ချန်ပီယံလိဂ်ဝင်ခွင့်နှင့် ကွန်ဖရင့်လိဂ်ဖလား ဆွတ်ခူးမှုတို့ဖြင့် အဆုံးသတ်ခဲ့တဲ့ အောင်မြင်သော ရာသီပြီးဆုံးပြီးနောက် ချဲလ်ဆီးဟာ အပြောင်းအရွှေ့ဈေးကွက်တွင် အချိန်ဖြုန်းနေခြင်း မရှိပါဘူး။ ချဲလ်ဆီးဟာ ဂျေဒန် ဆန်ချိုရဲ့ အနာဂတ်အတွက် လျင်မြန်စွာ ဖြေရှင်းလိုနေပြီး လီယမ် ဒီလက်ပ် ရဲ့ ပေါင် သန်း ၃၀ တန် လွှဲပြောင်းကြေးကို အသက်သွင်းပြီးနောက် ခေါ်ယူရန် သဘောတူညီမှု ရရှိရန် နီးစပ်နေပါတယ်။

အသက် ၂၂ နှစ်အရွယ် ကစားသမားဟာ ပြီးခဲ့တဲ့ရာသီက အကြီးအကျယ် ရုန်းကန်ခဲ့ရပြီး ချန်ပီယံရှစ်သို့ ပြန်လည် တန်းဆင်းခဲ့ရတဲ့ အင်းဆွစ်ချ် အသင်းအတွက် ပွဲ ၄၀ တွင် ၁၂ ဂိုး သွင်းယူခဲ့ပါတယ်။ ဒီလက်ပ်ဟာ မန်စီးတီး မှ ပေါင် ၁၅ သန်းဖြင့် အင်းဆွစ်ချ်သို့ ရောက်ရှိခဲ့ပြီး သူ့ရဲ့ ဂိုးသွင်းစွမ်းရည်နှင့် ကြမ်းတမ်းတဲ့ ခွန်အားတွေနဲ့ ထိပ်တန်းလိဂ်က ခံစစ်မှူးများစွာကို ဒုက္ခပေးနိုင်ခဲ့ပါတယ်။ ချဲလ်ဆီးဟာ နီကိုးလပ် ဂျက်ဆန်ရဲ့ အလားအလာရှိသော အစားထိုးမှုအဖြစ် ဘန်ဂျမင် ဆက်စ်ကို နှင့် ဗစ်တာ ရောကရက်စ် တို့ကို ခေါ်ယူရန် ပြိုင်ဆိုင်နေတယ်လို့ သိရပါတယ်။ ပီတစ်က ဒီလက်ပ်ကို အထင်ကြီးလေးစားသော်လည်း လာမယ့်ရာသီ စတန်းဖို့ဒ်ဘရစ်ခ်ျတွင် အဓိကကစားသမားအဖြစ် ရင်ဆိုင်ရမယ့် အခြေအနေမှာ ရုန်းကန်ရမှာကို စိုးရိမ်နေပါတယ်။

"လီယမ် ဒီလက်ပ်မှာ အရည်အချင်းရှိပါတယ်။ အင်းဆွစ်ချ်မှာ သူ ကောင်းကောင်း လုပ်ဆောင်နိုင်ခဲ့တယ်လို့ ထင်ပါတယ်။ ဒါပေမယ့် ဒါဟာ ကြီးမားတဲ့ ခြေလှမ်းတစ်ခုပါ" "သူ့မှာ တောက်ပတဲ့ အနာဂတ်ရှိပြီး ကျွန်တော် သူ့ကို လေးစားပါတယ်။ ဒါပေမယ့် အင်းဆွစ်ချ်ကနေ ချဲလ်ဆီးကို ပြောင်းရွှေ့တာဟာ မျှော်လင့်ချက်နဲ့ ဖိအားတွေနဲ့ ပတ်သက်ရင် ကြီးမားလှပါတယ်။ ချဲလ်ဆီးရဲ့ နံပါတ် ၉ နေရာဟာ ကစားသမား အများအပြားအတွက် ကျိန်စာဆိုးတစ်ခု ဖြစ်ခဲ့ပါတယ်"

