လီဗာပူးမှာ ဂျာဂျင်ကလော့ပ်ရဲ့ အမွေအနှစ်ဟာ ရေးထိုးထားပြီးသား ဖြစ်နိုင်ပေမယ့် ဟာဗေး အယ်လီယော့က သူ့မန်နေဂျာဟောင်းရဲ့ အန်ဖီးလ်မှာ သက်ရောက်မှုဟာ ရုပ်တုနဲ့ အမှတ်တရဖြစ်ထိုက်တယ်လို့ ယုံကြည်နေပါတယ်။ ကလော့ပ်ဟာ ပြီးခဲ့တဲ့ နွေရာသီမှာ လီဗာပူးမန်နေဂျာအဖြစ်ကနေ နှုတ်ထွက်ခဲ့ပြီး ပရီးမီးယားလိဂ်နဲ့ ဥရောပဖလားအပါအဝင် အဓိကဆုဖလား ၇ ခုကို ရရှိခဲ့တဲ့ ၉ နှစ်ကြာ နည်းပြသက်တမ်းကို အဆုံးသတ်ခဲ့ပါတယ်။

အယ်လီယော့ဟာ ၂၀၁၉ ခုနှစ် အသက် ၁၆ နှစ်အရွယ်မှာ ဖူလ်ဟမ်ကနေ လီဗာပူးသို့ ရောက်လာခဲ့တာဖြစ်ပြီး ဒီရာသီမှာ အာနီစလော့ ရောက်ရှိလာတဲ့အထိ ကော့ပ် မန်နေဂျာ တစ်ဦးတည်းကိုသာ သိခဲ့ပါတယ်။ ဒါကြောင့် တောင်ပံကစားသမားဟာ သူ့ရဲ့ အကြံပေးသူက အဲ့ဒီရာသီအကုန်မှာ ကလပ်ကနေ ထွက်ခွာတော့မယ်လို့ ကြေညာခဲ့တဲ့ အစည်းအဝေးအတွက် အသင်းက မမျှော်လင့်ဘဲ ခေါ်ယူခဲ့တဲ့အချိန်မှာ နားလည်နိုင်လောက်တဲ့ ခံစားချက်တွေနဲ့ ပြည့်နှက်နေခဲ့ပါတယ်။

"အဲဒါဟာ တကယ်ထူးဆန်းတဲ့ အခြေအနေတစ်ခုပါ" 
"ဂျာဂျင်ဟာ ပွဲအပြီးမှာ အစည်းအဝေးတွေ လုပ်လေ့ရှိသူ မဟုတ်ပါဘူး။ ကောင်လေးတွေအားလုံးက ဘာတွေ ဖြစ်နေတာလဲ လို့ ပြောနေကြပါတယ်၊ ဘာလို့လဲဆိုတော့ အဲဒါမျိုး ဘယ်တုန်းကမှ မဖြစ်ဖူးလို့ပါ"
"သူဝင်လာတဲ့အချိန်မှာ တစ်ခုခုမှားနေတယ်ဆိုတာနဲ့ သူတစ်ခုခု ပြောတော့မယ်ဆိုတာကို သိနေပါပြီ ဘာလို့လဲဆိုတော့ သူက ပုံမှန်အားဖြင့် ရွှင်ရွှင်ပြုံးပြုံးနဲ့ နောက်ပြောင်နေတတ်လို့ပါ။ အဲဒီအချိန်မှာ သူက ကျွန်တော်တို့ကို ပြောပြခဲ့ပါတယ်"

"အဲဒီနေ့က တကယ်ထူးဆန်းပါတယ်။ တစ်ယောက်ယောက်ကို ဆုံးရှုံးလိုက်ရသလိုမျိုး ခံစားရပါတယ်။ သတင်းကို ဘယ်လိုယူရမလဲဆိုတာ မသိခဲ့ကြလို့ အဆောက်အဦးတစ်ခုလုံး တိတ်ဆိတ်နေသလိုမျိုး ခံစားရပါတယ်"
"သူထွက်ခွာတဲ့အထိ သူထွက်ခွာတော့မယ်ဆိုတဲ့ အချက်ကို ခေါင်းထဲထည့်ဖို့ ကြိုးစားနေရတာက ထူးဆန်းပါတယ်" လို့ အယ်လီယော့က Amazon Prime video ကို ပြောကြားခဲ့ပါတယ်။

