ချဲလ်ဆီးနည်းပြ မာရက်စ်ကာက တိုက်စစ်မှူး နီကိုလက်စ်ဂျက်ဆင်ရဲ့အနာဂတ်နဲ့ပတ်သက်ပြီး ရှင်းလင်းပြီးသားလို့ ပြောကြားလိုက်ပါတယ်။

ဂျက်ဆင်ဟာ နည်းစနစ်ပိုင်းအရ စီနီယာအသင်းနဲ့ လေ့ကျင့်ခန်းဆင်းနေပေမယ့်လည်း အသင်းလူစာရင်းမှာ ပါဝင်မှာမဟုတ်တော့ပဲ အပြောင်းအရွှေ့အတွက် အဆင်သင့်ပဲလို့ ပြောကြားလိုက်ပါတယ်။ ချဲလ်ဆီးအသင်းဟာ အခုနွေရာသီမှာ ကစားသမားအင်အားဖြည့်တင်းထားပြီးဖြစ်ပေမယ့်လည်း အပြောင်းအရွှေ့မပိတ်ခင် ထပ်မံခေါ်ယူဦးမှာဖြစ်ပါတယ်။

အခုအပတ်ထဲမှာပဲ မာရက်စ်ကာက နောက်ခံလူ ကိုဝဲလ်နေရာအတွက် နောက်ထပ်နောက်ခံလူတစ်ဦးထပ်မံခေါ်ယူမှာဖြစ်တယ်လို့ အခိုင်အမာပြောကြားလိုက်ပါတယ်။ ဂျက်ဆင်ကိုရောင်းချမှုကနေ ငွေကြေးတစ်ရပ်ရှာဖွေနိုင်ဖို့ ပြင်ဆင်နေပါတယ်။ “သူ(ဂျက်ဆင်)က ကျွန်တော်တို့နဲ့အတူ လေ့ကျင့်ခန်းဆင်းနေပါတယ်။ ဒါပေမယ့် သူပွဲအတွင်းမှာတော့ ပါဝင်မှာမဟုတ်ပါဘူး။

အခြေအနေတွေကို ခင်ဗျားသိပြီးသားပါ။ အပြောင်းအရွှေ့က ဖွင့်နေဆဲဖြစ်ပြီး သူထွက်ခွာနိုင်ပါတယ်။ ကျွန်တော်တို့ ဆက်လက်စောင့်ကြည့်ရမှာပါ”လို့ မာရက်စ်ကာက ပြောကြားခဲ့ပါတယ်။
ဂျက်ဆင်အနေနဲ့ အခုလာမယ့်ပဲလေ့စ်နဲ့ပွဲကို ပြီးခဲ့တဲ့ရာသီတုန်းက နယူးကာဆယ်နဲ့ပွဲမှာ အနီကတ်ထိခဲ့တာကြောင့် ပါဝင်နိုင်မှာမဟုတ်တာဖြစ်ပါတယ်။

တကယ်လို့ အနီကတ်ပြစ်ဒဏ်မရှိခဲ့ရင်တောင်မှ မာရက်စ်ကာရဲ့အဆိုအရ ဂျက်ဆင်အနေနဲ့ အသင်းမှာနေရာရဖို့ မသေချာတော့တာဖြစ်ပါတယ်။ နယူးကာဆယ်အသင်းက ဂျက်ဆင်ကို ချိတ်ဆက်နေသလို ဘရန့်ဖို့ဒ်ကလည်း ဝီဆာနေရာအတွက် ဂျက်ဆင်ကို ခေါ်ယူချင်နေပါတယ်။ အီဆက်ထွက်ခွာခဲ့မယ်ဆိုရင် နယူးကာဆယ်အနေနဲ့ ဂျက်ဆင်ကို အစားထိုးခေါ်ယူဖွယ်ရှိနေပါတယ်။