ပြီးခဲ့တဲ့ရာသီ ပရီးမီးယားလိဂ်ရဲ့ အဆင့် ၂ ဖြင့် ရာသီပိတ်နိုင်ခဲ့တဲ့ အာဆင်နယ်ဟာ ကာလာဖိုနီးယားတွင် ကြာသပတေးနေ့နံနက်အစောပိုင်းမှာ ဘုန်းမောက်နှင့်ကစားမယ့် ခြေစမ်းပွဲမတိုင်မီ အသင်းရဲ့ပြင်ဆင်မှုများကို မြှင့်တင်ခဲ့ပါတယ်။ ၁-၁ ဂိုးနဲ့ ပွဲပြီးဆုံးခဲ့တာကြောင့် ပင်နယ်တီအဆုံးအဖြတ်မှာ အာဆင်နယ်က အနိုင်ရရှိခဲ့ပြီး အာတီတာက ကလပ်ရဲ့ ထွန်းသစ်စ လူငယ်ကစားသမားတွေကို အခွင့်အရေးတွေ ပေးခဲ့ပါတယ်။

စီနီယာကစားသမားတွေဖြစ်တဲ့ အိုဒိဂတ်၊ ဂျီးဆပ်နှင့် ဘန်ဝှိုက်တို့အားလုံးဟာ ကောင်းကောင်းကစားခဲ့ကြသော်လည်း သိသာထင်ရှားတာကတော့ စမစ်ရိုကို အသုံးမပြုခဲ့တဲ့အရန်ကစားသမားအဖြစ် ထားရှိခဲ့တာဖြစ်ပါတယ်။ အင်္ဂလန်လက်ရွေးစင်ကစားသမားဟာ ဖူလ်ဟမ်သို့ ပေါင် ၃၅ သန်းနဲ့ ပြောင်းရွှေ့ဖို့ နီးစပ်နေပြီဆိုတဲ့ သတင်းတွေ ထွက်ပေါ်နေပြီး အာတီတာက ကွင်းလယ်ကစားသမားရဲ့ အနာဂတ်အတွက် သိသာထင်ရှားတဲ့ အရာတစ်ခုကို ဝန်ခံခဲ့ပါတယ်။

"နောက်ကွယ်မှာ ဖြစ်ပျက်နေတာတွေ ရှိတယ်ဆိုတော့ သူ့ကို မသုံးတာ အကောင်းဆုံးလို့ ကျွန်တော်တို့ ခံစားရတယ်" လို့ အာတီတာက ပြောပါတယ်။ အကယ်ဒမီထွက် အန်ကီတီယာနှင့် နယ်လ်ဆင်တို့ရဲ့ အနာဂတ်တွေကလည်း မာဆေးလ်နှင့် လက်စတာတို့ထံ ပြောင်းရွှေ့ဖို့အတွက် သတင်းတွေ ထွက်ပေါ်နေပါတယ်။ "ကစားသမား တော်တော်များများဟာ အလားအလာရှိတဲ့ အပြောင်းအရွှေ့တွေနဲ့ ချိတ်ဆက်နေပါတယ်။ ဒါက ပုံမှန်ပါပဲ" "ကျွန်တော်တကယ်သဘောကျတာက အသင်းမှာရှိနေတဲ့ ကစားသမားတွေနဲ့ သူတို့တွေပြသနေတဲ့ အဆင့်တွေပါ။ သူတို့လုပ်ဆောင်ပုံ ၂ ခုအကြောင်းပဲ ပြောတာပါ" လို့ အာဆင်နယ်နည်းပြက ပြောပါတယ်။

အာဆင်နယ်ဟာ ပထမဆုံးခေါ်ယူမှုဖြစ်တဲ့ အီတလီလက်ရွေးစင်နောက်ခံလူ ရစ်ကာဒိုကလာာဖီရီရဲ့ ခေါ်ယူမှုကို အပြီးသတ်နိုင်ဖို့ မျှော်လင့်နေပါတယ်။ ဘိုလော့ဂ်နာနှင့် ဘေဆယ်တို့က သဘောတူညီမှုအတွက် အသေးစိတ်အချက်အလက်များကို ဖြေရှင်းပြီးနောက် ပြီးခဲ့တဲ့ရက်အနည်းငယ်အတွင်းမှာ သိသိသာသာတိုးတက်မှုများရရှိခဲ့ပါတယ်။

အာတီတာက "သတင်းအသစ်တွေ မရှိပါဘူး။ ကျွန်တော်တို့ပြောစရာရှိတာနဲ့ ချက်ချင်းပြောမှာပါ။
ပြင်ပ ကစားသမားတွေအကြောင်း ပြောရတာ မကြိုက်ဘူးဆိုတာ အားလုံးလည်းသိမှာပါ"လို့ ပြောပါတယ်။