ဘုန်းမောက်တိုက်စစ်မှူး ဂျပ်စတင် ကလွိုက်ဗက်ဟာ ဝုဗ်အသင်းအား ၄-၂ ဂိုးဖြင့် အနိုင်ရရှိခဲ့တဲ့ပွဲမှာ ဟက်ထရစ်သွင်းနိုင်ခဲ့တဲ့အတွက် ပျော်ရွင်နေပါတယ်။
အီဗန်နီဆင်ကြောင့် ရရှိခဲ့တဲ့ ပင်နယ်တီ ၃ လုံးစလုံးကို ကလွိုက်ဗက်က ဂိုးအဖြစ် ပြောင်းလဲပေးနိုင်ခဲ့ပါတယ်။
"အဲဒါက အရမ်းလှပါတယ်။ စံချိန်တင်နိုင်ခဲ့တဲ့အတွက် အံ့သြစရာကောင်းပါတယ် အရမ်းပျော်ပါတယ်"
"ကျွန်တော်က သူတို့နဲ့အတူ ပင်နယ်တီကို လေ့ကျင့်ပါတယ်။ ကျွန်တော်တို့မှာ အရမ်းကောင်းတဲ့ ဂိုးသမားတစ်ယောက်ဖြစ်တဲ့ ကီပါ ရှိပါတယ်။ ကျွန်တော်တို့က တစ်ချို့အရာတွေကို စမ်းကြည့်တယ် ပထမဆုံး ရပ်လိုက်ပြီး ဂိုးသမားကို ကြည့်တယ် ဒုတိယအနေနဲ့ ပြောင်းလိုက်တယ်။

တတိယအနေနဲ့တော့ ကျွန်တော်ဘာလုပ်မလဲ သူမသိတော့ပါဘူး"
"ကျွန်တော်တို့ ဒီလိဂ်မှာ အသင်းတော်တော်များများကို အနိုင်ယူပြနိုင်တယ်ဆိုတာကို ပြသခဲ့ပါတယ်။ ကျွန်တော်ပျော်ပါတယ်"
"ဖေဖေါ်ဝါရီလထဲမှာ မွေးဖွားလာမယ့် သမီးလေးရဲ့အခန်းထဲမှာ ဒီဘောလုံးကို ထားလိုက်မှာပါ။ ပြီးတော့ ကျွန်တော်ဘယ်လိုလုပ်ခဲ့တာလဲဆိုတာ သူလည်းသိနိုင်ပါတယ်" လို့ ကလွိုက်ဗက်က ပြောပါတယ်။