သတင်းတွေအရ ချဲလ်ဆီးနည်းပြ မာရက်စ်ကာတစ်ယောက် အသင်းသားတွေကြောင့် တစ်ရာသီအပြီးမှာတင် အထုတ်မခံရဘူးလို့ သိရပါတယ်။ ချဲလ်ဆီးဟာ နည်းပြသစ် မာရက်စ်ကာလက်အောက်မှာ စွမ်းဆောင်ရည်ကောင်းတွေပြသနိုင်ခဲ့တာကြောင့် ဒီဇင်ဘာမတိုင်ခင် ပရီးမီးယားလိဂ်ချန်ပီယံဖြစ်နိုင်တဲ့အသင်းတွေထဲကတစ်သင်းအဖြစ် သတ်မှတ်ခံခဲ့ရပါတယ်။ 
ဒါပေမယ့်လည်း ခရစ္စမတ်ကာလမှာ ခြေချော်ခဲ့ပြီးနောက် အခုချိန်မှာတော့ ထိပ်ဆုံး ၄ သင်းနေရာအတွက်သာ အာရုံစိုက်ရတော့မှာဖြစ်ပါတယ်။

ချဲလ်ဆီးဟာ အခုနှစ်ရဲ့ကွန်းဖရန့်လိဂ်ချန်ပီယံဖြစ်ဖို့ ရေပန်းစားနေပေမယ့် အသုံးပြုထားတဲ့ငွေပမာဏကြောင့် တတိယတန်းအဆင့်ချန်ပီယံဖြစ်ဖို့က မလုံလောက်တာဖြစ်ပါတယ်။ ရလဒ်တွေဆိုးဝါးနေတာကြောင့် အီတလီသားနည်းပြရဲ့အနာဂတ်က သတင်းတွေထွက်နေပေမယ့် ဘီဘီစီသတင်းဌာနကတော့ ချဲလ်ဆီးဟာ ကစားသမားတွေရဲ့တည်ငြိမ်မှုလိုချင်တဲ့ဆန္ဒကြောင့် မာရက်စ်ကာကို ထုတ်ပယ်မှာမဟုတ်ဘူးလို့ ဖော်ပြခဲ့ပါတယ်။

၂၀၂၂ ကတည်းက ချဲလ်ဆီးဟာ အမြဲတမ်းနည်းပြ ၃ ယောက်အပြင် ယာယီနည်းပြ ၂ ယောက်ပါ အပြောင်းအလဲလုပ်ထားခဲ့ပါတယ်။ ချဲလ်ဆီးအနေနဲ့ နွေရာသီမတိုင်ခင် လှုပ်ရှားနေပြီး စပို့တင်းစတား ၂ ဦးဖြစ်တဲ့ ကွမ်ဒါ နဲ့ ဒါရီယိုတို့ကို ခေါ်ယူထားနိုင်ခဲ့ပါတယ်။ အသက် ၁၇ နှစ်သားက လာမယ့် ၂၀၂၆ မှာ အသင်းထံရောက်လာမှာဖြစ်ပါတယ်။ CIES ရဲ့အဆိုအရ  ချဲလ်ဆီးဟာ အနာဂတ်အတွက် လူငယ်ကစားသမားတွေကို ရင်းနှီးမြုပ်နှံနေတယ်လို့ ဖော်ပြခဲ့ပါတယ်။
ချဲလ်ဆီးအသင်းဟာ နိုင်ငံတကာရက်သတ္တပတ်အပြီးမှာ တော့တင်ဟမ်အသင်းနဲ့ လန်ဒန်ဒါဘီပွဲဆင်နွှဲရမှာဖြစ်ပါတယ်။