲမှာလည်း ပွဲပယ်ခံထားရဆဲ ဖြစ်တာကြောင့် ပွဲကြည့်စဉ်ကနေသာ ကြည့်ရှုခဲ့ရပါတယ်။

ပွဲပြီးနောက် နည်းပြက"ပထမပိုင်းမှာ ကျွန်တော် သူတို့ကို ချီးကျူးစကား မပြောခဲ့ဘူးလို့ ပြောနိုင်တယ်။ ဒါက ကျွန်တော် ကွင်းဘေးမှာ မရှိဘဲ ပွဲကြည့်စဉ်မှာ ထိုင်နေရလို့ ဖြစ်နိုင်ပါတယ်။ အရင်က အခုလို ပွဲပယ်ခံရဖူးခြင်း မရှိတာကြောင့် အဲဒီနားကနေ ပွဲကြည့်တဲ့အခါ ငါကိုယ်တိုင်တောင် ဒီပွဲမှာ ကစားလို့ ရမယ်လို့ ခံစားရပါတယ်"

"ဒါပေမယ့် ကွင်းဘေးမှာ ရှိနေရင် အမြဲတမ်း အရှိန်ဆိုတာပိုပါတယ်။ ဒါပေမယ့် ဒီတစ်ကြိမ် ပထမပိုင်းမှာ အသင်းရဲ့အားအင်တွေက အရမ်းနည်းနေတယ်လို့ ပြောခဲ့တာ မမှားဘူးလို့ ထင်တယ်။ ဒါက ပြောင်းလဲရမှာဖြစ်ပြီး၊ အဲဒါကြောင့် ကျွန်တော်တို့ လူ ၃ ဦး လဲခဲ့တာပါ။အရည်အသွေး ယူဆောင်လာဖို့အပြင် တစ်ခုခု ဖန်တီးဖို့ပါ"

"၁၀ ကြိမ်မှာ ၉ ကြိမ်လောက် လူ ၃ ဦးကို ထုတ်လိုက်ရင် ကျန်တဲ့ ၈ ဦးက တစ်ခုခု ထပ်ဖြစ်သင့်တယ်လို့ ခံစားရပါတယ်။ဒုတိယပိုင်းမှာ တစ်ခုခု ကွဲပြားအောင် ဖန်တီးဖို့ ပထမပိုင်းမှာ ကျွန်တော် စဉ်းစားမိတဲ့ တစ်ခုတည်းသော နည်းလမ်းပဲ" လို့ ပြောပါတယ်။ ပွဲကိုအပြောင်းအလဲဖြစ်အောင် ဂိုးသွင်းခဲ့သူ နူနက်ဇ်နဲ့ ပတ်သက်ပြီး နည်းပြ စလော့က "ဒါက နံပါတ် ၉ ရဲ့ ဘဝပါပဲ။ အခွင့်အရေး လွဲချော်ရာကနေ အရေးကြီးတဲ့ ဂိုးတစ်ဂိုး သွင်းပြီး ရုတ်တရက် အခွင့်အရေး ထပ်လွဲသွားတာမျိုးပါ"

"ဒါပေမယ့် ဒီနေ့ အထူးသဖြင့် ဒုတိယပိုင်းမှာ သူ့ရဲ့ အသင်းအတွက် ယူဆောင်လာနိုင်တဲ့ အလုပ်စွမ်းအားကိုလည်း အားလုံး တွေ့ခဲ့ရပါတယ်။ ဒါပေမယ့် အဓိက ဖြစ်ပျက်ခဲ့တာက ဒုတိယပိုင်းမှာ ကျွန်တော်တို့က မတူကွဲပြားတဲ့ အရှိန်နဲ့ စတင် ကစားခဲ့တာပါ။ ဘောလုံးမရှိတဲ့ အချိန်မှာတင် မဟုတ်ဘဲ ဘောလုံးနဲ့ရှိတဲ့အချိန်မှာပါ"

"ပထမဂိုးကို ကြည့်ရင် လူးဝစ်ဒီယက်ဇ်က တစ်ယောက်ချင်း ရင်ဆိုင်မှုကို ဘယ်လို ယူခဲ့လဲ ဒီလိုမျိုး ပထမပိုင်းမှာ ဖြစ်ခဲ့တဲ့ အရာကို ကျွန်တော် ရွေးမထုတ်နိုင်ဘူးလို့ ထင်ပါတယ်။ဒုတိယဂိုးမှာ ဂရာဗန်ဘက်ချ်က ၁၈ ကိုက် မျဉ်းအထိ တက်ပြီး ဘောလုံး ပြန်ရဖို့ လုပ်ခဲ့တာက ဒါဝင်ကို ပြစ်ဒဏ်ကျုးလွန်မှု ဖြစ်စေခဲ့ပြီး ပထမပိုင်းမှာတော့ ဘောလုံး လွတ်သွားတိုင်း သူတို့က အလွယ်တကူ ယူပြီး ကစားနိုင်ခဲ့ပါတယ်" "ဒုတိယပိုင်းမှာ ကစားသမားတွေနဲ့ ပရိသတ်တွေအတွက် အင်အားက ပထမပိုင်းနဲ့ လုံးဝ ကွဲပြားခဲ့တယ်" လို့ ပြောပါတယ်။