ဘော်လွန်းဒီအော်ဆု ရရှိဖို့ဟာ သူ့ရဲ့ ဆန္ဒ ဖြစ်တယ်လို့ ချဲလ်ဆီးအသင်းတိုက်စစ်မှူး ကိုးလ်ပယ်လ်မာက ပြောလိုက်ပါတယ်။ ပယ်လ်မာဟာ ၂၀၂၄ ခုနှစ်အတွက် ကမ္ဘာ့အကောင်းဆုံး ကစားသမားဆုအတွက်ပြိုင်ပွဲတွင် အဆင့် ၂၅ တွင် ရပ်တည်ခဲ့ပြီး မန်စီးတီးမှ ရိုဒရီက အဆိုပါဆုကို ဆွတ်ခူးနိုင်ခဲ့ပါတယ်။

အသက် ၂၂ နှစ်အရွယ်ကစားသမားဟာ ၂၀၂၄ နွေရာသီတွင် စတန်းဖို့ဒ်ဘရစ်ချ်သို့ပြောင်းရွှေ့လာကတည်းက ပရီးမီးယားလိဂ်မှာ ခြေစွမ်းပြသနေပြီး တစ်ဦးချင်းဆုတွေရရှိဖို့ မျက်စီကျနေတာဖြစ်ပါတယ်။ "ဘော်လွန်းဒီအော်ဆိုတာကို လူတိုင်းရချင်ပါတယ်။ ကျွန်တော်လည်း အဲ့ဒီအတိုင်းပါပဲ" လို့ Men In Blazers ပေါ့တ်ကာစ်တွင် ပြောကြားခဲ့ပါတယ်။

ပယ်လ်မာဟာ နည်းပြအန်ဇိုမာရက်စကာလက်အောက်တွင် ချဲလ်ဆီးအသင်းကို အကောင်းဆုံးစတင်နိုင်စေရန် ကူညီပေးခဲ့ပြီး လီဗာပူးရဲ့နောက် ၇ မှတ်အကွာ ဒုတိယနေရာတွင် အသင်းက ရပ်တည်လျက်ရှိပါတယ်။ အင်္ဂလန်လက်ရွေးစင်ကစားသမားက ထိပ်ဆုံး ၄ သင်းအတွင်း ဝင်ရောက်ပြီး ဆုဖလားရယူနိုင်ခြင်းက ကောင်းမွန်တဲ့ရာသီဖြစ်မယ်လို့ ပြောကြားခဲ့ပါတယ်။

သူက "ချန်ပီယံလိဂ်ဝင်ခွင့်က အောင်မြင်မှုဖြစ်ပြီး ဆုဖလားတစ်လုံးရဖို့ မျှော်လင့်ပါတယ်" လို့ ပြောထားပါတယ်။ ဝန်ထမ်းတွေက သူ့ကို ဓာတ်ပုံရိုက်ခိုင်းတဲ့ McDonald's Drive-Thru မှာ နေရာတိုင်းရဲ့ အသိအမှတ်ပြုခံရတာကြောင့် ချဲလ်ဆီး၊ အင်္ဂလန်တို့နဲ့ အတူ ရိုက်ကွင်းပေါ်ရောက်လာကတည်းက ပယ်လ်မာရဲ့ ဘဝဟာ ပြောင်းလဲသွားပါတယ်။

သာမန်ဘဝနဲ့ပတ်သတ်ပြီး သူလွမ်းဆွတ်ဆုံးအရာက သူ့သူငယ်ချင်းတွေနဲ့ ဘောလုံးကစားဖို့ အခွင့်အရေးပဲလို့ သူကပြောပါတယ်။ "ဟုတ်ပါတယ်။ ကျွန်တော့်ဘဝက အကြီးအကျယ် ပြောင်းလဲသွားတာပါ။ စိတ်အနှောင့်အယှက်ဖြစ်မှာစိုးလို့ အေးအေးဆေးဆေး နေချင်ရုံနဲ့ အနှောင့်အယှက်ဖြစ်မှာ မဟုတ်ပါဘူး"
"ဆိုင်တစ်ဆိုင်ကို သွားတဲ့အခါ တစ်ယောက်ယောက်က ကျွန်တော့်ကို စောင့်ကြည့်နေတယ် ဒါမှမဟုတ် တစ်ခုခုလို့ ထင်ကောင်းထင်နိုင်ပါတယ်"

"တစ်ဖက်ငါးယောက် ကစားရတဲ့ပွဲကို ကျွန်တော် လွမ်းမိပါတယ်။ ဟုတ်ပါတယ်။ သူငယ်ချင်းတွေနဲ့အတူ အဲ့ဒီလိုမျိုးသွားကစားချင်ပါတယ်" လို့ ပယ်လ်မာက ပြောပါတယ်။