လူကာ မိုဒရစ်ဟာ အီတလီသို့ ရောက်ရှိလာပြီဖြစ်ပြီး အေစီမီလန်တွင် ရွေးချယ်ထားတဲ့ ကျောနံပါတ်က နည်းပြဟောင်း ကာလို အန်ဆယ်လော့တီ အပေါ် သိမ်မွေ့တဲ့ ဂုဏ်ပြုမှုတစ်ခု ဖြစ်နိုင်ကြောင်း ပြောဆိုမှုများကို ဖြစ်ပေါ်စေခဲ့ပါတယ်။

Calciomercato ရဲ့ ဖော်ပြချက်အရ မိုဒရစ်ဟာ ရီးရဲလ်မက်ဒရစ်တွင် ၁၂ နှစ်တာ ကာလကို အဆုံးသတ်ပြီးနောက် ဆေးစစ်မှုများ ခံယူရန်နှင့် အီတလီကလပ်သို့ အလွတ်ပြောင်းရွှေ့ကြေးဖြင့် ပြောင်းရွှေ့မှုကို အပြီးသတ်ရန် မီလန်သို့ တရားဝင် ရောက်ရှိလာပြီဖြစ်ပါတယ်။ 

ခရိုအေးရှား ကွင်းလယ်လူဟာ ၂၀၂၅-၂၆ ရာသီအတွက် နံပါတ် ၁၄ ဂျာစီကို ဝတ်ဆင်ရန် ရွေးချယ်ခဲ့ပြီး အဆိုပါနံပါတ်ကို မီလန် ကစားသမားဟောင်းနှင့် နည်းပြဟောင်း အန်ဆယ်လော့တီက ကလပ်ကစားသမားဘဝက ရံဖန်ရံခါ ဝတ်ဆင်ခဲ့ဖူးပါတယ်။အသက် ၃၉ နှစ်အရွယ် မိုဒရစ်ဟာ မီလန်နှင့် ၂၀၂၆ ခုနှစ် ဇွန်လအထိ စာချုပ်ချုပ်ဆိုခဲ့ပြီး နောက်ထပ်တစ်နှစ် သက်တမ်းတိုးခွင့် ရွေးချယ်ခွင့်လည်း ပါဝင်နေပါတယ်။ 

၂၀၁၈ ခုနှစ် ဘော်လွန်း၏ဒီအောဆုရှင်က စီးရီးအေ သို့ ပြန်လည်ရောက်ရှိလာခြင်းဖြစ်ပြီး နည်းပြချုပ် မက်ဆီမီလီယာနိုအယ်လီဂရီ လက်အောက်တွင် အဓိက အခန်းကဏ္ဍမှ ပါဝင်ဖွယ်ရှိနေပါတယ်။ သူ ရောက်ရှိလာခြင်းဟာ တီဂျာနီ ရိုင်းဂျန်ဒါစ် မန်စီးတီး သို့ ထွက်ခွာသွားပြီးနောက် ကွင်းလယ်ခေါင်းဆောင်မှု ကွာဟမှုကို မိုဒရစ်က ဖြည့်ဆည်းပေးရန် အသင့်ဖြစ်နေသလိုဖြစ်ပါတယ်။ ရိုင်းဂျန်ဒါစ်ဟာ ပြီးခဲ့တဲ့ရာသီက နံပါတ် ၁၄ ဂျာစီကို ဝတ်ဆင်ခဲ့ပါတယ်။

မိုဒရစ်ဟာ တနင်္လာနေ့က မီလန်သို့ ရောက်ရှိပြီးနောက် မီဒီယာများကို "ဒီကိုရောက်လာရတာ အရမ်းပျော်ပါတယ်။ ကြီးမားတဲ့ စိန်ခေါ်မှုတွေက ကျွန်တော့်ကို စောင့်ကြိုနေပါတယ်။ ဒါတွေအားလုံးအကြောင်း ပြောဖို့ အချိန်ရပါလိမ့်မယ်" လို့ ကြားခဲ့ရာပါတယ်။ မိုဒရစ်ဟာ ၂၀၂၄-၂၅ ရာသီတွင် ရီးရဲလ်မက်ဒရစ်အတွက် ၆၃ ပွဲ ပါဝင်ကစားခဲ့ပြီး ပြိုင်ပွဲစုံတွင် လေးဂိုးသွင်းယူကာ ကိုးကြိမ် ဂိုးဖန်တီးပေးနိုင်ခဲ့သည်။ သူ့ရဲ့ အသက်အရွယ်က ကြီးရင့်နေသော်လည်း မိနစ် ၂,၉၈၄ မိနစ် ကစားနိုင်ခဲ့ပါတယ်။

များစွာသော လုပ်ခလစာ လျှော့ချမှုကို လက်ခံပြီးနောက် မိုဒရစ်ဟာ ဩဂုတ်လ ၄ ရက်နေ့တွင် မီလန်နယ်လို ၌ အေစီ မီလန်နှင့်အတူ လေ့ကျင့်ခန်းစတင်ရန် စီစဉ်ထားပါတယ်။ ကလပ်ရဲ့ ရာသီကြို လေ့ကျင့်ရေးအဖြစ် ဩဂုတ်လနှောင်းပိုင်း စီးရီးအေ အဖွင့်ပွဲစဉ်မတိုင်မီ ခြေစမ်းပွဲစဉ်များ ဆက်လက် ကစားသွားမှာဖြစ်ပါတယ်။ မီလန်က စကူဒတ်တိုဖလားကို ပြန်လည်ရယူရန် ကြိုးပမ်းနေသည့်အတွက် အယ်လီဂရီက မိုဒရစ်ကို ကွင်းလယ်ဗဟိုနေရာတွင် လော့ဖ်တပ်စ်-ချိခ် ၊ ရစ်ချီ နှင့် ဖိုဖာနာ တို့ ပါဝင်တဲ့ ကွင်းလယ်ကို ထိန်းချုပ်ပေးရန် အသုံးပြုဖွယ်ရှိနေပါတယ်။