တူရကီကိုဂိုးပြတ်အနိုင်ယူကာ ရှုံးထွက်အဆင့်တက်လှမ်းသွားတဲ့ ပေါ်တူဂီ
တူရကီ ဝ-၃ ပေါ်တူဂီ (ပွဲပြီးရလဒ်)
အခုပွဲစဉ်မှာ နာမည်ကြီးပေါ်တူဂီအသင်းကပဲ ဘောလုံးပိုင်ဆိုင်မှုအသာစီးရယူပြီး ပြိုင်ဘက်ကို လွှမ်းမိုးကာ ဂိုးပြတ်နိုင်ပွဲတစ်ခု ဖော်ဆောင်သွားပါတယ်။ မာတီနက်ဇ်ရဲ့အသင်းအတွက် ပွဲထွက်လာတဲ့ကစားသမားအားလုံး ခြေစွမ်းပြသသွားနိုင်ပြီး နိုင်ပွဲရယူနိုင်မယ့်ဂိုးတွေကို သွင်းယူနိုင်ခဲ့ပါတယ်။ တဖက်မှာလည်း တူရကီအသင်းက လိုအပ်နေတဲ့ချေပဂိုးတွေရရှိဖို့ ကြိုးစားခဲ့ပေမယ့် မာကျောကျစ်လစ်နေတဲ့ ပေါ်တူဂီအသင်းခံစစ်ပိုင်းကို မကျော်ဖြတ်နိုင်လို့ ရည်မှန်းချက်တွေ မအောင်မြင်ခဲ့ပါဘူး။ အခုပွဲစဉ်ရလဒ်ပိုင်းနဲ့အတူ အုပ်စုအဖွင့်ပွဲစဉ်နှစ်ပွဲလုံးအနိုင်ရရှိတဲ့ ပေါ်တူဂီအသင်းက အုပ်စု(F)ရဲ့ အုပ်စုဗိုလ်အဖြစ် ယူရို-၂၀၂၄ ပြိုင်ပွဲ၊ ၁၆-သင်းရှုံးထွက်အဆင့်ဆီ တက်လှမ်းသွားနိုင်ခဲ့ပါတယ်။
