စပိန်မြေမှာ အနိုင်သုံးမှတ်အပြည့် ရယူသွားတဲ့ ဘုန်းမောက်
ဆိုစီဒက် ၁-၂ ဘုန်းမောက် (ပွဲပြီးရလဒ်)
စပိန်မြေမှာ ထိပ်တိုက်တွေ့ဆုံတဲ့ အခုပွဲစဉ်က သွင်းဂိုးတွေနဲ့အတူ စိတ်ဝင်စားစရာကောင်းခဲ့ပါတယ်။ အခုပွဲစဉ်ရဲ့ပထမပိုင်းပွဲချိန်မိနစ် ၂၀ အတွင်းမှာတင် ဧည့်သည်တွေက ဂျပ်စတင်ကလွိုက်ဗက်၊ ရာယန်တို့ရဲ့သွင်းဂိုးတွေနဲ့အတူ နှစ်ဂိုးပြတ်ဦးဆောင်ထားနိုင်ခဲ့သလို ပထမပိုင်းပွဲချိန်အပြီးအထိ ပြိုင်ဘက်အပေါ် အသာစီးရယူကစားခဲ့ပါတယ်။ ဒါပေမဲ့ ဒုတိယပိုင်းစတင်လာချိန်မှာ ဆိုစီဒက်က အပြောင်းအလဲတွေပြုလုပ်ပြီး တိုက်စစ်မြှင့်ကစားလာခဲ့ရာ ဘုန်းမောက်တို့ အသည်းအသန်ခုခံကာကွယ်ခဲ့ရပါတယ်။ ဒါကြောင့်ပဲ ဆိုစီဒက်က ဂိုးမက်ဇ်ရဲ့တစ်လုံးတည်းသောချေပဂိုးနဲ့သာ ကျေနပ်ခဲ့ရပြီး အိမ်ကွင်းရှုံးပွဲနဲ့ ရင်ဆိုင်လိုက်ရပါတယ်။
