အသက် ၃၀ နှစ်အရွယ် ကစားသမားဟာ တနင်္ဂနွေနေ့က ယူနိုက်တက်နဲ့ ၁-၁ ဂိုး သရေကျခဲ့တဲ့ပွဲမှာ အရန်ခုံမှာသာ ထိုင်နေခဲ့ရပေမယ့် ဗုဒ္ဓဟူးနေ့ ပီအက်စ်ဗီနဲ့ပွဲမှာတော့ ရှားရှားပါးပါး ပွဲထွက်ခွင့်ရခဲ့ပါတယ်။ စတာလင်က အဆိုပါပွဲမှာ ရရှိခဲ့တဲ့ အခွင့်အရေးကို ကောင်းကောင်းအသုံးချပြီး ဂိုးဖန်တီးမှု ၂ ကြိမ်အထိ ပြုလုပ်ခဲ့ကာ အာဆင်နယ်အသင်းက နှစ်ကျော့ပေါင်းရလဒ် ၉-၃ ဂိုးဖြင့် အနိုင်ရရှိပြီး လက်ရှိချန်ပီယံ ရီးရဲလ်မက်ဒရစ်နဲ့ ကွာတားဖိုင်နယ်မှာ တွေ့ဆုံဖို့ သေချာသွားခဲ့ပါတယ်။

အင်္ဂလန်သားက ပွဲကစားချိန် ၆ မိနစ်တွင် ဇင်ချန်ကိုရဲ့ အဝေးကန်ချက်ကို ဖန်တီးပေးခဲ့ပြီး ပထမပိုင်းပြီးခါနီးမှာ ရိုက်စ် ခေါင်းတိုက်ဂိုးသွင်းနိုင်ဖို့ လှပတဲ့ဖြတ်တင်ဘောကို ပေးပို့ခဲ့ပါတယ်။ အမ်မရိတ်စ်ကို အငှားပြောင်းရွှေ့မှုက အာတီတာအတွက် တန်ဖိုးရှိတဲ့ အားဖြည့်မှုတစ်ခုဖြစ်ပြီး တောင်ပံကစားသမားကို အင်္ဂလန်အသင်းမှာ ပြန်လည်နေရာရရှိအောင် ကူညီပေးမယ်လို့ မျှော်လင့်ခဲ့ကြပါတယ်။ ဒါပေမယ့် အာဆင်နယ်ရဲ့ တိုက်စစ်ပိုင်းမှာ အဓိကကစားသမားတွေ ဒဏ်ရာရရှိမှုတွေရှိနေပေမယ့် စတာလင်ဟာ ဒီရာသီမှာ ပွဲစဉ်အနည်းငယ်မှာသာ ပါဝင်ကစားခဲ့ပြီး ပရီးမီးယားလိဂ်မှာ ၄ ပွဲသာ ပွဲထွက်ကစားထားရပါတယ်။

ဒါပေမယ့် ဥရောပမှာ အကောင်းဆုံးစွမ်းဆောင်ရည်ပြသပြီးနောက် စတာလင်က ရာသီကုန်ပိုင်းမှာ အာတီတာရဲ့အသင်းတွင် ပိုကြီးတဲ့အခန်းကဏ္ဍကနေ ဆက်လက်ကစားနိုင်မယ်လို့ ယုံကြည်မှုရှိပါတယ်။ "ဒါက ကောင်းပါတယ် ကျွန်တော်လည်း ဂိုးတစ်ဂိုးရသင့်ပါတယ်။ အဲဒီမှာရှိနေပြီး အသင်းအတွက် အထောက်အကူပြုနိုင်တာက ကောင်းပါတယ်။ ကျွန်တော့်ရဲ့ကစားပုံအတိုင်င်း ကစားပြီး လှုပ်ရှားမှုရှိဖို့ပါပဲ။ ကျွန်တော် အဲဒါကို လုပ်ဖို့ ကြိုးစားခဲ့ပါတယ်"
"ကျွန်တော် ဘာတွေလုပ်နိုင်လဲဆိုတာ သိပါတယ်။ ကစားချင်စိတ်ရှိဖို့ပါပဲ။ ထိပ်တန်းကစားသမားတွေနဲ့အတူ ထိပ်တန်းအသင်းမှာ ရှိနေပြီး ရရှိလာမယ့်အခိုက်အတန့်ကို စောင့်ရုံပါပဲ။ အဲဒါက ကျွန်တော်လုပ်နေတာပါ။ ကျွန်တော်မှာ ပါဝင်ကစားဖို့ အစိတ်အပိုင်းတစ်ခု ကျန်သေးတယ်ဆိုတာကို ကျွန်တော် ယုံကြည်နေဆဲပါ"

