စကိုင်းအီတလီသတင်းတွေအရ နာပိုလီနဲ့ အေစီမီလန်အသင်းတို့ဟာ ချဲလ်ဆီးတိုက်စစ်မှူး လူကာကူကို ချဉ်းကပ်နေကြတယ်လို့ ဆိုပါတယ်။

ကစားသမားကိုယ်တိုင်က စီးရီးအေမှာကစားရတာ ပျော်ရွှင်နေပြီး ပြီးခဲ့တဲ့ရာသီကို ရိုးမားအသင်းမှာ အငှားကစားခဲ့တာဖြစ်ပါတယ်။ ဒါပေမယ့် ရိုးမားအသင်းအနေနဲ့ အပြီးသတ်ခေါ်ယူဖို့ မတတ်နိုင်တာကြောင့် ချဲလ်ဆီးထံပြန်လာတော့မှာဖြစ်ပါတယ်။

ကွန်တီကတော့ တိုက်စစ်မှူးသစ်ခေါ်ယူချင်နေပြီး လူကာကူကို မျက်စိကျနေတယ်လို့ သိရပါတယ်။ ဒီမာဇီယိုကလည်း အေစီမီလန်အသင်းဟာ လူကာကူကို ခေါ်ယူချင်နေတယ်လို့ ဆိုပါတယ်။

အေစီမီလန်ဟာ လူကာကူတစ်ယောက် ရိုးမားအသင်းထံ မပြောင်းခင်တုန်းကလည်း ချိတ်ဆက်ခဲ့သေးတာဖြစ်ပါတယ်။ ဒါပေမယ့် အခုအပြောင်းအရွှေ့သာ ဖြစ်လာခဲ့ရင် လူကာကူဟာ မီလန်ပြိုင်ဘက် ၂ သင်းမှာကစားဖူးတဲ့ ပထမဆုံးကစားသမားဖြစ်လာမှာဖြစ်ပါတယ်။

အေစီမီလန်ဘက်ကတော့ အငှား + အပြီးသတ်ဝယ်ယူခွင့်နဲ့ခေါ်ယူချင်တာလား ဒါမှမဟုတ် အငှားသီးသန့်ပဲလားဆိုတာ မသိရသေးတာဖြစ်ပါတယ်။