အာဆင်နယ်အသင်းရဲ့ချန်ပီယံလိဂ်လမ်းကြောင်းကို ဟောကိန်းထုတ်လိုက်တဲ့ ပီရက်စ်မော်ဂန်
အာဆင်နယ်အမာခံပရိသတ် မော်ဂန်က မိမိတို့အသင်းဟာ အခုရာသီမှာ ချန်ပီယံလိဂ်ချန်ပီယံဖြစ်နိုင်တယ်လို့ ဟောကိန်းထုတ်လိုက်ပါတယ်။
မော်ဂန်က အာဆင်နယ်ဟာ ကွာတားဖိုင်နယ်မှာ ဘိုင်ယန်ကိုကျော်ဖြတ်ပြီး ဆီမီးဖိုင်နယ်မှာ မန်စီးတီးကို ကျော်ဖြတ်ကာ ဖိုင်နယ်မှာ ဘာစီလိုနာကို အနိုင်ရမယ်လို့ ဟောကိန်းထုတ်ခဲ့ပါတယ်။ သောကြာနေ့က ချန်ပီယံလိဂ်မဲခွဲမှုအပြီးမှာ မော်ဂန်က အခုလိုမျိုးကို ဟောကိန်းထုတ်ခဲ့တာဖြစ်ပါတယ်။
အာဆင်နယ်ဟာ ချန်ပီယံလိဂ်ကွာတားဖိုင်နယ်မှာ ဘိုင်ယန်နဲ့တွေ့ဆုံနေပြီး ရန်သူတော်ကြီး ကိန်းနဲ့ပြန်လည်တွေ့ဆုံမှာဖြစ်ပါတယ်။ ဒါ့အပြင် ချဲလ်ဆီးနည်းပြဟောင်း တူချယ်နဲ့လည်း ပြန်လည်ရင်ဆိုင်ရမှာဖြစ်ပါတယ်။ ဘိုင်ယန်ဟာ ဒီရာသီရုန်းကန်နေရပေမယ့် ဥရောပရဲ့အအောင်မြင်ဆုံးအသင်းတွေထဲက တစ်သင်းအဖြစ်ရှိနေဆဲဖြစ်ပါတယ်။
ရီးရဲလ်အသင်းက မန်စီးတီးနဲ့ကန်ရမှာဖြစ်ပြီး ပီအက်စ်ဂျီက ဘာစီလိုနာ ၊ တီကိုက ဒေါ့မွန်နဲ့တွေ့ဆုံနေပါတယ်။ အာဆင်နယ်ဟာ ဆီမီးဖိုင်နယ်ကို တက်ရောက်နိုင်ခဲ့ရင် မန်စီးတီး ဒါမှမဟုတ် ရီးရဲလ်အသင်းနဲ့တွေ့ဆုံမှာဖြစ်ပါတယ်။ အာဆင်နယ်ဟာ သမိုင်းတစ်လျှောက်အခုလိုမျိုးကြီးကျယ်တဲ့ပွဲတစ်ပွဲကို မကန်ရတာကြာမြင့်နေပြီဖြစ်သလို အာတီတာအတွက်လည်း စိန်ခေါ်မှုအသစ်ဖြစ်လာမှာဖြစ်ပါတယ်။
၁၆ သင်း အဆင့်မှာတော့ အာဆင်နယ်ဟာ ပေါ်တိုကို ပင်နယ်တီအဆုံးအဖြတ်နဲ့ အနိုင်ယူနိုင်ခဲ့ပါတယ်။ ပရီးမီးယားလိဂ်မှာလည်း အာတီတာရဲ့အသင်းဟာ ချန်ပီယံဆုအတွက် တိုက်ပွဲဝင်နေဆဲဖြစ်ပြီး ရာသီအကုန်မှာ ဆုဖလားတစ်လုံးတော့ ရအောင်ယူဖွယ်ရှိနေပါတယ်။
