ကိုးလ်ပယ်လ်မာဟာ စတမ်းဖို့ဒ်ဘရစ်ခ်ျတွင် ခက်ခဲသော တစ်နှစ်တာကာလကို ဖြတ်သန်းခဲ့ရပြီးနောက် ချဲလ်ဆီးအသင်းဖော် တိုစင် အာဒါရာဘီယိုကို အားကိုးခဲ့ရကြောင်း ဝန်ခံပြောကြားခဲ့တယ်။ အသက် ၂၃ နှစ်အရွယ် ပါမာဟာ ပြီးခဲ့တဲ့ရာသီကို အားရစရာကောင်းသော ပုံစံဖြင့် စတင်ခဲ့ပြီး ပရီးမီးယားလိဂ် ၂၁ ပွဲတွင် ၁၄ ဂိုး သွင်းယူကာ ၆ ကြိမ် အထိ ဂိုးဖန်တီးပေးနိုင်ခဲ့ပါတယ်။

သို့သော် ဇန်နဝါရီ ၁၄ ရက်မှစ၍ ရာသီကုန်ချိန်အထိ သူဟာ လီဗာပူးကို ၃-၁ ဂိုးဖြင့် အိမ်ကွင်းနိုင်ပွဲတွင် ပင်နယ်တီမှတစ်ဆင့် သွင်းယူခဲ့တဲ့ ၁ ဂိုး နှင့် ဂိုးဖန်တီးမှု ၃ ကြိမ်သာ လုပ်နိုင်ခဲ့ပြီး တိုက်စစ်စွမ်းဆောင်ရည် သိသိသာသာ ကျဆင်းခဲ့ပါတယ်။ ပယ်လ်မာက ဘက်တစ်အား အနိုင်ရရှိခဲ့တဲ့ ယူရိုပါ ကွန်ဖရန့်စ်လိဂ် ၂ ကြိမ် ဂိုးဖန်တီးပေးနိုင်ခဲ့သော်လည်း ရာသီရဲ့ ဒုတိယပိုင်းက သူ့ရဲ့ စံနှုန်းအောက် လျှော့ကျခဲ့ရတာဖြစ်ပါတယ်။

သူဟာ ကလပ်ကမ္ဘာ့ဖလားမှာလည်း နှေးကွေးစွာ စတင်ခဲ့ပြီး ပထမနှစ်ပွဲတွင် ဂိုးသွင်းယူနိုင်ခြင်း မရှိခဲ့ပါဘူး။ ထို့နောက် ဘင်ဖီကာနှင့်ပွဲတွင် တစ်ကြိမ်သာ ဖန်တီးပေးနိုင်ခဲ့ပြီး ကွာတားဖိုင်နယ်အဖြစ် ပါလ်မီးယက်စ်ကို အနိုင်ရခဲ့တဲ့ပွဲ၌ လှပသော ဂိုးတစ်ဂိုး သွင်းယူခဲ့ပါတယ်။ နောက်ဆုံးပွဲအပြီးတွင် ပါမာက ကွင်းအတွင်းရော၊ ကွင်းပြင်ပမှာပါ ဖိအားများနှင့် မကြာခဏ ရုန်းကန်ခဲ့ရကြောင်း ဝန်ခံပြောကြားခဲ့ပါတယ်။

ဒီလိုခက်ခဲတဲ့ ကာလတစ်လျှောက် သူ့ကို လမ်းညွှန်ပေးခဲ့သူမှာ အတွေ့အကြုံရင့် ချဲလ်ဆီးနောက်ခံလူ အာဒါရာဘီယို ဖြစ်ပါတယ်။ မန်စီးတီး အကယ်ဒမီကြယ်ပွင့်ဟောင်းတစ်ဦးဖြစ်သူ အာဒါရာဘီယိုဟာ ပါမာကို အလားအလာရှိ ဆယ်ကျော်သက်အရွယ်ကတည်းက သိရှိခဲ့တာပါ။ ဘရာဇီးကလပ်နှင့်ပွဲတွင် ဂိုးသွင်းပြီးနောက် အောင်ပွဲခံနေစဉ် အာဒါရာဘီယိုကို အဘယ်ကြောင့် အထူးတလည် ရှာဖွေခဲ့သည်ကို မေးမြန်းရာတွင် ပယ်လ်မာက "ဒါ ကျွန်တော့်ကောင်လေးပါ" လို့ ပြန်ဖြေခဲ့ပါတယ်။

"ရှင်းပါတယ်၊ ကျွန်တော် ဒီလအနည်းငယ်အတွင်း ကွင်းထဲမှာရော၊ ကွင်းပြင်ပမှာပါ ခက်ခဲတဲ့အချိန်တွေ ဖြတ်သန်းခဲ့ရပေမယ့် သူက ကျွန်တော့်အတွက် အမြဲရှိနေပေးခဲ့ပြီး ကျွန်တော့်ကို အများကြီး ကူညီပေးခဲ့ပါတယ်။ ဒါကြောင့် ကျွန်တော် သူ့ဆီ သွားဖို့ပဲ စဉ်းစားခဲ့မိတာပါ" လို့ တိုက်စစ်ကစားသမားက ပြောပါတယ်။

