ဂျာအိုဖီးလစ်ဟာ ၂၀၂၂-၂၃ ရာသီမှာ စိတ်ပျက်စရာ အငှား လာရောက်ကစားမှု ဖြစ်ခဲ့ပေမယ့် ပြီးခဲ့တဲ့နွေရာသီမှာ အက်သလက်တီကိုမက်ဒရစ် ကနေ ချဲလ်ဆီးသို့ ပေါင် ၄၂ သန်း ဝန်းကျင်ဖြင့် ပြောင်းရွှေ့လာခဲ့ပါတယ်။ ဒါပေမယ့် ဖီးလစ်ဟာ ချဲလ်ဆီးအတွက် ထပ်ပြီး စိတ်ပျက်စရာ ကစားပုံတွေကို ပြသနေပါတယ်။ ဒီရာသီ ပရီးမီးယားလိဂ် ပွဲတွေမှာ သွင်းဂိုး ၁ ဂိုးနဲ့ ဂိုးဖန်တီးမှု ၁ ကြိမ်သာရှိခဲ့ပါတယ်။ ဒါကြောင့် ဒီတိုက်စစ်မှူးဟာ စတန်းဖို့ဒ်ဘရစ်ချ် ကနေ ထွက်ခွာသွားနိုင်တယ်လို့ ကောလဟာလတွေ ထွက်နေပါတယ်။

ဖီးလစ်ဟာ မာရက်စ်ကာရဲ့အောက်မှာ သူ့ရဲ့ကစားခွင့် နည်းပါးလာတာကို စိတ်ပျက်နေတယ်လို့ သိရပြီး ဗီလာက ဒီအခြေအနေကို နီးကပ်စွာ စောင့်ကြည့်နေပါတယ်။ အမ်မရီဟာ ပေါ်တူဂီလက်ရွေးစင် ကစားသမားကို ကြိုက်နှစ်သက်သူလည်း ဖြစ်ပါတယ်။

ဒူရန်ဟာ ဆော်ဒီပရိုလိဂ်သို့ ငွေကြေးများစွာဖြင့် ပြောင်းရွှေ့ဖို့ နီးစပ်နေတာကြောင့် ဖီးလစ်အား ကိုလံဘီယာတိုက်စစ်မှူးရဲ့ နေရာကို အထားထိုးဖို့ ဦးစားပေးအဖြစ် ဗီလာက သတ်မှတ်ထားပါတယ်။ နောက်ဆုံးသတင်းတွေအရ ဖီးလစ်ဟာ စတန်းဖို့ဒ်ဘရစ်ချ် ကနေ ထွက်ခွာဖို့ တောင်းဆိုထားပါတယ်။

"ဒူရန်ရဲ့ ရောင်းချမှုကနေ ရရှိလာတဲ့ငွေရဲ့ ပထမဆုံးအပိုင်းကို ဘဏ္ဍာရေးမျှတစည်းမျဉ်းတွေကြောင့် သိမ်းထားရမှာဖြစ်ပါတယ်။ ဒီစည်းမျဉ်းတွေက အရမ်းတင်းကျပ်ပါတယ်" "ဝင်ငွေရဲ့ သိသာတဲ့အပိုင်းကို ဒီအတွက် သုံးမှာဖြစ်ပါတယ်။ ပြီးရင် ဂျာအိုလို နာမည်ထွက်နေတဲ့သူတွေ ရှိပါတယ်"

"အမ်မရီက သူ့ကို နှစ်သက်ပါတယ်။ ဘာလို့လဲဆိုတော့ ကျွန်တော်က အပြောင်းအရွှေ့ကာလ ၃ ကြိမ်မှာ ပါဝင်ခဲ့ပြီး ဒီတစ်ကြိမ်နဲ့ဆို ၄ ကြိမ်ရှိပါပြီ။ အမ်မရီက သူ့ကို အမြဲတမ်း ပြောနေတာပါ။ ဒါပေမယ့် အဲ့ဒီအရာက ရှုပ်ထွေးပြီး ကျွန်တော်တို့ လုပ်နိုင်မလားတော့ မသိသေးပါဘူး"

"သူဟာ အရည်အချင်းရှိတဲ့ ကစားသမားတစ်ယောက်ဖြစ်ပြီး အမ်မရီဟာ သူ့ရဲ့ နည်းပြသမိုင်းမှာ အရည်အချင်း ပျောက်ဆုံးနေတယ်လို့ ယူဆခံရတဲ့ ကစားသမားတွေကို ပြန်လည်ရှာဖွေနိုင်သူပါ။ သူက ဂျာအိုရဲ့ အရည်အချင်းကို ယုံကြည်ပါတယ်"

"အရင်တုန်းက အက်စ်တွန်ဗီလာဟာ ကွန်းဖရန့်လိဂ်မှာ ရှိနေပြီး ဖီးလစ်က ချန်ပီယံလိဂ်ကိုမှာ ကစားချင်တာကြောင့် ဘာစီလိုနာကို သွားခဲ့တာပါ"  "ပြီးရင် ဂယ်လာဂါနဲ့ အက်သလက်တီကိုရဲ့ သဘောတူညီချက်မှာ သူက ချဲလ်ဆီး နဲ့ ညှိနှိုင်းရမှာဖြစ်ပြီး ကျွန်တော်တို့ မလုပ်နိုင်ခဲ့ပါဘူး" လို့ ဗီလာ ရဲ့ အကြီးအကဲ မွန်ချီ က စပိန်သတင်းစာ AS သို့ ပြောပါတယ်။

