လာမယ့် နေးရှင်းလိဂ်နှင့် ၂၀၂၆ ကမ္ဘာ့ဖလားခြေစစ်ပွဲများတွင် ဘယ်လ်ဂျီယံလက်ရွေးစင်တွင် ၎င်းတို့ရဲ့ဂန္တဝင်ကစားသမားများထဲမှ တစ်ဦး ပါဝင်နိုင်တော့မှာ မဟုတ်ပါဘူး။

အသက် ၃၇ နှစ်အရွယ် ဗဟိုနောက်ခံလူ ဗာတွန်ဂန်ဟာ နိုင်ငံ့လက်ရွေးစင်ကစားသမားဘဝမှ အနားယူကြောင်း ကြေညာခဲ့ပါတယ်။ ဘယ်လ်ဂျီယံအတွက် သူ့ရဲ့နောက်ဆုံးပွဲက ယူရို ၂၀၂၄ တွင် ပြင်သစ်ကို ၀-၁ ဂိုး နဲ့ ရှုံးနိမ့်ခဲ့တဲ့ပွဲဖြစ်ပါတယ်။ ရယ်စရာကောင်းတာက ဗာတွန်ဂန်ရဲ့ ကိုယ်ဂိုးကိုယ်သွင်းမှုက ပြင်သစ်ကို ကွာတားဖိုင်နယ်သို့ တက်ရောက်သွားစေခဲ့တာဖြစ်ပါတယ်။

ဘယ်လ်ဂျီယံလက်ရွေးစင်အသင်းနဲ့အတူ သူ့ရဲ့ကစားသမားဘဝတစ်လျှောက်လုံးမှာ ဗာတွန်ဂန်ဟာ ၁၅၇ ပွဲကစားခဲ့ပြီး နိုင်ငံသမိုင်းမှာ စံချိန်တင်ခဲ့ပါတယ်။ ယခုနွေရာသီတွင် အန်ဒါလက်ခ်ျအသင်းနှင့် ဗာတွန်ဂန်ရဲ့ စာချုပ်ကလည်း သက်တမ်းကုန်ဆုံးခဲ့တာဖြစ်ပြီး အလွတ်အေးဂျင့်ဖြစ်လာစေခဲ့ပါတယ်။