ချဲလ်ဆီးနည်းပြ အန်ဇိုမာရက်စ်ကာက မနေ့ညက ကစားခဲ့တဲ့  ကွန်ဖရင့်လိဂ် ကွာတားဖိုင်နယ် ဒုတိယအကျော့ပွဲစဉ်မှာ လီဂီယာဝါဆောအသင်းကို ၂-၁ ဂိုးနဲ့ ရှုံးနိမ့်ခဲ့တဲ့အပေါ် သူ့ရဲ့ စိတ်မကျေနပ်မှုကို ဝန်ခံခဲ့ပေမယ့် ဆီမီးဖိုင်နယ် တက်ရောက်ရေးနဲ့ ထိခိုက်ဒဏ်ရာရမှု ရှောင်ရှားရေးဆိုတဲ့ အဓိကပန်းတိုင်တွေကို အရောက်လှမ်းနိုင်ခဲ့ကြောင်း သူက အလေးအနက် ပြောကြားခဲ့ပါတယ်။

စတန်းဖို့ဒ်ဘရစ်ချ်မှာ ရှုံးနိမ့်ခဲ့ပေမယ့် ချဲလ်ဆီးအသင်းဟာ ပိုလန်ကလပ်ကို နှစ်ကျော့ပေါင်း ၄-၂ ဂိုးနဲ့ အနိုင်ရပြီး ဆီမီးဖိုင်နယ်ကို တက်ရောက်နိုင်ခဲ့ကာ ဒီရာသီ ပြိုင်ပွဲမှာ သူတို့ရဲ့ ရှုံးပွဲမရှိ မှတ်တမ်းကို တက်ခဲ့ပါတယ်။ အခုတော့ ဆီမီးဖိုင်နယ်မှာ ဆွီဒင်ကလပ် ဂျူဂါဒန်းအသင်းနဲ့ ရင်ဆိုင်ရပါတော့မယ်။ ပွဲအပြီးမှာ မာရက်စ်ကာက "ရှုံးနိမ့်မှုကြောင့်တော့ ကျွန်တော်တို့ ကျိန်းသေ စိတ်မပျော်ပါဘူး။ ဖြစ်နိုင်တာကတော့ ပထမအကျော့ ရလဒ်ပြီးနောက်မှာ ရလဒ်ကို နည်းနည်း စီမံခန့်ခွဲဖို့၊ ကစားသမားတွေကို အလှည့်ကျ ထုတ်သုံးဖို့၊ ထိခိုက်ဒဏ်ရာရမှု ရှောင်ရှားဖို့ ကြိုးစားခဲ့တာပါ၊ ဘာလို့လဲဆိုတော့ ကျွန်တော်တို့ တနင်္ဂနွေနေ့မှာ အရေးကြီးတဲ့ ပွဲတစ်ပွဲ ရှိပါတယ်" လို့ ရှင်းပြခဲ့ပါတယ်။ ဒုတိယအကျော့အတွက် အဓိက ဦးစားပေးကတော့ အသင်းသားတွေရဲ့ ကြံ့ခိုင်မှုကို ထိန်းသိမ်းဖို့ ဖြစ်တယ်လို့ မာရက်စ်ကာက အလေးထား ပြောကြားခဲ့ပါတယ်။ 

"ကျိန်းသေပါတယ်၊ ရလဒ်ကြောင့် ကျွန်တော်တို့ စိတ်မကျေနပ်ပါဘူး။ ကျွန်တော်တို့က ဆီမီးဖိုင်နယ်ကို ရောက်နေပါပြီ၊ ပထမအကျော့ရလဒ်ပြီးနောက်မှာ စီမံခန့်ခွဲဖို့ ကြိုးစားနေခဲ့တာပါ။ အချုပ်အားဖြင့် ပြောရရင် ကောင်းတဲ့အချက်ကတော့ ကျွန်တော်တို့ ကစားသမားတွေကို အလှည့်ကျ ထုတ်သုံးနိုင်ခဲ့ပြီး ထိခိုက်ဒဏ်ရာရသူ မရှိတာပါပဲ။ ဒါက အဓိက ပန်းတိုင်ဖြစ်ပါတယ်၊ ဘာလို့လဲဆိုတော့ ဒီရာသီအတွင်း အရေးကြီးတဲ့ အချိန်တွေမှာ ကျွန်တော်တို့ ဒဏ်ရာရသူ များခဲ့ပါတယ်။ အခုက အရေးကြီးတဲ့ အချိန်ပါ၊ သတင်းကောင်းကတော့ ကျွန်တော်တို့မှာ ဒဏ်ရာရသူ မရှိပါဘူး"  လို့ မာရက်စ်ကာက ဆိုပါတယ်။ 

မာရက်စ်ကာက လူစာရင်းမှာ ပါဝင်ခဲ့တဲ့ ကစားသမား နည်းနည်းထဲက ပါဝင်တဲ့ နီကိုးလပ်စ်ဂျက်ဆန်နဲ့ ကိုးလ်ပယ်လ်မာ တို့ကို ဘာကြောင့် ပွဲထုတ်ခဲ့လဲဆိုတဲ့ သူ့ရဲ့ ဆုံးဖြတ်ချက်ကိုလည်း အသေးစိတ် ရှင်းပြခဲ့ပါတယ်။  မာရက်စ်ကာ"နီကို (ဂျက်ဆန်) အတွက်ကတော့ သူက နှစ်လကျော်လောက် ကစားမရ ဖြစ်နေခဲ့တာပါ၊ ဒါကြောင့် သူ့ကို ကစားစေချင်တဲ့ရည်ရွယ်ချက်က သူ့ရဲ့ ကိုယ်ပိုင်းဆိုင်ရာ ကြံ့ခိုင်မှု အခြေအနေကို တဖြည်းဖြည်း မြှင့်တင်ဖို့ပါ။ အစီအစဉ်က ၄၅ မိနစ်ပါ။ ကိုးလ် (ပယ်လ်မာ) အတွက်ကတော့ နိုင်ငံတကာပွဲများ ရပ်နားချိန်မတိုင်မီ သူ့မှာ နည်းနည်းလေး ပြဿနာ ရှိခဲ့ပါတယ်၊ ဒါကြောင့် သူ့အတွက် အစီအစဉ်က ၄၅ မိနစ် ဒါမှမဟုတ် တစ်နာရီ သုံးဖို့ပါ။

 ရည်ရွယ်ချက်ကတော့ သူတို့ရဲ့ ပွဲကစားနှုန်းကို မြှင့်တင်ဖို့နဲ့ တနင်္ဂနွေနေ့ပွဲအတွက် ပိုပြီး ကောင်းမွန်အောင် လုပ်ဖို့ပါ" လို့ ဆိုပါတယ်။ ချဲလ်ဆီးအသင်းဟာ ကွန်ဖရင့်လိဂ် ဆီမီးဖိုင်နယ်မှာ ဂျူဂါဒန်းအသင်းနဲ့ ရင်ဆိုင်ဖို့ ပြင်ဆင်မှုမတိုင်ခင် ပရီးမီးယားလိဂ်ပွဲစဉ်တွေတောက်လျှောက်ကစားရပါတော့မယ်။