ဘရန့်ဖို့ဒ်နည်းပြ သောမတ်စ်ဖရန့်ခ်က ချဲလ်ဆီးနဲ့ယှဉ်ပြိုင်သွားရမယ့် ပွဲစဉ်မတိုင်မီ လက်ရှိအချိန် ပရီးမီးယားလိဂ်မှာ အကောင်းဆုံးအသင်းက ချဲလ်ဆီးဖြစ်တယ်လို့ ချီးကျူးပြောဆိုလာခဲ့ပါတယ်။ အန်ဇိုမာရက်စ်ကာရဲ့ဦးဆောင်မှုနဲ့အတူ အကောင်းဆုံးစွမ်းဆောင်ရည်တွေပြသထားနိုင်တဲ့ ချဲလ်ဆီးဟာ ပြီးခဲ့တဲ့ ပြိုင်ပွဲစုံ ၆ ပွဲဆက်တိုက်အနိုင်ရရှိထားတဲ့အပြင် ပရီးမီးယားလိဂ်အမှတ်‌ပေးဇယား ထိပ်ဆုံးက လီဗာပူးနဲ့ ၄ မှတ်သာကွာဟတဲ့အခြေအနေအတစ်ရပ်ကို ဖန်တီးထားနိုင်တာဖြစ်ပါတယ်။

ယခုအခါမှာ ဖရန့်ခ်က “ချဲလ်ဆီးက လက်ရှိပရီးမီးယားလိဂ်မှာ အကောင်းဆုံးအသင်းဖြစ်နိုင်ပါတယ်။ သူတို့က လီဗာပူးထက်တောင် ပိုကောင်းတဲ့အခြေအနေမှာရှိနေနိုင်ပါတယ်။ ခြေစွမ်းပိုင်းအတော်လေးထက်မြက်လာပြီး နည်းပြသစ်နဲ့ အသားကျနေပုံပါပဲ။ အန်ဇိုမာရက်စ်ကာက သူ့ရဲ့ နည်းပြအဖွဲ့ဝင်တွေနဲ့ ချဲလ်ဆီးမှာ အလုပ်ကောင်းကောင်းလုပ်ထားနိုင်ပြီး တကယ်ကို အန္တရာယ်များတဲ့ အစုအဖွဲ့တစ်ခုကို တည်ဆောက်ထားနိုင်ပါတယ်”

“မယုံနိုင်လောက်အောင်ခက်ခဲတဲ့ပွဲစဉ်တစ်ပွဲ ကစားသွားရမယ်လို့မျှော်လင့်ထားပါတယ်။ သူတို့က လူကြိုက်များပြီး အသင်းကြီးတစ်သင်းဖြစ်ပေမယ့် ကျွန်တော်တို့ကလည်း သူတို့နဲ့ ယှဉ်ပြိုင်နိုင်တယ်လို့ ယုံကြည်ပါတယ်။ အနိုင်ရဖို့ အခွင့်အရေးရှိနေတယ်လို့လည်း ယုံကြည်ပါတယ်” လို့ပြောကြားခဲ့ပါတယ်။

ပြီးခဲ့တဲ့အပတ်က ကြားရက်မှာ အက်စတွန်ဗီလာကို ဂိုးပြတ်အရေးနိမ့်ခဲ့ပေမယ့် စနေနေ့မှာတော့ ဘရန်ဒိဒ်ဟာ နယူးကာဆယ်ကို ၄ ၂ နဲ့အနိုင်ယူထားနိုင်ပါတယ်။ ဒါကြောင့် စိတ်ဓာတ်တက်ကြွနေတဲ့ ဘရန်ဖိဒ်အနေနဲ့ ယခုပွဲစဉ်မှာ ချဲလ်ဆီးကို စတန်းဖို့ဒ်ဘရစ်ချ်မှာ သွားရောက်ကစားမှာဖြစ်ပေမယ့် အန်ဇိုမာရက်စ်ကာကို အခက်တွေ့စေဖို့ ကြိုးစားသွားနိုင်ချေရှိပါတယ်။