ဗာတွန်ဂန်ရဲ့ O.G ဖြင့် ဘယ်လ်ဂျီယံကို အနိုင်ယူခဲ့တဲ့ ပြင်သစ်
ပြင်သစ် ၁-၀ ဘယ်လ်ဂျီယံ (ပွဲပြီးရလဒ်)
ပွဲချိန်တလျှောက်လုံး ပြင်သစ်အသင်းက ဘောလုံးပိုင်ဆိုင်မှုရယူကာ ဂိုးပေါက်ခြိမ်းခြောက်မှုတွေ ပြုလုပ်ခဲ့ပေမယ့် ဦးဆောင်ဂိုးနဲ့တော့ ဝေးကွာနေခဲ့ရပါတယ်။ ပွဲချိန်နှောင်းပိုင်းမှာတော့ လူစားဝင်ကစားသမားမူအာနီရဲ့ထိုးဖောက်ကန်သွင်းမှုကို တားဆီးရာမှတဆင့် ဗာတွန်ဂန်ရဲ့ O.G ဂိုးပေါ်ပေါက်လာလို့ ပြင်သစ်အသင်းရဲ့ အခုပွဲစဉ်အတွက် တစ်လုံးတည်းသောအနိုင်ဂိုး ဖြစ်တည်လာခဲ့ပါတယ်။ အခုပွဲစဉ်ရလဒ်ပိုင်းနဲ့အတူ ပြင်သစ်အသင်းက ကွာတားဖိုင်နယ်အဆင့်မှာ ပေါ်တူဂီ(သို့မဟုတ်)ဆလိုဗေးနီးယားနဲ့ ရင်ဆိုင်သွားရပါမယ်။
