တူရကီကလပ်တစ်ခုက ပါလိုဒိုင်ဘားလားကို အကြီးအကျယ်ကမ်းလှမ်းဖို့ ပြင်ဆင်နေ
သတင်းတွေအရ အမည်မသိရသေးတဲ့ တူရကီကလပ်အသင်းတစ်ခုဟာ ရိုးမားအသင်းရဲ့ ကြယ်ပွင့်ကစားသမား ပါလိုဒိုင်ဘားလားကို ခေါ်ယူဖို့အတွက် ကြီးမားတဲ့ စာချုပ်တစ်ရပ်နဲ့ ကမ်းလှမ်းဖို့ စီစဉ်နေတယ်လို့ သိရပါတယ်။ အသက် ၃၂ နှစ်အရွယ် ဒိုင်ဘားလားဟာ လာမယ့်နွေရာသီမှာ ရိုးမားအသင်းနဲ့ စာချုပ်သက်တမ်းကုန်ဆုံးတော့မှာ ဖြစ်ပါတယ်။ စာချုပ်သစ်အတွက် ဆွေးနွေးမှုတွေလည်း မရှိတော့တာကြောင့် သူဟာ အသင်းကနေ အလွတ်ပြောင်းရွှေ့ကြေးနဲ့ ထွက်ခွာသွားဖို့ ရှိနေပါတယ်။ La Gazzetta dello Sport သတင်းဌာနရဲ့ ဖော်ပြချက်အရ အဆိုပါ အမည်မဖော်ပြထားတဲ့ တူရကီကလပ်ဟာ ဒိုင်ဘားလားကို တစ်နှစ်လုပ်ခ ယူရို ၆ သန်းနဲ့ ၃ နှစ်သက်တမ်းရှိတဲ့ စာချုပ်တစ်ခု ကမ်းလှမ်းဖို့ အဆင်သင့်ရှိနေပါတယ်။ ဒီကမ်းလှမ်းမှုဟာ သူလက်ရှိ ရိုးမားမှာ ရရှိနေတဲ့ လစာပမာဏနဲ့ တူညီနေသလို သူ့ကို ခေါ်ယူချင်နေတဲ့ ဘိုကာဂျူနီယာလို အသင်းတွေကိုလည်း အပြတ်အသတ် အသာစီးရသွားစေမယ့် ကမ်းလှမ်းမှုဖြစ်တယ်လို့ နားလည်ရပါတယ်။
