ဘုန်းမောက်နည်းပြအီရာအိုလာက ဘောလုံးပိုင်ဆိုင်ထားချိန်မှာ ဆီနက်စီကို အပြည့်အဝ ယုံကြည်မှုရှိတယ်လို့ ဝန်ခံပြောကြားခဲ့ပါတယ်။

လာမယ့် ဇွန်လကုန်မှာ စာချုပ်သက်တမ်းကုန်ဆုံးတော့မယ့် အာဂျင်တီးနားနောက်ခံလူကို ခံစစ်မှတဆင့် ဘောလုံးပေးပို့ပြီး တိုက်စစ်ဆင်တဲ့အပိုင်းမှာ နိုင်ငံအတွင်း အကောင်းဆုံး ခံစစ်မှူးတွေအနက် တစ်ဦးဖြစ်တယ်လို့ အီရာအိုလာက သတ်မှတ်ထားပါတယ်။

ပြီးခဲ့တဲ့သီတင်းပတ်၊ လိဒ်ကိုအနိုင်ယူခဲ့တဲ့ပွဲစဉ်အပြီး အီရာအိုလာက "ဆီနီစီက ဘောလုံးနဲ့အတူ ရှိနေချိန်မှာ ထိပ်တန်းအဆင့်ရှိတဲ့ ဗဟိုနောက်ခံလူတစ်ဦးပါ" လို့ ပြန်လည်သုံးသပ်ခဲ့ပါတယ်။

"အခုလိုပွဲမျိုးတွေက သူ့ရဲ့ကစားဟန်နဲ့ ကိုက်ညီတယ်လို့ ကျွန်တော်ထင်တယ်၊ အထူးသဖြင့် ပြိုင်ဘက်ကို နောက်ဆုတ်သွားအောင် ဖိအားပေးနိုင်ပြီး ကျွန်တော်တို့ရဲ့ ဗဟိုနောက်ခံလူတွေကို ပြိုင်ဘက်ရဲ့ ကွင်းတစ်ခြမ်းအထိ တက်ကစားခိုင်းလို့ရတဲ့ အချိန်မျိုးတွေမှာပေါ့။ သူရော၊ ဂျိမ်းစ်ဟေးလ်ပါ ရှေ့ကို ထိုးဖောက်ပေးပို့တာတွေ၊ ဂိုးဖန်တီးမှုတွေ လုပ်နိုင်ဖို့ နေရာကောင်းတွေ ရခဲ့ကြတယ်လို့ ထင်ပါတယ်။ ခရူပီရရှိသွားတဲ့ ပထမဂိုးဆိုရင် တကယ့်ကို လှပတဲ့ဖန်တီးပေးပို့မှုပါပဲ။ အီဗန်နယ်လ်ဆင်အတွက် ဒုတိယဂိုးဖန်တီးပေးတာက ပိုတောင် ခက်ခဲပါသေးတယ်၊ နောက်ပြီး ဘောလုံးဖြတ်တင်ပေးတာတွေလည်း ပါတာပေါ့။ ဆီနီစီက သူ့ရဲ့ နောက်ခံလူနေရာမှတဆင့် ကောင်းမွန်တဲ့ ဖြတ်တင်ဘောတွေ ပေးပို့လေ့ရှိပြီး သူ့လို ကစားသမားမျိုး အသင်းမှာ ရှိနေတယ်ဆိုတာ တကယ့်ကို ဝမ်းသာစရာပါ" လို့ ၎င်းက ဆိုခဲ့ပါတယ်။