ရီယို ဖာဒီနန်ဟာ TNT Sports မှ နုတ်ထွက်ပြီးနောက် သူ့ကို "နောက်ပြောင်စရာ အဖြစ်ဆုံးလူ" ဖြစ်အောင် လုပ်ခဲ့တယ်လို့ ယူနိုက်တက်ကို အပြစ်တင်ခဲ့ပါတယ်။

ဖာဒီနန်နှင့် ယူနိုက်တက်ရဲ့ ဆက်စပ်မှုမှာ နက်ရှိုင်းပါတယ်။ အင်္ဂလန်လက်ရွေးစင်ဟောင်းဟာ အိုးထရက်ဖို့ဒ် တွင် အလွန်အောင်မြင်တဲ့ ကာလကို ပိုင်ဆိုင်ခဲ့ပြီး ဆာ အဲလက်စ် ဖာဂူဆန် လက်အောက်တွင် ပရီးမီးယားလိဂ်ဖလား ခြောက်ကြိမ်နှင့် ချန်ပီယံလိဂ်ဖလား တစ်ကြိမ် ဆွတ်ခူးခဲ့ပါတယ်။ သို့သော် ထိုအောင်မြင်မှုနေ့ရက်များနှင့် လုံးဝဆန့်ကျင်ဘက်မှာ လက်ရှိခေတ်တွင် ဂုဏ်ပြုစရာ အနည်းငယ်သာ ရှိနေပါတယ်။

ဖာဒီနန်ရဲ့ စိတ်ပျက်မှုတွေဟာ မည်သို့မျှ အခြေအမြစ်မရှိနေတာ မဟုတ်ပါဘူး။ ၂၀၂၄-၂၅ ရာသီဟာ ယူနိုက်တက်ရဲ့ ဆယ်စုနှစ်ဝက်ကျော်အတွင်း အဆိုးရွားဆုံး ရာသီများထဲမှ တစ်ခုဖြစ်ပါတယ်။ ပရီးမီးယားလိဂ် ဇယားတွင် အဆင့် ၁၅ နေရာဖြင့် ပြီးဆုံးခြင်းဟာ ၅၁ နှစ်အတွင်း အဆိုးဆုံး လိဂ်စွမ်းဆောင်ရည်ကို ပြသနေတာဖြစ်ပါတယ်။ ဥရောပစင်မြင့်ပေါ်တွင်လည်း ရလဒ်ဆိုးရွားမှုများ ဆက်လက်ရှိနေခဲ့ပြီး ယူရိုပါလိဂ် ဖိုင်နယ်တွင် တော့တင်ဟမ် ကို ရှုံးနိမ့်ကာ ချန်ပီယံဆုနှင့်လွဲချော်ခဲ့ပါတယ်။

ကလပ်ရဲ့ အမွေအနှစ်ကို မြှင့်တင်ရာတွင် ကူညီပေးခဲ့သူတစ်ဦးအနေဖြင့် ဝေဖန်သူနေရာမှနေ၍ ကလပ်ရဲ့ ပြိုလဲမှုကို မြင်တွေ့ရန် အတင်းအကျပ် ခိုင်းစေခံရခြင်းမှာ ဖာဒီနန်အတွက် နာကျင်ဖွယ်ရာ သရော်စာတစ်ခု ဖြစ်ခဲ့ပါတယ်။ ချန်ပီယံလိဂ် ဗိုလ်လုပွဲအပြီးတွင် TNT Sports ရဲ့ ဝေဖန်သူအဖြစ်မှ နုတ်ထွက်ခဲ့ပါတယ်။။ ESPN Brasil သို့ စိတ်ရင်းမှန်ဖြင့် ပြောဆိုရာတွင် သူက "ဝမ်းနည်းစရာပါဗျာ။ ကျွန်တော်က တီဗီမှာ၊ ဒီကိစ္စတွေအကြောင်း ပြောရတယ်။ ကျွန်တော် တီဗီမှာဆိုတော့ လူတိုင်း ကျွန်တော့်ကို လှောင်ပြောင်လို့ရတယ်။ ကျွန်တော့်အသင်းကြောင့် ကျွန်တော်က ဆိုရှယ်မီဒီယာမှာ တစ်ခါတလေ Meme ဖြစ်နေတယ်"

"ဒါကြောင့် ခက်ပါတယ်ဗျာ။ မန်ချက်စတာမှာ ဒီဆိုးရွားတဲ့အချိန်တွေအတွင်းမှာ ကျွန်တော်က ဝေဖန်သူအလုပ်ကို အဆိုးဆုံးအချိန်မှာ လုပ်နေရတယ်။ ဒါကြောင့် ကျွန်တော်က တခြားသူတွေထက် ဘယ်သူ့ထက်မဆို ယူနိုက်တက်ကို ပြန်ပြီး အောင်မြင်စေချင်တယ်။ အကြောင်းပြချက်ကတော့ ကျွန်တော် အဲဒီလူတွေကို ပြန်ပြီး အော်ဟစ်နိုင်၊ ပြောင်စရာတွေ ပြန်ပေးနိုင်ဖို့ပါပဲ။ ဘာလို့လဲဆိုတော့ ယူနိုက်တက်ကြောင့် ကျွန်တော်က အခုချိန်မှာ နောက်ပြောင်ချင်စရာ အဖြစ်ဆုံးလူ ဖြစ်နေလို့ပါပဲ"

ဥရောပဘောလုံးပွဲများတွင် မပါဝင်တော့တဲ့အတွက် ယူနိုက်တက်ရဲ့ လာမယ့်ရာသီ ပွဲစဉ်ဇယားက သိသိသာသာ လျှော့နည်းသွားမှာဖြစ်ပါတယ်။ ပြည်တွင်းဖလားပွဲစဉ်များတွင် တိုးတက်လှမ်းမှုများ မရှိလျှင် ယူနိုက်တက်ဟာ ရာသီရဲ့ အချိန်အများစုတွင် တစ်ပတ်လျှင် တစ်ကြိမ်သာ ကစားရမယ်လို့ မျှော်လင့်ရပါတယ်။ ၎င်းတို့ရဲ့ ပွဲစဉ်ဇယားတွင် ရှားပါးတဲ့ ကွာဟချက်က ကစားသမားအင်အားစုအား ပွဲစဉ်များကြား အလုံအလောက် အနားယူရန်နှင့် ပြင်ဆင်ချိန် ပေးနိုင်တဲ့ အကောင်းမြင်မှုတစ်ခုကို ဖြစ်ပေါ်စေနိုင်ပါတယ်။

ရှည်လျားတဲ့နွေရာသီနှင့်အတူ မန်နေဂျာ၊ ကစားသမားခေါ်ယူမှုနှင့် ခေါင်းဆောင်မှုတို့နှင့်ပတ်သက်တဲ့ အဓိကမေးခွန်းများ ရှိနေတာကြောင့် ယူနိုက်တက်က အရေးပါတဲ့ လအနည်းငယ်ကို ရင်ဆိုင်နေရပါတယ်။ ယူနိုက်တက်ဟာ ဇူလိုင်လ ၁၉ ရက်နေ့တွင် ဆွီဒင်နိုင်ငံ၊ စတော့ဟုမ်း ရှိ ဖရန့်စ် အာရီနာ၌ ပြိုင်ဘက်ဟောင်း လိဒ်စ် ယူနိုက်တက်နှင့် ရာသီကြို ခြေစမ်းပွဲကို ကစားကြမှာဖြစ်ပါတယ်။