The network connection is lost.

Banner Image

ချဲလ်ဆီးဂန္ထဝင်ကစားသမား ဟာဇက်ထက် ပိုအရည်အချင်းရှိတဲ့ကစားသမား ၃ ဦးနာမည်ကို ပြောကြားလိုက်တဲ့ ဒီဘရိုင်း

မန်စီးတီးကွင်းလယ်လူ ဒီဘရိုင်းက ချဲလ်ဆီးဂန္ထဝင်ဟောင်း ဟာဇက်ထက် အရည်အချင်းပိုရှိတဲ့ကစားသမား  ၃ ဦးနာမည်ကို ထုတ်ဖော်ပြောကြားလိုက်ပါတယ်။ ချဲလ်ဆီးဟာ ဟာဗက်ဇက်ကို ၂၀၁၂ တုန်းက လိုင်လီအသင်းထံကနေ ပေါင် ၃၂ သန်းနဲ့ခေါ်ယူခဲ့တာဖြစ်ပြီး ပရီးမီးယားလိဂ်မှာ စွမ်းဆောင်ရည်ကောင်းတွေပြသနိုင်ခဲ့ပါတယ်။ လိုင်လီအသင်းမှာ ဟာဇက်တစ်ယောက် လီဂူးဝမ်းရဲ့အကောင်းဆုံးလူငယ်ကစားသမားဆုကိုပါရယူနိုင်ခဲ့ပါတယ်။ 

ဒါ့အပြင် ဘယ်လ်ဂျီယံသားဟာ လီဂူးဝမ်းဆုဖလား နဲ့ လိုင်လီအသင်းနဲ့ချန်ပီယံဖြစ်ခဲ့တဲ့ အသက်အငယ်ဆုံးကစားသမားလည်းဖြစ်လာခဲ့ပါတယ်။ ပြင်သစ်မြေမှာတင် ဟာဇက်တစ်ယောက် တောက်ပခဲ့တာမဟုတ်ပဲ ပရီးမီးယားလိဂ်မှာလည်း ဟာဇက်တစ်ယောက် စွမ်းဆောင်ရည်ကောင်းတွေ ဆက်လက်ပြသနိုင်ခဲ့ပါတယ်။ ချဲလ်ဆီးအသင်းနဲ့အတူ ဟာဇက်တစ်ယောက် ဂိုးပေါင်း ၁၀၀ ကျော်သွင်းယူနိုင်ခဲ့သလို ပရီးမီးယားလိဂ် ၂ ကြိမ် နဲ့ ယူရိုပါလိဂ်  ၂ ကြိမ်အပါအဝင် ဆုဖလား ၆ လုံးအထိ ရယူနိုင်ခဲ့ပါတယ်။

အဲ့နောက် ၂၀၁၉ မှာ ဘယ်လ်ဂျီယံသားတစ်ယောက် ရီးရဲလ်အသင်းထံပြောင်းရွှေ့ခဲ့ကာ ၇၆ ပွဲသာပါဝင်ခွင့်ရရှိခဲ့ပြီး ဒဏ်ရာပြဿနာတွေနဲ့သာ နပန်းလုံးခဲ့ရပါတယ်။ နိုင်ငံအသင်းဖော် ဒီဘရိုင်းက ဟာဇက်ထက် အရည်အချင်းပိုရှိတဲ့ကစားသမား ၃ ဦးအဖြစ် မက်ဆီ ၊ ရော်နယ်ဒို နဲ့ နေမာတို့သာ ရှိနေတယ်လို့ ယုံကြည်နေပါတယ်။ “ကျွန်တော့်အတွက်တော့ အီဒင် အကောင်းဆုံးကစားသမားပါ။ သူက အရမ်း အရမ်းကောင်းပတယ်။ အရည်အချင်းလည်းရှိပါတယ်။ သူ့အထက်မှာ မက်ဆီ ၊ ရော်နယ်ဒို နဲ့ နေမာတို့ပဲရှိပါတယ်။

သူက တစ်ဦးချင်းကျော်ဖြတ်မှုကော ၊ ပြိုင်ဘက်ကို ဖြတ်ကျော်ရာမှာကော တကယ်ကောင်းတဲ့ကစားသမားပါ။ သူက ဘောလုံးပဲကစားတာပါ။ သူနဲ့ အသက် ၁၆ နှစ်ကတည်းက အတူတူကစားဖူးပါတယ်။ တကယ်ကောင်းတဲ့သူပါ။ ကံမကောင်းစွာနဲ့ ရီးရဲလ်မှာတော့ ဒဏ်ရာတွေနဲ့ နပန်းလုံးခဲ့ရပြီး အနားယူခဲ့ရပါတယ်။ ချဲလ်ဆီးနဲ့ပွဲမတိုင်ခင် သူနဲ့စကားပြောဖြစ်ပါတယ။ သူ့သားနဲ့အတူ ပွဲကိုလာခဲ့ပါတယ်။ သူက သူ့ဘဝကို ပျော်ရွှင်နေပြီး ကျွန်တော်လည်း သူ့အစားပျော်ပါတယ်”လို့ ဒီဘရိုင်းက ပြောကြားခဲ့ပါတယ်။ ဟာဇက်ဟာ ဘယ်လ်ဂျီယံအသင်းအတွက်တာ့ ၁၂၆ ပွဲအထိ ပါဝင်ကစားပေးခဲ့ပြီး စတုတ္ထမြောက်ပွဲထွက်အများဆုံးကစားသမားအဖြစ် မှတ်တမ်းတင်ထားနိုင်ပါတယ်။