ဘရိုက်တန်အသင်းရဲ့ အနာဂတ်မှာ ဖာဂူဆန် ပါဝင်နေဆဲဖြစ်ကြောင်း ဟာဇယ်လာ ပြောကြား
ဘရိုက်တန်အသင်းနည်းပြ ဖေဘီယမ် ဟာဇယ်လာက အီဗန် ဖာဂူဆန်ဟာ အသင်းမှာ အနာဂတ်ရှိနေဆဲဖြစ်တယ်လို့ အခိုင်အမာ ပြောကြားလိုက်ပါတယ်။
ဖာဂူဆန်ဟာ ဒီရာသီမှာ ရိုးမားအသင်းထံ အငှားသွားရောက်ကစားနေစဉ်အတွင်း ရရှိခဲ့တဲ့ ခြေကျင်းဝတ်ဒဏ်ရာကြောင့် ခွဲစိတ်ကုသမှု ခံယူခဲ့ရပြီး လက်ရှိမှာတော့ သူ့အတွက် ဒီရာသီက အဆုံးသတ်သွားခဲ့ပြီ ဖြစ်ပါတယ်။
တိုက်စစ်မှူး ဖာဂူဆန်နဲ့ ပတ်သက်ပြီး အသင်းရဲ့ အစီအစဉ်တွေကို မေးမြန်းရာမှာတော့ ဟာဇယ်လာက “အသင်းနဲ့ စာချုပ်ရှိနေတဲ့ ကစားသမားတိုင်းဟာ အနာဂတ်ရှိကြတာပါပဲ။ အီဗန် ဘာတွေလုပ်နိုင်လဲဆိုတာ ကျွန်တော်တို့အားလုံး သိပါတယ်။ သူဟာ ဒီကလပ်အတွက် ကစားပေးခဲ့စဉ်ကတည်းက ဒါကို အကြိမ်ကြိမ် သက်သေပြခဲ့ပြီးသားပါ။ သူ ရိုးမားမှာ ကစားခဲ့တုန်းကလည်း တကယ်ကို ကောင်းမွန်တဲ့ ပွဲစဉ်တချို့ ကစားနိုင်ခဲ့သလို ဂိုးတွေလည်း သွင်းယူနိုင်ခဲ့ပါတယ်။ သူ ဒဏ်ရာကနေ ပြန်လာနိုင်မယ့် အချိန်ကို ကျွန်တော်တို့ အားလုံး ဝမ်းသာအားရ စောင့်ကြိုနေပါတယ်။ ဘာဖြစ်လို့လဲဆိုတော့ သူ ပြန်ရောက်လာရင် ကျွန်တော်တို့ရဲ့ ကစားကွက်အပေါ် အများကြီး အကျိုးသက်ရောက်မှု ရှိစေမှာ ဖြစ်လို့ပါ” လို့ ပြောကြားခဲ့ပါတယ်။
