မေလ ၂၀၂၂ ခုနှစ်မှာ တော့ဘိုလေ အသင်းကို စတင်လွှဲပြောင်းယူလိုက်ကတည်းက ချဲလ်ဆီးဟာ ကစားသမားသစ် ခေါ်ယူရေးအတွက် ပေါင် ၁ ဘီလီယံကျော်သုံးစွဲထားပြီး အမေရိကန်နိုင်ငံသားပိုင်ရှင်ဟာ စတန်းဖို့ဒ်ဘရစ်ချ်ဖို့ ကစားသမားသစ် ၃၀ နီးပါး ခေါ်ယူခဲ့တာဖြစ်ပါတယ်။

မန်စီးတီးကစားသမားဟောင်းဖြစ်တဲ့ ကိုးလ်ပယ်လ်မချာဟာ အသင်းရဲ့ရလဒ်တွေ ကျဆင်းခဲ့တဲ့ရာသီမှာ ခြေစွမ်းပြသပြီး ဂိုးတွေ သွင်းယူပေးနိုင်ခဲ့ပါတယ်။ နောက်ထပ်တစ်ဦးလည်း ရှိနေသေးပြီး သူကတော့ ပြီးခဲ့တဲ့နွေရာသီမှာ ဆောက်သမ်တန်ကနေ ပေါင် ၅၃ သန်းဖြင့် ရောက်လာပြီး ချဲလ်ဆီးအတွက် ၁ ပွဲသာ ကစားထားရတဲ့ ရိုမီရိုလာဗီယာပဲ ဖြစ်ပါတယ်။

ဘယ်လ်ဂျီယံ ကွင်းလယ်ကစားသမားအတွက် လီဗာပူးက ကမ်းလှမ်းမှုများပြုလုပ်ခဲ့သော်လည်း ဆုံးရှုံးခဲ့ရပါတယ်။ လာဗီယာကတော့ ဒဏ်ရာတွေနဲ့ ရုန်းကန်ခဲ့ရပြီး ဒီဇင်ဘာလကနေစပြီး နားခဲ့ရတာဖြစ်ပါတယ်။ ကြံ့ခိုင်မှုပြည့်ဝဲ့အခါ လာဗီယာက သူ့ရဲ့ပြောင်းရွှေ့ကြေးဖြစ်တဲ့ ပေါင် ၅၃ သန်းနှင့်တန်အောင် ချဲလ်ဆီးအတွက် ခြေစွမ်းပြသနိုင်မယ်လို့ ကိုးလ်ပယ်လ်မာက ယုံကြည်နေပါတယ်။

"ကျွန်တော်နဲ့တွဲကစားဖူးတဲ့သူတစ်ဦးကတော့ လာဗီယာပါ" "ဒဏ်ရာရရှိနေပြီး တစ်နှစ်လုံးနီးပါး နားနေခဲ့ရတာကြောင့် ဒီရာသီမှာ သူ့ကို ကျွန်တော့်တို့ မတွေ့ခဲ့ရတာပါ။ ဒါပေမဲ့ ပြန်ကစားတဲ့အခါ အားလုံးတွေးထင်ထားသလို အကောင်းဆုံး ကစားနိုင်မယ်လို့ ထင်ပါတယ်" လို့ ပရီးမီးယားလိဂ်ရဲ့တစ်နှစ်တာ အကောင်းဆုံး လူငယ်ကစားသမားဆုရှင်က SPORTbible သို့ ပြောပါတယ်။