ဒီရာသီအစမှာ လီဗာပူး မန်နေဂျာအဖြစ် တာဝန်ယူချိန်မှာ စလော့ဟာ ကလပ်ရဲ့ဂန္တဝင်တစ်ဦးရဲ့နေရာကို ဆက်ခံရတဲ့ ကြောက်စရာကောင်းတဲ့ တာဝန်ကို ပေးအပ်ခံခဲ့ရပါတယ်။ ဒါပေမယ့် နယ်သာလန်နိုင်ငံသား မြေပြင်ကို ပြေးဝင်ခဲ့ပြီး သူ့အသင်းဟာ ပရီးမီးယားလိဂ်ဖလားကို ရယူဖို့ နီးကပ်နေပြီဖြစ်ကာ ဒုတိယနေရာက အာဆင်နယ်ကို ၁၂ မှတ်အသာနဲ့ ဦးဆောင်ထားပါတယ်။
စလော့ဟာ သူ့ရဲ့ ရှေ့ကနည်းပြဟောင်းနဲ့ အဆက်အသွယ်ရှိနေဆဲဖြစ်ပြီး သူတို့နှစ်ဦးဟာ ပွဲအပြီးမှာ ဖုန်းနဲ့ တစ်ခါတရံ ပြောဆိုခဲ့ကြပါတယ်။ အခုလို သူ့အား ဒီလောက်ကောင်းတဲ့ အသင်းကို ပေးခဲ့တဲ့အတွက် ကလော့ပ်ကို ဂုဏ်ပြုခဲ့ပါတယ်။

အယ်လီယော့ကလည်း ဒီရာသီရဲ့ အောင်မြင်မှုအတွက် အခြေခံအုတ်မြစ်ကို ကလော့ပ်က ချပေးခဲ့တယ်လို့ ယုံကြည်ပြီး ဂျာမန်သားရဲ့ ကလပ်အတွက် ပါဝင်ပံ့ပိုးမှုဟာ ရုပ်တုနဲ့ အမှတ်အသားပြုထိုက်တယ်လို့ ယုံကြည်ပါတယ်။ "ကစားသမားတွေ၊ ပရိသတ်တွေ၊ ဒီအဆောက်အဦးထဲက လူတိုင်းနဲ့ ကမ္ဘာတစ်ဝှမ်းက လူတိုင်းဟာ စည်းလုံးညီညွတ်စွာ ခံစားကြရပြီး အဲဒါဟာ သူ့ကြောင့်လို့ ကျွန်တော်ထင်ပါတယ်"

"သူ့ရဲ့ ရုပ်တု မရှိသေးတာကို ကျွန်တော် အံ့အားသင့်မိပါတယ်။ သူဝင်လာပြီး အသင်းကို တည်ဆောက်ခဲ့ပါတယ်။ သူဟာ အရာများစွာကို ရရှိခဲ့ပြီး ထာဝရ ရှင်သန်မယ့် အမွေအနှစ်တစ်ခု ရှိပါတယ်။ ကျွန်တော် သေသွားပြီးရင်တောင် ဆက်လက်ဖြစ်တည်နေမှာပါ"
"ဒီအသင်းအတွက် သူလုပ်ဆောင်ခဲ့တာတွေအတွက် သူဟာ ထိုက်တန်ပါတယ်။ မိသားစုတစ်စုလို ဖြစ်စေခဲ့ပါတယ်။ လူတစ်ယောက်အနေနဲ့ သူဖြစ်တည်ပုံ၊ သူ့ဆီကို ရောက်လာတဲ့ အရာအားလုံးကို သူကိုင်တွယ်ပုံတွေအတွက်ပါ။ သူဟာ ကျွန်တော့်မျက်စိထဲမှာ ဂန္တဝင်တစ်ဦးဖြစ်ပြီး ဒီကလပ်မှာ ထာဝရရှိနေမှာပါ" လို့ အယ်လီယော့က ပြောကြားခဲ့ပါတယ်။