ဂျာမနီသတင်းထောက် ပက်ထရစ်ဘာဂါရဲ့အဆိုအရ ဖရန့်ဖတ်အသင်းဟာ စီးတီးအသင်းပစ်မှတ်ထားနေတဲ့ အိုမာမာမွတ်ရှ်အတွက် တန်ကြေးမြင့်မြင့်လိုချင်နေတယ်လို့ ဆိုလိုက်ပါတယ်။ စီးတီးဟာ အသက် ၂၅ နှစ်သားကိုခေါ်ယူနိုင်ဖို့ နှုတ်အားဖြင့်သဘောတူညီမှုရရှိခဲ့ပြီဖြစ်ကာ ဂျာမန်ကလပ်ဘက်က ပေါင် ၆၇ သန်းလောက် အလိုရှိနေတယ်လို့ သိရပါတယ်။ စီးတီးအတွက်တော့ အခုရာသီက အဆိုးဝါးဆုံးရာသီတွေထဲကတစ်ခုဖြစ်လာခဲ့ပြီး တိုက်စစ်မှာ ဟာလန်းတောင် ရုန်းကန်လာခဲ့ရတာဖြစ်ပါတယ်။

အယ်လ်ဗာရက်ဇ်ကို တီကိုအသင်းထံရောင်းထုတ်ခဲ့တာက အမှားတစ်ခုဖြစ်ပေမယ့် အာဆင်နယ် နဲ့ လီဗာပူးတို့ကလည်း အိုမာမာမွတ်ရှ်ကို ချိတ်ဆက်နေပါတယ်။ သတင်းတွေအရ စီးတီးဟာ အခုအပတ်ထဲမှာ ဖရန့်ဖတ်စတားအတွက် တရားဝင်ကမ်းလှမ်းဖွယ်ရှိနေတယ်လို့ သိရပါတယ်။

အီဂျစ်သားဟာ ဖရန့်ဖတ်အသင်းနဲ့ ၂၀၂၇ အထိ စာချုပ်သက်တမ်းကျန်ရှိနေပြီး ဒီရာသီအသင်းအတွက် ပြိုင်ပွဲစုံ ၂၄ ပွဲမှာ ၁၈ ဂိုးသွင်း ၊ ၁၂ ဂိုးဖန်တီးထားနိုင်ခဲ့ပါတယ်။ စောင့်ကြည့်သူတော်တော်များများကတော့ စီးတီးအနေနဲ့ ဖရန့်ဖတ်စတားကို ခေါ်ယူနိုင်မလားဆိုတာ သတိထားနေကြပါတယ်။ တကယ်လို့ အဆင်မပြေခဲ့ရင် လာမယ့်နွေရာသီမှသာ ဖရန့်ဖတ်စတားကိုခေါ်ယူနိုင်ချေများနေပါတယ်။