အင်္ဂလန်ကွင်းလယ်လူ ကော်နာဂယ်လာဟာအား အံ့အားသင့်ဖွယ်ခေါ်ယူဖို့ ဆွေးနွေးနေတဲ့ အက်သလက်တီကိုမက်ဒရစ်
အက်သလက်တီကိုမက်ဒရစ်ဟာ ယခုနွေရာသီတွင် ကွင်းလယ်ကစားသမား ကော်နာဂယ်လာဟာအား ခေါ်ယူရန်အတွက် ချဲလ်ဆီးအသင်းနှင့် ဆွေးနွေးမှုများ ပြုလုပ်နေကြောင်း သိရပါတယ်။
TalkSPORT ရဲ့ ဖော်ပြချက်အရ စပိန်ကလပ်ဟာ လာမယ့်နွေရာသီမှာ စာချုပ်သက်တမ်းကုန်ဆုံးတော့မယ့် အင်္ဂလန်လက်ရွေးစင်ကစားသမားကို ခေါ်ယူဖို့ ချဲလ်ဆီးအသင်းနဲ့ ဆွေးနွေးမှုတွေ ပြုလုပ်ခဲ့တယ်လို့ သိရပါတယ်။ အသက် ၂၄ နှစ်အရွယ် ကစားသမားကို စာချုပ်သစ်အတွက် ကမ်းလှမ်းထားခြင်း မရှိသေးတာကြောင့် တော့တင်ဟမ်၊ အက်စတွန်ဗီလာနှင့် အခြားသောအသင်းတွေက ခရစ္စတယ်ပဲလေ့စ်မှာ အငှားသွားရောက်ကစားခဲ့တဲ့သူကို စိတ်ဝင်စားနေကြောင်း သတင်းများက ဖော်ပြခဲ့ပါတယ်။
AS ၏ဖော်ပြချက်အရ အက်သလက်တီကိုမက်ဒရစ်ဟာ ယူရိုသန်း ၂၀ (ပေါင် ၁၇ သန်း၊ ဒေါ်လာ ၂၂ သန်း) ဖြင့် ကနဦးကမ်းလှမ်းမှုပြုလုပ်ခဲ့သော်လည်း ချဲလ်ဆီးအသင်းက အဆိုပါ ၂၄ နှစ်ကစားသမားအတွက် ပြောင်းရွှေ့ပမာဏကို နှစ်ဆတိုးကမ်းလှမ်းရန် တွန်းအားပေး ပြောကြားထားပါတယ်။
ဂယ်လာဟာဟာ မကြာသေးမီလများအတွင်းက စတန်းဖို့ဒ်ဘရစ်ချ်မှ ထွက်ခွာရန် ချိတ်ဆက်မှုများရှိနေပြီး ချဲလ်ဆီးကတော့ အင်ဇိုမာရက်စ်ကာရဲ့အသင်းရှိ သူ့ရဲ့နေရာကိုအစားထိုးရန် စိတ်ကြိုက်ရွေးချယ်ခံရသူများထဲမှတစ်ဦးအဖြစ် ယူနိုက်တက်ကစားသမားဟောင်း ပါရဲယားကို စောင့်ကြည့်နေကြောင်း သိရပါတယ်။
ချဲလ်ဆီးအတွက် ပြီးခဲ့တဲ့ရာသီက ပြိုင်ပွဲစုံ ပွဲ ၅၀ ကစားပေးခဲ့တဲ့ ဂယ်လာဟာ ဟာ အင်္ဂလန်ရဲ့ ယူရို ၂၀၂၄ ပြိုင်ပွဲရဲ့ ၇ ပွဲတွင် ၅ ပွဲကစားခဲ့ပြီး ရာသီသစ်အတွက် နီးကပ်လာတာနဲ့အမျှ သူ့ရဲ့အနာဂတ်ကို မကြာခင် ပြီးဆုံးဖို့ မျှော်လင့်နေပါတယ်။