"ထိန်းချုပ်နိုင်တာကိုသာ ထိန်းချုပ်နိုင်ပါတယ်။ ကျွန်တော်လိုချင်သလောက် ပွဲကစားချိန်မိနစ်တွေ မရခဲ့ပါဘူး။ ဒါပေမယ့် အခွင့်အရေးတွေ ရခဲ့ပါတယ်"
"တံခါးကို ဆက်လက်ခေါက်ဖို့က ကျွန်တော့်အပေါ်မှာ မူတည်ပါတယ်။ ၁၀ မိနစ်၊ ၄၅ မိနစ် ဒါမှမဟုတ် ပွဲထွက်ကစားတာပဲဖြစ်ဖြစ် ဒီမှာကစားဖို့ အများကြီးရှိသေးတယ်လို့ ကျွန်တော်ကိုယ်တိုင် ယုံကြည်ပါတယ်။ ကျွန်တော် အဆင်သင့်ဖြစ်နေဖို့နဲ့ အသင်းကို တတ်နိုင်သလောက် ကူညီဖို့ ကြိုးစားဖို့ လိုပါတယ်"

"မိုက်ကယ်လို ခေါင်းဆောင်တစ်ယောက်နဲ့အတူ ကျွန်တော် သူ့တံခါးကို ကိုယ်ထိလက်ရောက် သွားခေါက်ချင်တဲ့သူ မဟုတ်ပါဘူး။ သူက တာဝန်ရှိသူပါ"
"ကျွန်တော် လုပ်နိုင်တာက လေ့ကျင့်ရေးကွင်း ဒါမှမဟုတ် ကွင်းထဲမှာပါ။ တွန်းအားပေးဖို့နဲ့ သူ့ရဲ့စဉ်းစားမှု လုပ်ငန်းစဉ်ထဲမှာ ထည့်သွင်းဖို့က ကျွန်တော့်အပေါ်မှာ မူတည်ပါတယ်" လို့ သူက TNT Sports ကို ပြောပါတယ်။

အာဆင်နယ်ဟာ လီဗာပူးရဲ့ အမှတ် ၁၅ မှတ်အသာစီးရမှုကို ပြန်လည်တုံ့ပြန်နိုင်ဖို့အတွက် လိဂ်ကို အာရုံစိုက်နေပါတယ်။ စတာလင်ဟာ တနင်္ဂနွေနေ့မှာ သူ့ရဲ့အသင်းဟောင်း ချဲလ်ဆီးနဲ့ ကစားတဲ့ပွဲမှာ ကစားခွင့်မရမှာဖြစ်ပေမယ့် သူ့အသင်းဟာ အမှတ်ပေးဖလားပြိုင်ပွဲမှာ အသာစီးရဖို့နဲ့ အာနီ စလော့ရဲ့အသင်းကို အလွယ်တကူ အရှုံးမပေးဖို့ မှန်ကန်တဲ့စိတ်ဓာတ်ရှိတယ်လို့ ယုံကြည်မှုရှိပါတယ်။

"ကျွန်တော်တို့လို မန်နေဂျာနဲ့အတူ ခေါင်းဆောင်တစ်ယောက်ရှိတဲ့အခါ သူက ခိုင်မာတဲ့အုပ်စုတစ်ခုကို ပိုင်ဆိုင်ပါတယ်။ ဒါကို သင် သိမြင်ခံစားနိုင်ပါတယ်" "ပထမမိနစ်ကတည်းက ထိပ်တန်းအသင်းစိတ်ဓာတ်ကို ကျွန်တော် ခံစားနိုင်ပါတယ်။ ဟုတ်ပါတယ် ကျွန်တော်တို့ အမှတ်အနည်းငယ် နောက်ကျနေပေမယ့် မတူညီတဲ့ အခြေအနေတွေ အားလုံးရှိပါတယ်။ ဒါပေမယ့် အသင်းရှိ ကစားသမားတွေက တကယ်ကောင်းကောင်းလုပ်ခဲ့တယ်လို့ ကျွန်တော်ထင်ပါတယ်"  လို့ သူက ထပ်လောင်းပြောပါတယ်။