ယခုနွေရာသီတွင် စတင်အသက်ဝင်မယ့် စာချုပ်ဖျက်သိမ်းခ ပေါင် ၆၅ သန်းကြောင့် အသက် ၂၁ နှစ်အရွယ် ကစားသမားကို ဥရောပတစ်ဝှမ်းမှကလပ်တွေက စိတ်ဝင်စားလျက်ရှိပါတယ်။

ချဲလ်ဆီး၊ ယူနိုက်တက်နဲ့ လီဗာပူးတို့က ဆက်စ်ကို ကို အဓိကစိတ်ဝင်စားနေတာဖြစ်ပါတယ်။ ဒါပေမယ့်လည်း အာဆင်နယ်ဟာ ဆက်စ်ကိုကို ခေါ်ယူဖို့ အကောင်းဆုံးအနေအထားမှာရှိပြီး လက်ရှိမှာ ရှေ့ဆုံးတွင်ရှိနေပါတယ်လို့ Athletic က ဖော်ပြထားပါတယ်။

ဂန်းနားတွေဟာ ဆက်စ်ကိုကို စိတ်ဝင်စားတဲ့ ပရီးမီးယားလိဂ်ကလပ်များအနက် အတည်ငြိမ်ဆုံးဖြစ်ပြီး တိုက်စစ်မှူးမှာ အာဆင်နယ်ရဲ့ပွဲထွက်စာရင်းမှာပါဝင်ဖို့ တိကျတဲ့လမ်းကြောင်းတစ်ခု ရှိနေပါတယ်။ စလိုဗေးနီးယားသားဟာ ၂၀၁၉ ခုနှစ်တွင် ပိုင်ရှင်တစ်ဦးတည်းဖြစ်တဲ့ ဆဲလ်ဘတ်မှ လိုက်ပ်ဇစ်သို့ ရောက်ရှိလာခဲ့ပြီး ဂျာမနီတွင် တစ်နှစ်ပြီးတစ်နှစ် တိုးတက်လာခဲ့ပါတယ်။

ဘွန်ဒက်လီဂါကလပ်ဟာ ဆက်စ်ကိုကို ဆက်လက်ထိန်းသိမ်းထားလိုနေပြီး လာမယ့်နှစ်များအတွင်း သူ့ရဲ့စာချုပ်ဖျက်သိမ်းခထက် ပိုမိုဈေးတက်လာမယ်လို့  ယူဆထားတာဖြစ်ပါတယ်။ လိုက်ပ်ဇစ်ဟာ ဆက်စ်ကို ကို လစာသိသိသာသာတိုးပေးမယ့် စာချုပ်သစ်တစ်ရပ်ဖြင့် ကမ်းလှမ်းရန် ဆန္ဒရှိနေပါတယ်။ ဒါပေမယ့် တိုက်စစ်မှူးက ထွက်ခွာဖို့ ရွေးချယ်မှာလားဆိုတာ စောင့်ကြည့်ရဦးမှာဖြစ်ပြီး ကလပ်အသင်းတော်တော်များများက သူ့ရဲ့စာချုပ်ဖျက်သိမ်းခဖြင့် ခေါ်ယူနိုင်ဖို့ မျှော်လင့်နေကြပါတယ်။ အာတီတာက ကွင်းလယ်တွင်ကစားရန်အတွက် ကိုင်ဟာဗတ်ဇ်ကို ပြီးခဲ့တဲ့နွေရာသီက ချဲလ်ဆီးအသင်းမှ ခေါ်ယူခဲ့ပါတယ်။

သို့သော်လည်း ဂျီးဆပ် ဒဏ်ရာ ရရှိနေတဲ့အချိန်မှာ တိုက်စစ်မှူးအဖြစ် ကစားခဲ့ပြီး သူ့ရဲ့အကောင်းဆုံး နေရာဖြစ်လာခဲ့ပါတယ်။