ဘရာဇီး လက်ရွေးစင် တိုက်စစ်မှူး ဂျိုအာအို ပက်ဒရို ဟာ ပြီးခဲ့တဲ့နွေရာသီက ချဲလ်ဆီးအသင်းကို မပြောင်းရွှေ့ခင် ဘရိုက်တန် အသင်းမှာ သူ့ရဲ့ ဂုဏ်သတင်းကို မြှင့်တင်ပေးနိုင်ခဲ့တဲ့ ၂ ရာသီတာကာလ ဖြတ်သန်းခဲ့ပါတယ်။ ပက်ဒရို ဟာ နည်းပြ အန်ဇို မာရက်စ်ကာ လက်အောက်မှာ ချက်ချင်းဆိုသလို ချဲလ်ဆီး အသင်းရဲ့ ကမ္ဘာ့ကလပ်ဖလားပွဲစဉ်မှာ အဓိကအခန်းကဏ္ဍကနေ ပါဝင်ခဲ့ပြီး အထင်ကြီးစရာ ခြေစွမ်းပြသခဲ့ပါတယ်။

အသက် ၂၄ နှစ်အရွယ် တိုက်စစ်မှူးဟာ လီယမ် ဒီလပ် ရဲ့ ဒဏ်ရာကြောင့် တစ်စိတ်တစ်ပိုင်းအားဖြင့် ချဲလ်ဆီးအသင်းရဲ့ ပထမဦးစားပေး တိုက်စစ်မှူးအဖြစ် ရပ်တည်နိုင်ခဲ့ပြီး မနက်ဖြန်မှာ သူ့ရဲ့ ကလပ်အသင်းဟောင်းနဲ့ ရင်ဆိုင်ရပါတော့မယ်။ ဘရိုက်တန်နည်းပြ ဟာဇယ်လာ ကတော့ သူတို့ရဲ့ ကစားသမားဟောင်းရဲ့ လွှမ်းမိုးမှုကို ထိန်းချုပ်ဖို့ ခက်ခဲတဲ့ စိန်ခေါ်မှုနဲ့ ရင်ဆိုင်ရလိမ့်မယ်လို့ ဝန်ခံခဲ့ပါတယ်။ ဒါပေမဲ့ သူတို့ရဲ့ နောက်ခံလူတွေက ဒီတာဝန်ကို ထမ်းဆောင်နိုင်မယ်လို့ ယုံကြည်နေပါတယ်။

ဟာဇယ်လာ က “ဂျိုအာအို ဟာ ကျွန်တော်တို့အတွက် အထူးခြားဆုံး ကစားသမားတစ်ဦးပါပဲ။ သူ့ရဲ့နေရာကို တစ်ဦးချင်း အစားထိုးဖို့ မလွယ်ပါဘူး။ ဒါပေမဲ့ ကျွန်တော်တို့ အသင်းလိုက် လုပ်နိုင်ခဲ့ပြီး ကောင်းကောင်းလုပ်နိုင်ခဲ့ပါတယ်” “ဒါက အမြဲတမ်း လုပ်ငန်းစဉ်တစ်ခုပါပဲ။ ကစားသမားသစ်တွေ ဝင်လာရပါမယ်၊ ကြီးမားတဲ့ အလားအလာရှိတဲ့ လူငယ်ကစားသမားသစ်တွေ ဝင်လာရပါမယ်”

“သူတို့ ဒါအတွက် အသင့်ရှိနေတယ်ဆိုတာကို အပတ်စဉ် သက်သေပြရပါမယ်။ ဒါပေမဲ့ သူတို့ အချိန် လိုအပ်ပါတယ်” “ဒုတိယအချက်ကတော့ ရှင်းနေတာပါပဲ၊ ဂျိုအာအို ဟာ အထူးခြားဆုံး ကစားသမားတစ်ဦးပါ။ သူ ချဲလ်ဆီးမှာ အစောပိုင်းပွဲစဉ်တွေမှာပဲ ဒါကို သက်သေပြခဲ့ပါတယ်” “သူ ကောင်းကောင်းကစားခဲ့ပါတယ်။ သူ ဂိုးတွေသွင်းခဲ့ပါတယ်။ သူက နေရာယူတဲ့နေရာမှာ အရမ်းကောင်းပါတယ်။ သူက ချဲလ်ဆီးအတွက် ပွဲပြောင်းလဲပေးနိုင်သူ ပါ။ ကျွန်တော်တို့ အသင်းလိုက်၊ အစုအဖွဲ့လိုက် ကာကွယ်ရပါမယ်။ ကျွန်တော်တို့ ဒါကို လုပ်နိုင်စွမ်းရှိမယ်လို့ ယုံကြည်ပါတယ်” လို့ ဟာဇယ်လာက ဆိုပါတယ်။

ပြီးခဲ့တဲ့ရက်သတ္တပတ်အကုန်က ယူနိုက်တက် ကို ရှုံးနိမ့်ခဲ့တဲ့ပွဲစဉ်မှာ ကိုးလ် ပါလ်မာ ကို ကြိုတင်ကာကွယ်မှုအနေနဲ့ လူစားလဲခဲ့လို့ ပါလ်မာ ကစားနိုင်မလားဆိုတာကိုတော့ စောင့်ကြည့်ရဦးမှာ ဖြစ်ပါတယ်။ပါလ်မာ မပါဝင်တဲ့ ချဲလ်ဆီး အသင်းကို ရင်ဆိုင်ရမယ့်အကြောင်း မေးမြန်းခဲ့ရာမှာ ဘရိုက်တန်နည်းပြက “ပထမဆုံးအနေနဲ့ သူ ကစားမလား မကစားဘူးလားဆိုတာကို ကျွန်တော်တို့ လွှမ်းမိုးလို့ မရပါဘူး။ ကျွန်တော်တို့ရဲ့ ကစားပွဲနဲ့ ကစားချင်တဲ့ ပုံစံအပေါ် အာရုံစိုက်ဖို့ အရေးကြီးပါတယ်”

“သူ ပွဲထွက်ကစားခဲ့ရင် သူက ချဲလ်ဆီးအတွက် ပွဲအဖြေကို ပြောင်းလဲပေးနိုင်သူပါ။ သူက အကောင်းဆုံး ပရီးမီးယားလိဂ် ကစားသမားတွေထဲက တစ်ဦးပါပဲ။ သူ့မှာ ထူးခြားတဲ့ ဘယ်ခြေရှိပါတယ်။ သူက လုပ်ဆောင်မှု တစ်ခုတည်းနဲ့ ပွဲကို ဆုံးဖြတ်နိုင်ပါတယ်” “ဒါက အသင်းလိုက်၊ အစုအဖွဲ့လိုက် ကာကွယ်ဖို့နဲ့ ပတ်သက်ပါတယ်၊ ဒါပေမဲ့ ဒါက ကာကွယ်ရုံသက်သက် မဟုတ်ပါဘူး၊ ကျွန်တော်တို့ရဲ့ ကစားဟန်ကိုလည်း ကစားဖို့ပါပဲ။ သင် ကာကွယ်ဖို့အတွက်ပဲ အဲဒီကို သွားခဲ့ရင် သင် အခွင့်အရေးရမှာ မဟုတ်ပါဘူး” လို့ ဟာဇယ်လာက ပြောကြားခဲ့ပါတယ်။