"ချဲလ်ဆီးက တစ်ရာသီကို ဂိုး ၂၅ ဂိုးသွင်းပေးနိုင်တဲ့ တိုက်စစ်မှူးမျိုး လိုအပ်ပါတယ်။ ဒီလက်ပ်က အဲဒါကို ပေးနိုင်ပါ့မလား။ ကျွန်တော် မသေချာဘူး"လို့ သူက PokerStrategy သို့ ပြောကြားခဲ့ပါတယ်။ သို့သော် ပီတစ်က အခြားလူငယ်တစ်ဦးဖြစ်တဲ့ အန်ဒရေး ဆန်းတို့စ်ရဲ့ အရည်အချင်းကို များစွာ ပိုမိုယုံကြည်နေပါတဘ်။ လူငယ်ကစားသမားဟာ ပြီးခဲ့တဲ့ရာသီက စထရာ့စ်ဘတ်တွင် အငှားကစားခဲ့စဉ် သူ့ရဲ့နာမည်ဂုဏ်သတင်းကို မြှင့်တင်နိုင်ခဲ့ပါတယ်။

ဘရာဇီးလ်လူငယ်ကစားသမားဟာ မိခင်ကလပ်သို့ ပြန်လာပြီး လာမယ့်ရာသီ အန်ဇို မာရက်စကာရဲ့ ပထမအသင်းတွင် ပါဝင်နိုင်မလားဆိုတာကို စောင့်ကြည့်ရဦးမှာဖြစ်ပြီး ထိုမရေရာမှုက ပြိုင်ဘက်ကလပ်များဖြစ်တဲ့ အာဆင်နယ် အပါအဝင် အခြားကလပ်များကို သတိပြုမိစေခဲ့ပါတယ်။ "အန်ဒရေး ဆန်းတို့စ်က စထရာ့စ်ဘတ်မှာ ကောင်းမွန်တဲ့ ရာသီတစ်ခု ပိုင်ဆိုင်နေပါတယ်။ ဂျော်ဂျီ ပက်ထရိုဗစ် လည်း အလားတူပါပဲ။ သူတို့အသင်းအနေနဲ့ ကောင်းမွန်တဲ့ ရာသီတစ်ခု ပိုင်ဆိုင်နေပြီး ဒါဟာ ကြီးမားတဲ့ အံ့အားသင့်စရာပါ" လို့ ပီတစ်က ပြောကြားခဲ့ပါတယ်။

"ပြီးခဲ့တဲ့ရာသီက ဘရက်စ် ကဲ့သို့ပင် ၎င်းတို့က ချန်ပီယံလိဂ် နေရာအတွက် တိုက်ပွဲဝင်နေကြပြီး ကောင်းမွန်စွာ ကစားခဲ့ကြတာဖြစ်ပါတယ်။ ဆန်းတို့စ်ဟာ ပြီးခဲ့တဲ့ရာသီကထက် များစွာ တိုးတက်လာခဲ့တဲ့ လူငယ်ကစားသမားတစ်ဦးဖြစ်ပြီး ကွင်းထဲတွင် သူလိုချင်တာကို လုပ်ဆောင်နိုင်သူဖြစ်ပါတယ်" "သူဟာ ကွင်းလယ်၊ ကွင်းလယ်ခံစစ် သို့မဟုတ် အခြားနေရာများတွင် ကစားနိုင်ပြီး အရာအားလုံးကို လုပ်ဆောင်နိုင်ပါတယ်။ ဒါ့အပြင် ဂိုးပါသွင်းယူနိုင်ပြီး ဂိုးဖန်တီးနိုင်ကာ အလွန်တော်တဲ့ ကစားသမားဖြစ်ကာ တောက်ပတဲ့ အနာဂတ်ရှိနေပါတယ်"

"သူဟာ မိုဆက်စ် ကိုင်စီဒို၊ အန်ဇို ဖာနန်ဒက်ဇ် တို့နှင့်အတူ ချဲလ်ဆီး ကွင်းလယ်အတွက် အဖြေပေးနိုင်မယ်လို့ ထင်ပါတယ်" "ရိုမီယို လာဗီယာက ကောင်းမွန်တဲ့ ကစားသမားတစ်ဦးဖြစ်သော်လည်း သင်ယူနေဆဲ ဖြစ်ပါတယ်။ ဆန်းတို့စ်က ချဲလ်ဆီးနှင့် ကောင်းစွာ လိုက်ဖက်လိမ့်မယ်လို့ ကျွန်တော်ထင်ပါတယ်" လို့ ပီတစ်က ပြောပါတယ်။