ချဲလ်ဆီးအသင်းစတား ဟောက ကွန်းဖရန့်လိဂ်ကွာတားဖိုင်နယ်ကိုတက်ရာက်နိုင်ခဲ့ပြီးနောက် ဗိုလ်စွဲဖို့ ရေပန်းမစားဘူးဆိုတဲ့ ယူဆချက်တွေဟာ ရူးနေတာလို့ ပြောကြားလိုက်ပါတယ်။
ချဲလ်ဆီးအသင်းဟာ ကိုဗင်ဟေဂင်ကို ဟောရဲ့တစ်လုံးတည်းသောဂိုးနဲ့အနိုင်ရပြီးနောက် ၃-၁ နဲ့ ကွာတားဖိုင်နယ်ကို တက်ရောက်နိုင်ခဲ့ပါတယ်။

မာရက်စ်ကာက စီနီယာကစားသမားအချို့ကို အနားပေးခဲ့ပြီး အသက် ၁၇ နှစ်သား ဂျန်နက်ဆစ်ကို ပွဲဦးထွက်အဖြစ် ထည့်သွင်းလာခဲ့ပါတယ်။ ချဲလ်ဆီးအသင်းဟာ လက်ရှိကွန်းဖရန့်လိဂ်မှာဗိုလ်စွဲဖို့ ရေပန်းအစားဆုံးဖြစ်နေပါတယ်။ ပွဲအပြီးအင်တာဗျူးမှာ ဟောက အရှိတရားကို လျစ်လျူရှုလို့မရကြောင်း ပြောကြားလိုက်ပါတယ်။ “ချဲလ်ဆီးက ချန်ပီယံလိဂ် ၊ ယူရိုပါလိဂ်ကိုလည်း ရယူနိုင်ပါတယ်။ တကယ်လို့ အဲ့ဖလားတွေမရယူနိုင်ဘူးပြေတယ်ဆိုရင် အဲ့တာက ရူးနေလို့ဖြစ်ပါလိမ့်မယ်။

ကျွန်တော်တို့မှာ အရည်အချင်းကောင်းတွေရှိနေသလို လူအင်အားလည်းရှိပါတယ်။ ကိုဗင်ဟေဂင်က အသင်းကောင်းတစ်သင်းပါ။ ဒါပေမယ့် ကျွန်တော်တို့ ဖြတ်ကျော်နိုင်ခဲ့ပါတယ်”လို့ ဟောက ဖြေကြားခဲ့ပါတယ်။ ဟောတစ်ယောက် ဒုတိယအကျော့မှာ အခွင့်အရေး ၃ ကြိမ်ဖန်တီးနိုင်ခဲ့ပြီး ကိုင်စီဒိုက ၁၇ ကြိမ်အထိ ပြိုင်ဘက်ဧရိယာထဲပို့ပေးနိုင်ခဲ့ကာ ဟောက ၁၂ ကြိမ်အထိ ဖန်တီးပေးနိုင်ခဲ့ပါတယ်။

“ပထမအကျော့မှာ ကျွန်တော်တို့အနိုင်ကန်ခဲ့တာကြောင့် ကွာတားဖိုင်နယ်ကို လွယ်လွယ်ကူကူတက်ရောက်နိုင်တာပါ။ ကျွန်တော် နေရာလွတ်တွေကို မြင်ခဲ့ပြီး အသုံးချနိုင်ခဲ့ပါတယ်။
ကျွန်တော်အဲ့နေရာကို လျင်လျင်မြန်မြန်ဝင်ပြီး အသုံးချခဲ့ပါတယ်။ လေ့ကျင့်ခန်းအစီအစဉ်အပြီးမှာ ကျွန်တော်အသုံးချနိုင်ခဲ့ပါတယ်။ အခုပွဲထဲမှာ အသုံးပြုနိုင်လို့ ပျော်ရွှင်မိပါတယ်”လို့ ဟောက ထပ်လောင်းပြောကြားခဲ့ပါတယ်။