ဘရာဇီးတောင်ပံကစားသမား ရာဖင်ဟာက ကမ္ဘာ့ဖလားခြေစစ်ပွဲအဖြစ် အာဂျင်တီးနားနဲ့ပွဲမတိုင်ခင် ပြိုင်ဘက်ကို မက်ဆေ့ချ်ပေးပို့လိုက်ပါတယ်။ ဘရာဇီးအသင်းအတွက် အာဂျင်တီးနားနဲ့ပွဲက အနိုင်ကန်ဖို့ လိုအပ်နေတာဖြစ်ပြီး ပြီးခဲ့တဲ့အပတ်တုန်းက ကိုလံဘီယာကို ကိုပါအမေရိကဖလားပြိုင်ပွဲမှာ ၂-၁ နဲ့ အနိုင်ကန်နိုင်ခဲ့ပါတယ်။

အဆိုပါပွဲမှာ ဗင်နီဆီးယက်စ် နဲ့ ရာဖင်ဟာတို့က ဂိုးတွေသွင်းယူနိုင်ခဲ့ပါတယ်။အာဂျင်တီးနားနဲ့ပွဲမတိုင်ခင် ဘာစီလိုနာစတားက အသင်းဖော်တွေကို စိတ်အားထက်သန်အောင် လုပ်ဆောင်ခဲ့တာဖြစ်ပါတယ်။ ဘရာဇီးဂန္ထဝင် ရိုမာရီယိုနဲ့အင်တာဗျူးမှာ ရာဖင်ဟာက “ကျွန်တော်တို့ အာဂျင်တီးနားအသင်းနဲ့ကန်ရပါမယ်။ ကြီးမားတဲ့ပြိုင်ဘက်ပါ။ အခုတော့ ဘုရားသခင်ကို ကျေးဇူးတင်ရပါမယ်။ မက်ဆီမပါဝင်နိုင်ပါဘူး။

ကျွန်တော်တို့ သူတို့ကိုအနိုင်ကန်နိုင်မှာလား?။ ကျွန်တော်တို့ သူတို့ကိုအနိုင်ကန်သွားမှာပါ။ ဘာသံသယမှမရှိပါဘူး။ ကွင်းတွင်းကော ကွင်းပြင်ပမှာပါ ကျွန်တော်တို့အနိုင်ကန်မှာပါ။ ရိုမာရီယိုက အာဂျင်တီးနားနဲ့ပွဲမှာ ဂိုးသွင်းမှာလားဆိုတဲ့မေးမြန်းမှုအပေါ် ရာဖင်ဟာက “ဟုတ်ပါတယ်။ အရာအားလုံးပါ”လို့ ရာဖင်ဟာက ပြောကြားခဲ့ပါတယ်။

မက်ဆီဟာ ကြွက်သားဒဏ်ရာကြောင့် အာဂျင်တီးနားအသင်းမှာ မပါဝင်လာခဲ့ပဲ ဥရုဂွေးနဲ့ပွဲမှာ မက်ဆီတစ်ယောက်မပါဝင်နိုင်ခဲ့ပေမယ့် အာဂျင်တီးနားအသင်းက အယ်လ်မာဒါရဲ့တစ်လုံးတည်းသောဂိုးနဲ့အနိုင်ရရှိခဲ့ပါတယ်။ အင်္ဂါနေ့မှာ ရာဖင်ဟာတစ်ယောက် နိုင်ငံအသင်းအတွက် ပါဝင်ကစားပေးခဲ့ပြီးနောက် ဘာစီလိုနာဟာ လာမယ့်ကြာသပတေးနေ့မှာ အိုဆာဆူနာနဲ့ကန်ရမှာဖြစ်ပါတယ်။