ပရာဟာ ကစားသမားတစ်ဦးရဲ့မေးခွန်းကို တုံ့ပြန်လိုက်တဲ့ ကလော့ပ်
လီဗာပူးနည်းပြ ကလော့ပ်တစ်ယောက် ကြာသပတေးနေ့တုန်းက ပရာဟာအသင်းကို ၅-၁ နဲ့ အနိုင်ရရှိခဲ့တဲ့ပွဲကို စောင့်ကြည့်ခဲ့ပါတယ်။
ပွဲအပြီးမှာ ပရာဟာကစားသမားတစ်ယောက်က အန်ဖီးလ်ကိုပြောင်းရွှေ့ဖို့ ဖြစ်နိုင်လားဆိုပြီး မေးမြန်းခဲ့ပါတယ်။ အင်တာဗျူးသမားက ကလော့ပ်တစ်ယောက် ရာသီအကုန်အသင်းကနေ ထွက်ခွာမှာကို မေ့နေဟန်တူပါတယ်။
ပွဲအပြီးမှာ ကလော့ပ်က “ကျွန်တော်နွေရာသီမှာ အနားယူမှာပါ။ ခင်ဗျားသူ့ကို အားလပ်ရက်ခေါ်သွားစေချင်လို့လား”လို့ ဟာသလုပ်ဖြေကြားခဲ့ပါတယ်။ လီဗာပူးအသင်းဟာ နွေရာသီမှာ နည်းပြအသစ်ရှာဖွေရမှာဖြစ်ပြီး အလွန်ဆိုကို ထိပ်တန်းပစ်မှတ်အဖြစ် သတ်မှတ်ထားပါတယ်။
လီဗာပူးဟာ လက်ရှိရာသီမှာ ကာရာဘောင်ဖလားရရှိထားသလို ယူရိုပါလိဂ် ၊ ပရီးမီးယားလိဂ်နဲ့ အက်ဖ်အေဖလားလမ်းကြောင်းတွေပေါ်မှာလည်း ရှိနေသေးတာဖြစ်ပါတယ်။ ဖလား ၄ လုံးအိပ်မက်က ကလော့ပ်အတွက် ကောင်းမွန်တဲ့နှုတ်ဆက်ခြင်းဖြစ်လာဖွယ်ရှိနေပါတယ်။
လီဗာပူးအသင်းဟာ အခုအပတ်မှာ မန်စီးတီးနဲ့ပွဲကျပ်ကန်ရမှာဖြစ်ပြီး အနိုင်ရရှိခဲ့ရင် ၄ မှတ်ဖြတ်ကာ ဦးဆောင်နိုင်မှာဖြစ်ပါတယ်။
