အင်္ဂလန်အသင်းနည်းပြ တူချယ်က ရိစ်ဂျိမ်းတစ်ယောက် ကွင်းလယ်လူအဖြစ်ကစားနိုင်တယ်ဆိုတဲ့ မာရက်စ်ကာရဲ့ယုံကြည်မှုကို သံသယရှိနေပါတယ်။အင်္ဂလန်နည်းပြသစ်က သောကြာနေ့တုန်းက လာမယ့်ကမ္ဘာ့ဖလားခြေစစ်ပွဲတွေအတွက် ပထမဆုံးအကြိမ်လူစာရင်းကို ထုတ်ပြန်ကြေညာခဲ့ပါတယ်။

အဲ့ထဲမှာ ဒဏ်ရာကြောင့် ရုန်းကန်နေရတဲ့ ချဲလ်ဆီးစတား ရိစ်ဂျိမ်းတစ်ယောက် ပါဝင်လာခဲ့တာဖြစ်ပါတယ်။ အမှန်တကယ်မှာလည်း ဂျိမ်းစ်ဟာ ပြီးခဲ့တဲ့အဓိကပြိုင်ပွဲ ၂ ခုကို လွဲချော်ခဲ့သလို အနည်းငယ်သာ ပါဝင်ခွင့်ရရှိထားပါတယ်။ တူချယ်လက်အောက်မှာ ဂျိမ်းစ်တစ်ယောက် သူ့ကစားသမားဘ၀ အကောင်းဆုံးပုံစံရခဲ့တာဖြစ်ပြီး ညာတောင်ပံကစားသမားအဖြစ် ခံစစ်ပိုင်းအပြင် ဖြတ်တင်ဘောတွေ ၊ ကန်ချက်တွေပါ မြင်တွေ့ခဲ့ရတာဖြစ်ပါတယ်။

အဲ့နောက် နည်းပြပြောင်းပြီးကတည်းက မာရက်စ်ကာလက်အောက်မှာ အသက် ၂၅ နှစ်သားဟာ ကွင်းလယ်လူအဖြစ် ကစားခွင့်ရနေပါတယ်။ တူချယ်ကတော့ မာရက်စ်ကာနဲ့အမြင်မတူပဲ ကွင်းလယ်လူအဖြစ် မကစားနိုင်ဘူးလို့ ထင်မြင်နေပါတယ်။ “ကျွန်တော် ရိစ်ကို သိပါတယ်။ ကျွန်တော် အခုသူ့ကိုခေါ်ယူခဲ့ပါတယ်။ မခေါ်ယူချင်မှာလည်း သူလေ့ကျင့်ခန်းဆင်းနိုင်းလားဆိုတာ သေချာအောင်လုပ်ခဲ့ပါတယ်။ သူ့ဘက်က သေချာမှသာ ကျွန်တော် ပွဲတွေအတွက် ခေါ်ယူခဲ့တာပါ။ ဒဏ်ရာလည်းမရဘူး ဒါမှမဟုတ် ပွဲတွေအတွက်လည်း မရွေးချယ်ဘူးဆိုရင် အဲ့တာက အသင်းဘက်က ရွေးချယ်မှုပါ။ ကျွန်တော်ကတော့ သူ့ကိုကွင်းလယ်မှာထက် နောက်ခံလူ နဲ့ တောင်ပံကစားသမားအဖြစ်ပဲ ပိုကစားစေချင်ပါတယ်။ သူ့ထက်ကွင်းလယ်မှာပိုကောင်းတဲ့ကစားသမားတွေရှိပါတယ်။

သူလုပ်နိုင်မလားဆိုတာ ကျွန်တော် စောင့်ကြည့်ဖို့ လိုအပ်ပါတယ်။ သူ့အနေနဲ့ သက်သေပြနိုင်မယ်ဆိုရင် ကစားခွင့်ရနိုင်ပါတယ်။ ကျွန်တော် သူ့ကို လုပ်အားနည်းတဲ့နေရာမှာ ကစားစေပါတယ်။ ဘာလို့လဲဆိုတော့ သူကမတူညီတဲ့နေရာမှာ ကစားခဲ့တာပါ။ ၃ ယောက်တန်းခံစစ်မှာ သူစတင်ကစားခဲ့ပြီး ချဲလ်ဆီးမှာညလ်း သူလုပ်ပြနိုင်ပါတယ်။ ကိုဗင်ဟေဂင်နဲ့ပွဲမှာ သူကွင်းလယ်မှာ ကစားခဲ့ပေမယ့် အဆင်ပြေတယ်လို့ မဆိုနိုင်ပါဘူး။

ဒါပေမယ့် သမိုင်း နဲ့ အချက်အလက်တွေက အဲ့တာကဖြစ်နိုင်ချေရှိတယ်ဆိုတာ ပြောနေပါတယ်။ သူ့ဘက်ကတော့ သက်သေပြဖို့ လိုအပ်ပါတယ်”လို့ တူချယ်က ပြောကြားခဲ့ပါတယ်။

အင်္ဂလန်အသင်းလူစာရင်းမှာ ထိပ်တန်းကစားသမားတော်တော်များများ ချန်လှပ်ခံခဲ့ရပြီး အဲ့ထဲမှာ မန်စီးတီးစတား ဂရီးလစ်ချ်လည်း ပါဝင်နေပါတယ်။ တူချယ်ကတော့ သူ့အနေနဲ့ ဂရီးလစ်ချ်ကို ချစ်မြတ်နိုးသလို အသင်းမှာပါဝင်လာမယ်ဆိုရင်လည်း အကျိုးပြုနိုင်မယ့်သူအဖြစ် ထုတ်ဖော်ပြောကြားခဲ့ပါတယ်။