ဘင်ဖီကာနှင့် ၁၆ သင်းအဆင့်ပွဲစဉ်မတိုင်မီ ဖူလ်ဟမ်နောက်ခံလူဟောင်းက ပယ်လ်မာကို ကာကွယ်ပြောဆိုပေးခဲ့ပြီး သူ့သူငယ်ချင်း ပြန်လည်ခြေစွမ်းပြနိုင်ရန် အားပေးခဲ့ပါတယ်။ အမေရိကန်ပြည်ထောင်စုတွင် ပယ်လ်မာကို ကလပ်ကမ္ဘာ့ဖလားရဲ့ မျက်နှာဖုံးများထဲမှ တစ်ဦးဖြစ်စေခဲ့တဲ့ ဗီနိုင်းများစွာကို ရည်ညွှန်း၍ အာဒါရာဘီယိုက သတင်းထောက်များထံ "ကိုးလ်ကို သူငယ်ငယ်ကတည်းက ကျွန်တော် သိတာဆိုတော့ သူ့ကို ဒီလို ကြီးမားတဲ့ ဗီနိုင်းတွေပေါ်မှာ မြင်ရတာတောင် အရမ်းကို အရမ်းကို ဂုဏ်ယူမိပါတယ်"

"သူ့အသက်က ၂၂၊ ၂၃ နှစ်ပဲ ရှိသေးတယ်ဆိုတာ လူတွေ မေ့နေကြတယ်လို့ ကျွန်တော် ထင်ပါတယ်။ သူက ဒီပြိုင်ပွဲရဲ့ မျက်နှာဖုံးတွေထဲက တစ်ဦးပါ။ သူ့ဘဝက ပြီးခဲ့တဲ့ နှစ်နှစ်အတွင်း ပြောင်းလဲသွားခဲ့တာ ရှင်းပါတယ်" လို့ ပြောကြားခဲ့ပါတယ်။ အာဒါရာဘီယိုက "ကျွန်တော် သူ့ကို တစ်ခါတလေ စနောက်ပြီး စူပါစတားလေးလို့ ပြောမိတယ်။ ဒါပေမဲ့ သူက ဒါကို အရမ်းကောင်းကောင်း ကိုင်တွယ်နိုင်ပါတယ်။ သူ့ရဲ့ အာရုံစူးစိုက်မှုက ဘောလုံးအပေါ်မှာ ထူးခြားတယ်ဆိုတာ သူသိပါတယ်။ သူ ဘောလုံးကစားရတာကို အရမ်းကြိုက်တယ်၊ အဲဒါ ကိုးလ် ပါမာပါပဲ"

"သူက ဝေဖန်မှုများစွာ ခံနေရတယ်လို့ ပြောကြတယ်။ ကိုးလ်က အဲဒါတွေကို တကယ်ပဲ ကြည့်တယ်လို့ ကျွန်တော် မထင်ဘူး၊ ကျွန်တော်တို့ အသင်းဖော်တွေအနေနဲ့လည်း အဲဒါတွေကို တကယ်ကြီး မကြည့်ပါဘူး" "သူ ကွင်းထဲဝင်တဲ့အခါတိုင်း အရမ်းမြင့်မားတဲ့ စွမ်းဆောင်ရည်ကို ပြသပါတယ်။ ဒါကြောင့် ကျွန်တော်တို့ရဲ့ အလုပ်က ကိုးလ် ပါမာကို ကူညီဖို့တင်မကဘူး၊ ကွင်းထဲက ကစားသမားတိုင်း သူတို့ တတ်နိုင်သမျှ အကောင်းဆုံး ကစားနိုင်အောင် ကူညီဖို့ပါပဲ" လို့ ထပ်မံပြောကြားထားပါတယ်။

ချဲလ်ဆီးဟာ ဇူလိုင် ၈ ရက် အင်္ဂါနေ့တွင် ကလပ်ကမ္ဘာ့ဖလား ဗိုလ်လုပွဲတွင် နေရာတစ်နေရာရရှိရန် ဘရာဇီးကလပ် ဖလူမီနီစ်နှင့် ရင်ဆိုင်ရမှာဖြစ်ပါတယ်။ အဆိုပါ အသင်းဟာ ချဲလ်ဆီးတို့ အမေရိကန်တွင် ရင်ဆိုင်ရမည့် တတိယမြောက် ဘရာဇီးကလပ်ဖြစ်ပြီး ယခင်က ဖလာမင်ဂိုကို ၃-၁ ဂိုးဖြင့် ရှုံးနိမ့်ခဲ့ကာ ပါလ်မီးယက်စ်ကို ၂-၁ ဂိုးဖြင့် အနိုင်ရရှိထားပါတယ်။

အဆိုပါပွဲတွင် ချဲလ်ဆီးတို့ဟာ ဖလူမီနီးစ်ရဲ့ ဗဟိုနောက်ခံလူနှင့် ချဲလ်ဆီးဂန္ထဝင် သီယာဂို ဆေးလ်ဗားနှင့် ပြန်လည်ဆုံဆည်းရမှာဖြစ်ပါတယ်။ ဆေးလ်ဗားဟာ အနောက်လန်ဒန်ကလပ်နှင့်အတူ ချန်ပီယံလိဂ်ဖလားကို ဆွတ်ခူးခဲ့သူဖြစ်ပါတယ်။ တောင်အမေရိကအသင်းဟာ ဒေါ့မွန်နှင့် သရေကျခဲ့ပြီး အင်တာမီလန်ကို အနိုင်ရရှိခဲ့ကာ မကြာသေးမီက မန်စီးတီးကို အနိုင်ယူခဲ့တဲ့ အယ်လ်ဟီလာကိုပင် အနိုင်ရရှိခဲ့တာကြောင့် ပြိုင်ပွဲရဲ့ အံ့အားသင့်စရာ အသင်းများထဲမှ တစ်သင်း ဖြစ်လာခဲ့ပါတယ်။