သတင်းတွေအရ ယူနိုက်တက်အသင်းနည်းပြ အာမိုရင်တစ်ယောက် အိုနာနာကို ဆော်ဒီလိဂ်ထံရောင်းထုတ်ပြီး သူ့နေရာမှာ အစားထိုးဖို့ ပစ်မှတ် ၂ ဦးသတ်မှတ်ထားတယ်လို့ သိရပါတယ်။ ယူနိုက်တက်ဟာ အမှားတွေများနေတဲ့ အိုနာနာကို စိတ်မရှည်တော့ပဲ ရောင်းထုတ်ဖို့ ပြင်ဆင်လာခဲ့တာဖြစ်ပါတယ်။ နောက်ထွက်ပေါ်လာတဲ့သတင်းတွေအရ အာမိုရင်ဟာ ကင်မရွန်းသားနေရာအတွက် နံပါတ် ၁ ဂိုးသမားရှာဖွေနေတယ်လို့ သိရပါတယ်။

ယူနိုက်တက်အနေနဲ့ ဂိုးသမားနေရာအတွက် မန်စီးတီးအသင်းနဲ့အားပြိုင်ရဖို့များနေပါတယ်။ အာမိုရင်ဟာ အန့်တ်ဝါ့တ်အသင်းဂိုးသမား လာမန်းကို ခေါ်ယူဖို့ မျက်စိကျနေတယ်လို့ သိရပါတယ်။ ဒါ့အပြင် လိုင်လီဂိုးသမား လူးကပ်စ်ကိုလည်း ပစ်မှတ်ထားနေကာ ချိတ်ဆက်မှုတွေပြုလုပ်နေပါတယ်။ လာမန်းရဲ့တန်ကြေးက ပေါင်သန်း ၃၀ ရှိနိုင်ပြီး လိုင်လီဘက်ကတော့ သူတို့ဂိုးသမားအတွက် ပေါင်သန်း ၄၀ လောက်တောင်းဆိုဖွယ်ရှိနေပါတယ်။

ကစားသမား ၂ ယောက်စလုံးဟာ သက်ဆိုင်ရာအသင်းတွေနဲ့ ၂၀၂၇ အထိ စာချုပ်သက်တမ်းကျန်ရှိနေပါတယ်။ ယူနိုက်တက်ဟာ နိုင်ငံတကာရက်သတ္တပတ်အပြီးမှာ နော်တင်ဟမ်ဖောရက်စ်အသင်းနဲ့ရင်ဆိုင်ရမှာဖြစ်ပါတယ်။