လိဒ်ကို ၄-၁ ဂိုးဖြင့် ရှုံးနိမ့်ခဲ့တဲ့ တနင်္လာနေ့ပရီးမီးယားလိဂ်ပွဲစဉ်မတိုင်ခင် အီလန်ဂါရရှိသွားတဲ့ ဒဏ်ရာနဲ့ပတ်သက်လို့ အခြေအနေမကောင်းဘူးလို့ နယူးကာဆယ်နည်းပြဂျေဆဲလ်က ဝန်ခံပြောကြားခဲ့ပါတယ်။

အသက် ၂၄ နှစ်အရွယ်ကစားသမားက ယမန်နှစ်ဘောလုံးရာသီမှာ ပရီးမီးယားလိဂ်သွင်းဂိုး လုံး၀မရရှိခဲ့ပေမဲ့ အခုဘောလုံးရာသီမှာတော့ နှစ်ဂိုးအထိ သွင်းယူထားနိုင်ပါတယ်။
 
အသက် ၂၄ နှစ်အရွယ် ကစားသမားဟာ ပြီးခဲ့တဲ့ရာသီက ပရီးမီးယားလိဂ်မှာ တစ်ဂိုးမှ မသွင်းယူနိုင်ခဲ့ပေမဲ့ ဒီတစ်ကြိမ်မှာတော့ နှစ်ဂိုးအထိ သွင်းယူထားနိုင်ခဲ့ပြီး အဆိုပါမှတ်တမ်းကို ကျော်ဖြတ်ထားနိုင်ခဲ့တာ ဖြစ်ပါတယ်။

ခြေထောက်ဒဏ်ရာကြောင့် အီလန်ဂါကို လက်လွှတ်ရမှုက လိဒ်နဲ့ပွဲစဉ်အတွက် ကြီးမားတဲ့ဆုံးရှုံးမှုတစ်ခုဖြစ်ခဲ့ပြီး အခုတော့ ကစားသမားရဲ့အခြေအနေကို သံလိုက်ဓါတ်မှန်(MRI) ရိုက်ကူးကာ စစ်ဆေးသွားရပါတော့မယ်။
 
ပွဲစဉ်အပြီး သတင်းထောက်တွေနဲ့တွေ့ဆုံချိန် ဂျေဆဲလ်က ဒီတောင်ပံကစားသမားရဲ့ဒဏ်ရာနဲ့ပတ်သက်လို့ ထုတ်ဖော်ပြောကြားခဲ့ပါတယ်။

နယူးကာဆယ်နည်းပြက "ဒါကို ခင်ဗျားတို့လည်း သိထားလောက်ပါတယ် ဒါမှမဟုတ် ဒဏ်ရာရသွားတယ်ဆိုတာကို ခန့်မှန်းမိကြပါလိမ့်မယ်"
 
"ဒီဒဏ်ရာမှလွဲလို့ လွဲရင် တခြားအကြောင်းပြချက် မရှိပါဘူး။ ဒါကြောင့် ဓာတ်မှန်တွေ၊ MRI တွေနဲ့ နောက်ထပ်အသေးစိတ်စစ်ဆေးမှုတွေ ပြုလုပ်ပြီးချိန်မှာ ပိုမိုရှင်းလင်းလာလိမ့်မယ်လို့ မျှော်လင့်ပေမဲ့ လောလောဆယ်တော့ အခြေအနေ သိပ်မကောင်းလှပါဘူး"လို့ ပြောပါတယ်။
 
အခုပွဲစဉ်ရဲ့ပွဲချိန်အစောပိုင်းမှာပဲ နီကိုဂွန်ဇာလက်ဇ်ကို လူစားလဲခဲ့ရသလို ဂျက်ကော့ဘ်ရမ်ဆေးလည်း သွေးပူးလေ့ကျင့်ခန်းပြုလုပ်ချိန် ဒဏ်ရာရရှိသွားပါတယ်။