ချန်ပီယံလိဂ်အောင်မြင်မှုကို မစွဲလမ်းသင့်ကြောင်း ပီအက်စ်ဂျီနည်းပြ အင်းနရစ် ပြောကြား
ပီအက်စ်ဂျီအသင်းနည်းပြ အင်းနရစ်က မိမိတို့အသင်းအနေနဲ့ ချန်ပီယံလိဂ် အောင်မြင်မှုကို မစွဲလမ်းသင့်ဘူးလို့ ဒေါ့မွန်အသင်းနဲ့ အုပ်စုပွဲမတိုင်ခင် ပြောကြားလိုက်ပါတယ်။
ပီအက်စ်ဂျီဟာ ၂၀၁၁ နောက်ပိုင်းကာတာသူဌေးတွေတာဝန်ယူကတည်းက ပြင်သစ်မြေမှာ အောင်မြင်တဲ့ အသင်းတစ်သင်းဖြစ်လာခဲ့ကာ လိဂ်ဖလား ၉ ကြိမ်အထိ ရယူထားနိုင်ခဲ့ပါတယ်။ ဒါ့အပြင် ပြည်တွင်းလိဂ် ဖလားတွေမှာလည်း အောင်မြင်မှု ရယူထားနိုင်ခဲ့ပေမယ့် ချန်ပီယံလိဂ်အောင်မြင်မှုတော့ မရသေးတာဖြစ်ပါတယ်။
အင်္ဂါနေ့မှာ ချန်ပီယံလိဂ်အောင်မြင်မှုအတွက် အစမ်းသပ်ခံရမှာဖြစ်ပြီး ဒေါ့မွန်အသင်းနဲ့ အုပ်စုကျပ်ပွဲစဉ်ရင်ဆိုင်ရမှာဖြစ်ကာ အဲ့နောက် နယူးကာဆယ် ၊ အေစီမီလန်တို့နဲ့ရင်ဆိုင်ရမှာဖြစ်ပါတယ်။
“အသင်းတစ်သင်းက ဆုဖလားတစ်လုံးကို စွဲလမ်းနေမယ်ဆိုရင် အဲ့တာက ကောင်းတဲ့လက္ခဏာတော့မဟုတ်ပါဘူး။ မင်းအနေနဲ့ ရည်မှန်းချက်တော့ရှိသင့်ပေမယ့် စွဲလမ်းမှုက ဘဝမှအလုပ်မဖြစ်ပါဘူး။ မင်းအနေနဲ့ စောင့်ဆိုင်းပြီး ပြိုင်ပွဲက ဘယ်လိုလဲဆိုတာကို မြင်ဖို့ လိုအပ်ပါတယ်။ ဘောလုံးက အံ့သြဖို့ကောင်းတဲ့ အားကစားပါ။ ဘယ်ရလဒ်မဆိုဖြစ်နိုင်ပါတယ်။ မင်းအနေနဲ့ ကောင်းကောင်းကစားနိုင်ရင်တောင် ရှုံးနိုင်သလို ဆိုးဝါးစွာကစားပြီးလည်း နိုင်နိုင်ပါတယ်။ အသင်းအနေနဲ့ ပြိုင်ပွဲစုံပါဝင်ပြိုင်ဆိုင်နေဖို့လိုအပ်ပါတယ်။ အဲ့တာက ပစ်မှတ်ဖြစ်သလို ရည်မှန်းချက်ကြီးဖို့ လိုအပ်ပါတယ်”လို့ အင်းနရစ်က ပြောကြားခဲ့ပါတယ်။
နောက်တန်းကစားသမား မာကွင်ဟို့စ်ကတော့ အင်းနရစ်ရဲ့ပြောကြားချက်ကို ချန်ပီယံလိဂ်ဟာ စွဲလမ်းစရာမဟုတ်သလို ဖိအားလည်းမဟုတ်ဘူးလို့ ပြန်လည်တုံ့ပြန်ထားပါတယ်။
