ဘိုင်ယန်မြူးနစ်ကြယ်ပွင့် ဟယ်ရီ ကိန်းကတော့ သူ့ရဲ့ကစားသမားဘဝမှာ ခြေစွမ်းအကောင်းဆုံးဖြစ်နေကြောင်းနဲ့ ဘယ်တုန်းကမှ ဒီလိုမျိုးမခံစားခဲ့ရဘူးလို့ ဝန်ခံလိုက်ပါတယ်။ ဒီလိုပြောရတဲ့အကြောင်းရင်းကတော့ အင်္ဂလန်လက်ရွေးစင်တိုက်စစ်မှူးအတွက် ၂၀၂၅-၂၆ ရာသီအစမှာ ဂိုးတွေ အများအပြားသွင်းယူနေလို့ပါပဲ။ ချန်ပီယံလိဂ်ပြိုင်ပွဲမှာ ချဲလ်ဆီးအသင်းကို နှစ်ဂိုးသွင်းယူခဲ့ပြီးနောက် သူ့ရဲ့သွင်းဂိုးအရေအတွက်ဟာ ဆယ်ဂဏာန်းအထိ ရောက်ရှိလာခဲ့ပါတယ်။

ကိန်းဟာ ဒီရာသီမှာ ဘွန်ဒက်စ်လီဂါရာသီအဖွင့်ပွဲစဉ်မှာ အာရ်ဘီ လိုက်ပ်ဇစ်အသင်းကို ဟက်ထရစ်သွင်းယူနိုင်ခဲ့ပြီး အခြား ၃ ပွဲမှာလည်း နှစ်ဂိုးစီ သွင်းယူနိုင်ခဲ့ပါတယ်။ သူဟာ ပြိုင်ပွဲစုံ ၆ ပွဲကနေတစ်ဆင့် သွင်းဂိုး ၁၀ ဂိုးအထိ ရရှိထားပါတယ်။

အသက် ၃၂ နှစ်အရွယ် တိုက်စစ်မှူးဟာ ၂၀၂၆ ကမ္ဘာ့ဖလားခြေစစ်ပွဲမှာ ဆားဘီးယားဘက်သို့ အင်္ဂလန်အတွက် သွင်းဂိုး ၇၄ ဂိုးမြောက်အထိ သွင်းယူပေးနိုင်ခဲ့ပါတယ်။ တော့တင်ဟမ်တိုက်စစ်မှူးဟောင်း ကိန်းကတော့ အခုအချိန်မှာ ယုံကြည်မှုတွေ အပြည့်ရှိနေပါတယ်။

အလိုင်းယန့်စ်ကွင်းမှာ ပရီးမီးယားလိဂ်အသင်းကြီး ချဲလ်ဆီးကို ၃-၁ ဂိုးနဲ့ အနိုင်ရရှိဖို့ ကူညီပေးခဲ့ပြီးနောက် သတင်းထောက်တွေကို “ရုပ်ပိုင်းဆိုင်ရာရော၊ စိတ်ပိုင်းဆိုင်ရာပါ ဒါက ကျွန်တော် ဘယ်တုန်းကမှ ဒီလိုမျိုးမခံစားခဲ့ရတဲ့ အကောင်းဆုံး အနေအထားပါပဲ။ ဒီအသင်းမှာ ကျွန်တော်အခွင့်အရေးတွေ ရမှာဆိုတာကို သိပါတယ်။ ကျွန်တော် ဆက်ပြီးယူသွားရမှာပါ” လို့ ကိန်းက ပြောကြားခဲ့ပါတယ်။

ကိန်းဟာ ပြည်တွင်း၊ ဥရောပနဲ့ နိုင်ငံတကာ ပြိုင်ဘက်တွေကိုလည်း သူ့ရဲ့ကစားပုံကို ပိုပြီးတိုးတက်အောင် လုပ်သွားဖို့ ရည်ရွယ်ထားကြောင်း သတိပေးခဲ့ပါတယ်။ စီရော်နယ်ဒိုနဲ့ မက်ဆီတို့လိုမျိုးပဲ သူဟာ အခြားပန်းတိုင်တစ်ခုကို အမြဲလိုက်နေတဲ့ စိတ်ဓာတ်ရှိပါတယ်။ ကမ္ဘာ့အကောင်းဆုံး နံပါတ် ၉ ကစားသမားတွေထဲက တစ်ဦးဖြစ်တဲ့ ကိန်းက “တိုးတက်အောင်လုပ်ဆောင်ဖို့နဲ့ ပိုကောင်းအောင်လုပ်ဖို့ဆိုတာ အမြဲတမ်း ပန်းတိုင်ပါပဲ” လို့ ထပ်လောင်းပြောကြားခဲ့ပါတယ်။

ကိန်းဟာ လက်ရှိအချိန်မှာ အများကြီး ဘယ်လိုလုပ်ဆောင်နိုင်ဦးမလဲဆိုတာကို ကြည့်ဖို့ခက်ပါတယ်။ သူဟာ ဘိုင်ယန်အတွက် ၁၀၂ ပွဲကနေ ၉၅ ဂိုးအထိ သွင်းယူပေးခဲ့ပြီး အဲဒီသွင်းဂိုးတွေကြောင့် ဘွန်ဒက်စ်လီဂါနဲ့ ဂျာမန်စူပါဖလားကို ရယူပြီး ဖလားစိန်ခေါ်မှုတွေကို ရပ်တန့်နိုင်ခဲ့ပါတယ်။