ချဲလ်ဆီးပိုင်ရှင်တွေဟာ သူ့ရဲခေါ်ယူမှုအချို့ကြောင့် နောင်တရနေမှာပါ၊ ဒါပေမဲ့အကောင်းဆုံး ခေါ်ယူမှုကတော့ ပေါင်သန်း ၄၀ ဖြင့် ပယ်လ်မာကို မန်စီးတီးကနေ ခေါ်ယူနိုင်ခဲ့ခြင်းဖြစ်ပါတယ်။ အသက် ၂၂ နှစ်အရွယ် ကစားသမားဟာ ချဲလ်ဆီးရှိ ပထမဆုံးရာသီမှာ ခြေစွမ်းပြသထားပြီး ၂၂ ဂိုးသွင်း ၁၁ ဂိုးဖန်တီးထားကာ အင်္ဂလန်ရဲ့ ယူရို ၂၀၂၄ လူစာရင်းမှာ ပါဝင်နေပြီဖြစ်ပါတယ်။

"အသင်းသားတစ်ဦးအနေနဲ့ ယူရိုမှာကစားချင်ပါတယ်။ ပြီးခဲ့တဲ့နှစ် ဒီအချိန်ကလိုတော့ မဖြစ်ချင်ပါဘူး" "တခြားကစားသမားတွေရယ် နည်းပြရယ်နဲ့အတူ ရည်ရွယ်ချက် အသင်းကြီးမှာပါဝင်နိုင်ဖို့ဖြစ်တယ်လို့ ပြောခဲ့ဖူးပါတယ်။ စီနီယာအသင်းကို ကြည့်လိုက်မယ်ဆိုရင် ကျွန်တော့်ရှေ့မှာ ကစားသမားတွေ အများကြီးရှိပါတယ်" "ကျွန်တော့်ရဲ့ အရည်အချင်းအပေါ် ဘယ်တုန်းကမှ သံသယမဝင်သော်လည်း အသင်းကြီးမှာပါဝင်ဖို့အတွက် အချက်အလက်တွေ အများကြီးပေါ်မူတည်နေပါသေးတယ်။ ဒါကြောင့် ကိုယ့်ကိုကိုယ်အံ့ဩမိပါတယ်" လို့ ပါလ်မားက ပြောပါတယ်။

ကိုးလ်ပယ်လ်မာက ခြေစွမ်းပြသခဲ့ပေမယ့် နည်းပြဟောင်း ပိုချက်တီနိုရဲ့လက်အောက်မှာ ချဲလ်ဆီးဟာ အတက်အကျရှိခဲ့ကာ အဆင့် ၆ ဖြင့် ရာသီမပိတ်သိမ်းမီ အမှတ်ပေးဇယားရဲ့အလယ်လောက်မှာသာ တစ်ရာသီလုံးနီးပါး ရှိနေခဲ့တာဖြစ်ပါတယ်။

"ကျွန်တော်တို့က ကလပ်အတွက် ကောင်းကောင်းမကစားကြဘူးလို့ လူတွေက ပြောနေကြပါတယ်။ ဒါတွေကို ဘယ်သူကမှ ဂရုမစိုက်ပါဘူး ပြီးခဲ့တဲ့ရာသီက အားလုံးအတွက် ခက်ခဲတဲ့အခိုက်အတန့်ဖြစ်ခဲ့တာပါ" "ဒါက မကောင်းသော်လည်း ကြိုးစားနေမယ်ဆိုရင် ကိုယ်လုပ်ခဲ့တာကို ကိုယ်သိပါတယ်။ ကျွန်တော်တို့လုပ်နိုင်ခဲ့ပါတယ်။ ရလဒ်အနေနဲ့ ပြီးခဲ့တဲ့ ပွဲစဉ်အနည်းငယ်မှာ ကြိုးစားမှုကို ပြသခဲ့ပါတယ်"လို့ တိုက်စစ်မှူးက ပြောပါတယ်။

ပိုချက်တီနိုရဲ့နေရာကို အစားထိုးဖို့ ဆုံးဖြတ်ပြီးနောက် ချဲလ်ဆီးဟာ ပြီးခဲ့တဲ့ရာသီက လက်စတာနှင့်အတူ ချန်ပီယံရှစ်ဖလားရရှိခဲ့တဲ့ နည်းပြသစ် မာရက်စ်ကာရဲ့လက်အောက်မှာ တည်ငြိမ်ဖို့ မျှော်လင့်နေပါတယ်။