ချဲလ်ဆီးတိုက်စစ်မှူး နီကိုးလက်စ်ဂျက်ဆန်ဟာ ဒဏ်ရာပြဿနာသက်သာပျောက်ကင်းနေပြီဖြစ်ပြီး ယခုအခါမှာ လေ့ကျင့်ရေးကွင်းသို့ပြန်လည်ရောက်ရှိနေပြီဖြစ်တာကြောင့် မကြာမီမှာပ အသင်းအတွက် ပြန်လည်ကစားပေးနိုင်ချေရှိတယ်လို့သိရပါတယ်။

တိုက်စစ်မှူးဟာ ဖေဖော်ဝါရီလက ဝက်စ်ဟမ်းကို ၂-၁ နဲ့အနိုင်ရခဲ့တဲ့ ပရီးမီးယားလိဂ်ပွဲစဉ်မှာ တံကောက်ကြောဒဏ်ရာပြဿနာကြုံတွေ့ခဲ့တာဖြစ်ပြီး အခုချိန်အထိ ပြန်လည်ကစားနိုင်ခြင်းမရှိသေးပါဘူး။ ယခုအခါမှာတော့ ဂျက်ဆန်အနေနဲ့ နိုင်ငံတကာပွဲစဉ်တွေပြီးဆုံးချိန်မှာ ချဲလ်ဆီးအတွက် ပြန်လည်ကစားပေးနိုင်တော့မှာဖြစ်ပါတယ်။

ဗုဒ္ဓဟူးနေ့မှာ ချဲလ်ဆီးကလည်း တိုက်စစ်မှူးဟာ လေ့ကျင့်ခန်းပြန်ဆင်းနေပြီဖြစ်ကြောင်း အသိပေးကြေညာထားခဲ့ပါတယ်။ အခုလို ဂျက်ဆန်ရဲ့ပြန်လာနိုင်မှုက ဂိုးရဖို့ရုန်းကန်နေရတဲ့ ချဲလ်ဆီးရဲ့ တိုက်စစ်အတွက် အတော်လေး အားတက်စရာဖြစ်လာဖို့ရှိနေပါတယ်။

၂ဝ၂၅ ခုနှစ်အတွင်း ချဲလ်ဆီးဟာ ပုံစံကောင်းရဖို့ရုန်းကန်ခဲ့ရပေမယ့် လက်ရှိအချိန်မှာတော့ ပရီးမီးယားလိဂ်အမှတ်ပေးဇယားရဲ့ အဆင့် ၄ နေရာမှာရပ်တည်ထားနိုင်သလို၊ ကွန်းဖရန်လိဂ်မှာလည်း ဆက်လက်ကျန်ရှိနေဆဲဖြစ်ပါတယ်။ ယခုရာသီ ပရီးမီးယားလိဂ်မှာ ဂျက်ဆန်ဟာ ချဲလ်ဆီးဟာ ၉ ဂိုးသွင်းပြီး ဂိုးဖန်တီးမှု ၅ ကြိမ်အထိပြုလုပ်ထားနိုင်တာကြောင့် အသင်းအတွက် အားထားရတဲ့တိုက်စစ်မှူးတစ်ဦးဖြစ်ပါတယ်။

လာမယ့် ဧပြီလ ၃ ရက်နေ့မှာ ချဲလ်ဆီးဟာ တော့တင်ဟမ်နဲ့ယှဉ်ပြိုင်သွားရမှာဖြစ်ပြီး ဂျက်ဆန်အနေနဲ့ ချဲလ်ဆီးအတွက် ပြန်လည်ကစားပေးသွားနိုင်မလား စောင့်ကြည့်ရပါမယ်။