ဒူရန်မှာ ကြီးမားတဲ့ အလားအလာ ရှိတယ်လို့ မွန်ချီက ဝန်ခံခဲ့ပေမယ့် ဆော်ဒီအာရေးဗျကနေ ပေးနေတဲ့ငွေကြေးဟာ ကလပ်အတွက်ရော ကစားသမားအတွက်ပါ ငြင်းဖို့ ခက်ခဲတယ်လို့ ဆိုပါတယ်။ "သူဟာ ကြီးမားတဲ့ အလားအလာရှိတဲ့ ကစားသမားတစ်ယောက်ဖြစ်ပေမယ့် ဒီလိုကမ်းလှမ်းချက်တွေဟာ ကလပ်အတွက်ရော ကစားသမားအတွက်ပါ ငြင်းဖို့ ခက်ခဲပါတယ်။ ပေးမယ့်ငွေကြေးဟာ ယူရို ၈၅ သန်းနီးပါး ရှိပါတယ်။ ကစားသမားအတွက်လည်း ဒါဟာ မယုံနိုင်လောက်တဲ့ ငွေကြေးတိုးတက်မှုပါ"

"သင်ဟာ အားကစား မန်နေဂျာတစ်ယောက်သာမက ကလပ်ရဲ့ ဘဏ္ဍာရေးဆိုင်ရာမန်နေဂျာလည်း ဖြစ်ပါတယ်။ ဒီလိုကမ်းလှမ်းချက်တွေဟာ ငြင်းဖို့ ခက်ခဲပါတယ်၊ ဘာလို့လဲဆိုတော့ လစာကို ၅ ဆတိုးပေးလို့ပါ" လို့ မွန်ချီက ပြောပါတယ်။

မွန်ချီက ဒီဇန်နဝါရီမှာ ငွေကြေးပြဿနာ မရှိရင် ဗီလာအတွက် ဝယ်ယူမယ့် ကြီးမားတဲ့ နာမည်ကြီး ကစားသမား ၃ ယောက်ကို ရွေးချယ်ပြခဲ့ပါတယ်။ "ဒါက ရှုပ်ထွေးပါတယ်၊ ဘာလို့လဲဆိုတော့ ကစားသမားရဲ့ပရိုဖိုင်းပေါ် မူတည်ပါတယ်။ တောင်ပံကစားသမားအတွက်ဆိုရင် ယာမယ်ကို ရွေးမယ်။ သူဟာ ခေတ်တစ်ခုကို မှတ်သားစေမယ့်သူပါ။ သူက ထူးခြားပြီး အရည်အချင်းရှိပါတယ်"

"တိုက်စစ်မှူးဆိုရင် ဟာလန်းကို ရွေးမယ်။ box-to-box ကစားသမားဆို ဘယ်လင်ဂမ်ကို ရွေးမယ်" "ဘယ်လင်ဂမ်ရဲ့ ပရိုဖိုင်းကို ကျွန်တော် အရမ်းကြိုက်ပါတယ်။ သန်မာတယ် အရည်အချင်းလည်း မနည်းတဲ့သူဖြစ်ပြီး ဂိုးသွင်းနိုင်စွမ်းအားနဲ့ တိုက်စစ်မှာပါ လိုက်ပါကစားနိုင်စွမ်းရှိတယ်။ ကျွန်တော်ကတော့ သူ့ကို အပြည့်စုံဆုံး ကစားသမားလို့ မြင်မိပါတယ်" လို့ ပြောပါတယ်။

မွန်ချီက ပီအက်စ်ဂျီရဲ့ တိုက်စစ်မှူး အက်ဆန်စီယိုကို ဗီလာက စိတ်ဝင်စားကြောင်း ဖွင့်ဟခဲ့ပါတယ်။ အက်ဆန်စီယိုဟာ ရီးရဲလ်မက်ဒရစ် ကစားသမားဟောင်းဖြစ်ပြီး အမ်မရီက အမြဲတမ်း စိတ်ဝင်စားသူ ဖြစ်ပါတယ်။ "ဒါဟာ ဂျာအိုဖီးလစ် လိုပါပဲ၊ ဒီမှာလည်း အရေးကြီးတဲ့ စိတ်ဝင်စားမှုတစ်ခု ရှိပါတယ်"
"ကျွန်တော် မရောက်ခင်မှာ အက်စ်တွန်ဗီလာက သူ့ကို ဝယ်ယူဖို့ ကြိုးစားခဲ့ပြီး နီးစပ်ခဲ့ပေမယ့် ကစားသမားက ပီအက်စ်ဂျီသို့ သွားခဲ့တာပါ"

"သူဟာ အမ်မရီက အမြဲတမ်း စိတ်ဝင်စားတဲ့ ကစားသမားတစ်ယောက်ဖြစ်ပါတယ်။ ဘာလို့လဲဆိုတော့ သူက အက်ဆန်စီယိုရဲ့ အရည်အချင်းကို ယုံကြည်လို့ပါ" "အာဆင်နယ်လား။  ကျွန်တော်ထင်တာက သူတို့က တိုက်စစ်မှူးကို ပိုရှာနေတာပါ။ ဘာလို့လဲဆိုတော့ သူတို့မှာ ဒဏ်ရာရကစားသမားတွေ ရှိနေလို့ပါ။ ကျွန်တော် သိထားတာက အက်ဆန်စီယိုက ကစားနေတာ မဟုတ်ပါဘူး" လို့ မွန်ချီက ပြောပါတယ်။