မန်စီးတီးမှာ ဂျက်ဂရီးလစ်ရှ်ကို ဒုတိယအကြိမ် အခွင့်အရေးပေးဖို့ အန်ဇိုမာရက်စကာ ဆန္ဒရှိနေ
မန်စီးတီးအသင်းရဲ့ နည်းပြသစ် အန်ဇိုမာရက်စကာဟာ အသင်းမှာ မေ့လျော့ခံထားရတဲ့ ဂျက်ဂရီးလစ်ရှ်ကို ဒုတိယအကြိမ် အခွင့်အရေးပေးဖို့ ဆန္ဒရှိနေတယ်လို့ သတင်းတွေအရ သိရပါတယ်။
အန်ဇိုမာရက်စကာဟာ ဂန္ထဝင်နည်းပြ ပပ်ဂွာဒီယိုလာရဲ့နေရာမှာ မန်စီးတီးနည်းပြအဖြစ် တရားဝင် အစားထိုးဝင်ရောက်လာခဲ့တာဖြစ်ပြီး အသင်းမှာ အပြောင်းအလဲတချို့ လုပ်ဆောင်ဖို့ ပြင်ဆင်နေတာပါ။
TeamTalk ရဲ့ ဖော်ပြချက်အရ လက်စတာနဲ့ ချယ်လ်ဆီး နည်းပြဟောင်း မာရက်စကာဟာ အသင်းမှာ နေရာပျောက်နေတဲ့ အသက် ၃၀ အရွယ် ဂရီးလစ်ရှ်ကို အခွင့်အရေးသစ်တစ်ခု ပေးချင်နေပါတယ်။
ဒီတောင်ပံကစားသမားဟာ ပြီးခဲ့တဲ့ရာသီက အဲဗာတန်အသင်းမှာ အငှားနဲ့ သွားရောက်ကစားခဲ့ပြီး ၂၂ ပွဲမှာ ၂ ဂိုးသွင်းကာ ဂိုးဖန်တီးမှု ၆ ကြိမ် ပြုလုပ်နိုင်ခဲ့သူ ဖြစ်ပါတယ်။
အဲဗာတန်အသင်းမှာ သူ့ကို ပေါင် ၅၀ သန်းနဲ့ အပြီးသတ်ဝယ်ယူခွင့် ရှိနေပေမဲ့ သူရထားတဲ့ ဒဏ်ရာပြဿနာတွေကြောင့် အဲဒီအတိုင်း ဖြစ်လာဖို့ကတော့ အတော်လေးကို မသေချာတဲ့ အခြေအနေမှာ ရှိနေပါတယ်။
မာရက်စကာကတော့ ဂရီးလစ်ရှ်ရဲ့ အနာဂတ်နဲ့ပတ်သက်ပြီး တစ်ခုခု မဆုံးဖြတ်ခင်မှာ သူ့ရဲ့ခြေစွမ်းကို ကိုယ်တိုင်ကိုယ်ကျ အရင်ဆုံး အကဲဖြတ်ချင်တယ်လို့ မန်စီးတီးဘုတ်အဖွဲ့ကို ပြောကြားထားတယ်လို့ သိရပါတယ်။
