အုပ်စုအဖွင့်ပွဲစဉ်က သရေရလဒ်အပေါ် ပါရာဂွေးကို ဂိုးမိုးရွာပြီး ပေါက်ကွဲပြခဲ့တဲ့ ဘရာဇီး
ဘရာဇီးအသင်းဟာ ယနေ့နံနက်ပိုင်းမှာ ကစားခဲ့တဲ့ ကိုပါအမေရိကအုပ်စုပွဲစဉ်မှာ ပါရာဂွေးကို ဂိုးပြတ်အနိုင်ကစားပြီး အဖွင့်ပွဲစဉ်က သရေ ရလဒ်အပေါ် ပေါက်ကွဲပြခဲ့ပါတယ်။
ဘရာဇီးတို့ ပွဲချိန်၃၁မိနစ်မှာတင် ပင်နယ်တီကန်ခွင့်ရခဲ့ပေမယ့် ပါကွီတာ ကန်သွင်းရာမှာ မိုးပေါ်ထောင်တက်သွားခဲ့ပါတယ်။ ဒါပေမယ့် ၃၅မိနစ်မှာရရှိခဲ့တဲ့ ဗင်နီစီးယက်စ်ရဲ့ ဦးဆောင်ဂိုးကို ပါကွီတာက ဖန်တီးပေးနိုင်ခဲ့ပါတယ်။
၄၂မိနစ်မှာ ဆယ်ဗင်ဟိုက ဘရာဇီးအတွက် ဒုတိယဂိုးသွင်းခဲ့ပြီး ပထမပိုင်းပြီးခါနီးမှာ ဗင်နီစီးယက်စ်က တတိယဂိုးထပ်သွင်းခဲ့တာကြောင့် ပထမပိုင်းမှာတင် ဘရာဇီးတို့ သုံးဂိုးပြတ် ဦးဆောင်နိုင်ခဲ့ပါတယ်။ ဒုတိယပိုင်းအစမှာ အယ်ဒီရီတီက ပါရာဂွေးအတွက ချေပဂိုးတစ်ဂိုး သွင်းယူပေးခဲ့ပေမယ့် ၆၅မိနစ်မှာ ပါကွီတာက ပင်နယ်တီကနေ စတုတ္ထဂိုးသွင်းခဲ့တာကြောင့် ဘရာဇီးတို့ ဂိုးပြတ်နိုင်ပွဲဖန်တီးနိုင်ခဲ့ပါတယ်။
ဘရာဇီးကတော့ အုပ်စုDမှာ နှစ်ပွဲကစားပြီးချိန် ၄မှတ်ရထားပြီး ကွာတားဖိုင်နယ်တက်ဖို့ အခြေအနေကောင်းနေခဲ့ပါတယ်။
