ဂူမာရေးစ်ဟာ နယူးကာဆယ်မှာ ပွဲထွက်ခွင့်ရဖို့ ရက်သတ္တပတ်တွေအများကြီး စောင့်ခဲ့ရပေမဲ့ ၃ပွဲကစားပြီးချိန် စွမ်းဆောင်ရည်ကြောင့် တနင်္ဂနွေည တော့တင်ဟမ်နဲ့ပွဲအတွက် နယူးကာဆယ်လူစာရင်းမှာ ပါဝင်လာဖို့ ရှိနေပါတယ်။ ၂၄နှစ်သားဟာ ဆောက်သမ်တန်ကို ၂-၁ဂိုးနဲ့ နိုင်ခဲ့တဲ့ပွဲမှာ ပွဲချိန်ပြည့်ဝင်ကစားသွားခဲ့ပြီး နောက်ပေါက်နဲ့ သွင်းဂိုး၁ဂိုး သွင်းယူသွားခဲ့ပါတယ်။

ချဲလ်ဆီး၊ အဲဗာတန်တို့ကို ကပ်ရှုံးခဲ့ပေမဲ့ လိုင်ယွန်ကွင်းလယ်လူဟောင်းကတော့ ဘောလုံးကိုင်ထားချိန်တင် မကပဲ off the ballမှာပါ အကောင်းဆုံး လုပ်ပြနိုင်ခဲ့ပါတယ်။ အဲဗာတန်ကို ၁-၀ဂိုးနဲ့ ရှုံးခဲ့ပေမဲ့ ဂူမာရေးစ်ရဲ့ အဆိုပါ  ပွဲစဉ်မှာ ပြသခဲ့တဲ့ ခြေစွမ်းက ရှုံးပွဲနဲ့တော့ မထိုက်တန်ခဲ့ပါဘူး။

နယူးကာဆယ်အသင်း ပွဲကိုစိုးမိုးနိုင်အောင် ကူညီပေးခဲ့တဲ့ပွဲစဉ်အတွင်း ဘောလုံးပေးပို့မှု ၉၇% အောင်မြင်ခဲ့ပြီး ဘောလုံးကိုင်ရာမှာ တည်ငြိမ်မှုနဲ့ ကောင်းမွန်မှုကို ပြသခဲ့ပါတယ်။ ဂူမာရေးစ်ရဲ့ နယူးကာဆယ် full backတွေဖြစ်တဲ့ တားဂတ်နဲ့ ခရက်ဖ်တို့ကို ဘောလုံးပေးပို့ပုံတွေက တော့တင်ဟမ်နဲ့ပွဲမှာ စောင့်ကြည့်ရမယ့်အချက်ပဲ ဖြစ်ပါတယ်။

ယခုနှစ်ရာသီအတွင်း နယူးကာဆယ်ဟာ တန်ပြန်တိုက်စစ်အပေါ် အခြေခံထားတဲ့ ခံစစ်ကစားပုံကို စမ်းသပ်ကစားလျက် ရှိနေပါတယ်။ လွန်ခဲ့တဲ့ ၃ရာသီအတွင်း နယူးကာဆယ်အသင်းဟာ ဘောလုံးပိုင်ဆိုင်မှု ပျမ်းမျှ ၃၈.၆%သာ ရှိခဲ့ပြီး ဂူမာရေးစ်ရောက်လာချိန်မှာတော့ အများကြီး တိုးတက်လာဖို့ ရှိနေပါတယ်။

ဂူမာရေးစ်ရဲ့ ဘောလုံးထိချက်တွေက ကွင်း၂ဖက်လုံးရဲ့ ၁၀ကိုက်နားမှာ ဖြစ်ပြီး ဆောက်သမ်တန်နဲ့ပွဲမှာလို ရှေ့တက်ပြီး ဂိုးသွင်းတာမျိုး ပြုလုပ်နိုင်ခဲ့ပါတယ်။  ဂိုးသွင်းနိုင်မှု နည်းနေသေးပေမဲ့ ဘရာဇီးသားဟာ နယူးကာဆယ်အတွက် မိနစ်၉၀မှာ ပျမ်းမျှကန်ချက် ၃ကြိမ်ထက် ပိုကန်ထားခဲ့ပါတယ်။

အဆိုပါ မှတ်တမ်းကို နယူးကာဆယ်က အခြားကစားသမားတွေ လိုက်မီခြင်း မရှိပဲ ဂူမာရေးစ်ဟာ ခံစစ်ရှေ့မှာ ရပ်နေမယ့် ကွင်းလယ်ခံစစ်ကစားသမား မဟုတ်ဘူးဆိုတာ ပြသနေပါတယ်။ ဂူမာရေးစ်ရဲ့ လှုပ်အားနှုန်းနဲ့ ဇွဲကောင်းမှုတို့က နယူးကာဆယ်မှာ မပါဝင်ရသေးခင်ကတည်းက မြင်တွေ့ခဲ့ရပြီး အသင်းအတွက် ပုံမှန် ဘောလုံးဆယ်ပေးမယ့် ကစားသမား၁ဦး ဖြစ်နေခဲ့ပါတယ်။

ဂူမာရေးစ်ရဲ့ နည်းစနစ်ပိုင်း အရည်အချင်းတွေကြောင့် နယူးကာဆယ်အသင်းအပေါ် သက်ရောက်မှု ရှိခဲ့တာတွေ ကနဦး မြင်တွေ့ခဲ့ရပါတယ်။ ကွင်းလယ်ဆင်းကစားပြီး ခြေစွမ်းပြနေတဲ့ နိုင်ငံတူအသင်းဖော် ဂျိူလင်တန်နဲ့အတူ ခြေစွမ်းကောင်းတွေကြောင့် တော့တင်ဟမ်နဲ့ပွဲအတွင်း ကွင်းလယ်ပိုင်းအားပြိုင်မှုမှာ လုံလောက်တဲ့ စွမ်းဆောင်ရည် ပြသနိုင်မလား စောင့်ကြည့်သွားရမှာ ဖြစ်ပါတယ်။