လိုက်ပ်ဇစ်အသင်းတောင်ပံကစားသမားဒီအိုမန်ဒီက အပြောင်းအရွှေ့တစ်ခုဖြစ်မြောက်လာဖို့ ရှိနေချိန် ပီအက်စ်ဂျီအသင်းနဲ့ ပုဂ္ဂိုလ်ရေးဆိုင်ရာသဘောတူညီမှု ရရှိခဲ့တယ်လို့ သတင်းတွေအရ သိရပါတယ်။

အသက် ၁၉ နှစ်အရွယ်လူငယ်ကြယ်ပွင့်က အခုနွေရာသီ၊ လိုက်ပ်ဇစ်အသင်းမှ ထွက်ခွာရမယ်ဆိုရင် ပရီးမီးယားလိဂ်ကလပ်လီဗာပူးထက် ပီအက်စ်ဂျီဆီ ပြောင်းရွှေ့ဖို့ ဆုံးဖြတ်ထားတယ်လို့ သတင်းထွက်ပေါ်နေပါတယ်။

ဂျာမန်ကလပ်အသင်းကတော့ ဒီအိုမန်ဒီကို နောက်ထပ်တစ်ရာသီ ဆက်ထိန်းသိမ်းထားဖို့ မျှော်လင့်ထားပေမဲ့ ဖြစ်နိုင်ခြေတော့ နည်းပါးလာခဲ့ပါပြီ။

သတင်းထောက်ဖာဘရီဇီယိုရိုမာနိုရဲ့ဖော်ပြချက်အရ ဒီတောင်ပံကစားသမားက ဖြစ်လာနိုင်တဲ့ ပြောင်းရွှေ့မှုအတွက် ပြင်သစ်ချန်ပီယံအသင်းနဲ့ ငါးနှစ်သက်တမ်းရှိ စာချုပ်တစ်ခုချုပ်ဆိုဖို့ သဘောတူခဲ့တယ်လို့ သိရပါတယ်။

ကလပ်အသင်းနှစ်ခုအကြား ဆွေးနွေးမှုတွေ စတင်လာဖို့ရှိနေပြီး လိုက်ပ်ဇစ်အသင်းကတော့ အိုင်ဗရီကို့စ်လက်ရွေးစင်ကစားသမားအတွက် ပြောင်းရွှေ့ကြေးယူရိုသန်း ၁၃၀ ဝန်းကျင်အထိ လိုလားနေပါတယ်။